:: ايهما افضل مركز يات المعادى ام مركز نيوهيريزون مدينة نصر ::
السلام عليكم ورحمة الله وبركاته
انا والله يا اخوانى تعبت وذهقت من الموضوع ده لدرجة انى عاوز اصرف نظر عن الكورسات
انا دلوقتى محتار ما بين اتنين
1- مركز يات المعادى اللى غلبنى
تكلفة الكورس = 4300 جنية بدون الامتحانات
عدد الساعات 315 ساعة
الانستراكتور علاء جمعة
2- مركز نيو هيريزون مدينة نصر
النظام فيه كالتالى :
بعمل عضوية بـ 1000 جنية بتقعد سنه ونص ودى بتبقى عضوية تبع كورسات ميكروسوفت
الساعه فى كورس MCSE بتساوى 10 جنية
الكورس عندهم اول حاجه 264 ساعة ودى الجزء الاول للكورس وبعدها بختار التخصص
فى حاجه بتقولى ISA وحاجه تانيه مش فاكرها
عموماً هما قالولى الناس كلها بتاخد الاتنين يعنى مجموع الساعات 616 ساعة
يعنى هيتكلف مصاريف دراسة فقط 6160 جنية طبعاً بدون الامتحانات
المهم فى الموضوع كله انى عاوز اخد الكورس فى مركز محترم وجدير بتدريس هذا الكورس
مش مشكلة فرق الفلوس المهم انى اطلع من الكورس برفكت عشان اقدر استمر
انا يعتبر الكورس ده اول كورس اخده فى حياتي .
المهم فى الامر كله رأيكم ايه ونصيحتكم ليا ؟
شكراً
رد: :: ايهما افضل مركز يات المعادى ام مركز نيوهيريزون مدينة نصر ::
اخي العزيز هديك نصيحتي ولاخرررررررر مرة
احذر ثم احذر ثم احذر من الاسماء اللامعه وبذات في مجال الكورسات
مش كل غالي ثمنه فيه
اهم شئ الانستراكتور...لذا انصحك ابحث عن الانستراكتور وليس لمكان
فمثلا لو رحت ليات قلهم عاوز اشوف علاء جمعه وروح وقابله وكلمه واسالة وشوف الكاريزما بتاعته واسلوب شرحه صدقني مش هتندم لان ده اللي هيدرسلك وهيبقي المسؤل الاول في توصيل المعلومة
والله ياخي والله نس كتيييير جدااا احبطوا من المجال ده بسبب مشوار البحث وانا بحاول اساعدك عشان مريت بظروفك والحمد لله داخل كورس يوم الخميس الجاي...
الخلاصة اذن مش مهم الفلوس كام ولا الاسماء الامعه المهم مين اللي هيديك وخبرته قد ايه في المجال وعدد الساعات قد ايه ومدي الالتزام بالمواعيد..وحاول علي قد متقدر متدفعش فلوسك مرة واحده دي نصيحه علشان لو اتلبيت من المركز اللي بتقدم فيه متكونش لكارثة في المبلغ كله
واوعي تقول ياعم دا نيهورايزون صدقني كل مكان فيه الحلو والوحش..وفالنهاية ربنا يوفقك وانتا حر
اللهم بلغت اللهم فاشهد
رد: :: ايهما افضل مركز يات المعادى ام مركز نيوهيريزون مدينة نصر ::
اخى انا جربت نيوهريزون الاسكندريه وهما كويسين جدا
بس زى الاخ احمد مبيقول المهم هو الانستركتور مش المركز
رد: :: ايهما افضل مركز يات المعادى ام مركز نيوهيريزون مدينة نصر ::
والله يا اخى عن تجربه الاستاذ الكبير علاء جمعه انستركتور قدير ومتميز جدا وهو مركز فى شغله اوى وهتستفيد منه جداا دى نصيحتى ليك وفعلا اهتم بالانستركتور قبل المكان
رد: :: ايهما افضل مركز يات المعادى ام مركز نيوهيريزون مدينة نصر ::
جميل اكيد الانستراكتور ليه دور كبير
بس الادارة ليها دور والراحة والالتزام
طيب انا عاوز اعرف رأيكم ايه لمركز نيوهيرزون مدينة نصر ؟؟
رد: :: ايهما افضل مركز يات المعادى ام مركز نيوهيريزون مدينة نصر ::
أخى الحبيب مركز يات كإدارة سئ للغاية وعن تجربة فى فرع المعادى المدير تقريبا أسمة مؤمن كل ما كنا نشتكى من الإنستركتر يقول أستاذ أحمد رمضان دة أحسن واحد عندنا إلى أخر الكورس هذا الكلام مركز نيوهوريزون كل الناس تقريبا بتشكر فيه
أخيرا أخى الإستخارة هى الحل
رد: :: ايهما افضل مركز يات المعادى ام مركز نيوهيريزون مدينة نصر ::
السلام عليكم
لن أتحدث عن المراكز أو الانستراكتورز فهذا ليس همي
ولكن همي يا أخي هو أني ملاحظ انك تتكلم عن ال MCSE
هل هذا صحيح؟
لماذا تنفق أموالك على كورس سيتنهي قريبا العمل به؟
أنفقها يا أخي على النسخة الاحدث وهي ال MCITP
وهناك موضوع في المنتدى يتحدث عن هذا الأمر
رد: :: ايهما افضل مركز يات المعادى ام مركز نيوهيريزون مدينة نصر ::
اقتباس:
المشاركة الأصلية كتبت بواسطة Daash
السلام عليكم ورحمة الله وبركاته
انا والله يا اخوانى تعبت وذهقت من الموضوع ده لدرجة انى عاوز اصرف نظر عن الكورسات
انا دلوقتى محتار ما بين اتنين
1- مركز يات المعادى اللى غلبنى
تكلفة الكورس = 4300 جنية بدون الامتحانات
عدد الساعات 315 ساعة
الانستراكتور علاء جمعة
2- مركز نيو هيريزون مدينة نصر
النظام فيه كالتالى :
بعمل عضوية بـ 1000 جنية بتقعد سنه ونص ودى بتبقى عضوية تبع كورسات ميكروسوفت
الساعه فى كورس MCSE بتساوى 10 جنية
الكورس عندهم اول حاجه 264 ساعة ودى الجزء الاول للكورس وبعدها بختار التخصص
فى حاجه بتقولى ISA وحاجه تانيه مش فاكرها
عموماً هما قالولى الناس كلها بتاخد الاتنين يعنى مجموع الساعات 616 ساعة
يعنى هيتكلف مصاريف دراسة فقط 6160 جنية طبعاً بدون الامتحانات
المهم فى الموضوع كله انى عاوز اخد الكورس فى مركز محترم وجدير بتدريس هذا الكورس
مش مشكلة فرق الفلوس المهم انى اطلع من الكورس برفكت عشان اقدر استمر
انا يعتبر الكورس ده اول كورس اخده فى حياتي .
المهم فى الامر كله رأيكم ايه ونصيحتكم ليا ؟
شكراً
وعليكم السلام Daash
أنا أدرس حالياً فى مركز نيو هويزون مدينة نصر
وأحب أقولك عن خبرة الموضوع أولاً وأخيراً محاضر (الانستركتور) وإلا الأفضل الجلوس فى المنزل ومتابعة منتدى عرب هاردوير فهو بجد محترم جداً عن تجربة.
بالنسبة لنيو هوريزون فهى شركة عالمية أمريكية الأصل وبالنسبة للشركة فى مصر ودول الخليج واخد امتيازها شركة الخليج اللى تعتبر تبع الوليد بن طلال وهى برده تبع الشركة الأمريكية فى كل شئ.
بالنسبة للكورس الأحسن ليك تاخد +A وبعد كده +N من المنتدى أو فى نيو هويزون أو يكون معاك من الخبرة والمعلومات ما يعادلهم، ودا علشان ميبقاش الكورس بالنسبة لك ألغاز ويبقى سهل عليك شوية.
الكورس طويل وجميل جداً.
فى نظامين فى نيوهوريزون لما تيجى تاخد MCSE:
1- بتاخد الكورس بحوالى 10.000 (عشرة آلاف جنيه) ودا علشان فيه الكتب الأصلية وشهادة من ميكروسوفت بحضورك وانصرافك مش الشهادة بتاعت الامتحان.
2- العضوية (ممبر شيب) ودا علشان تكون فيه بتدفع 1000 (ألف جنيه) وبعد كده الساعة بعشرة جنيه وهما إجمالى 304 ساعة بتسع أجزاء منهم واحد اختيارى بسبع امتحانات من شركة ميكروسوفت، يعنى إجمالى 4000 جنيه وكسور .
وللعلم أنا ممبر شيب والكتب بجيبها من على النت وباخد شهادة فى نهاية كل جزء من الكورس باسم نيوهوريزون وفيها اسمى(تفيد إنى أنا عديت الجزء دا مثلا 2272).
من أحسن المحاضرين فى نيوهوريزون عموماً لدورة MCSE :
- مستر سلامة
- مستر هانى نصر
وأنا بدرس حالياً مع مستر هانى نصر إنسان محترم ويستاهل كل خير وأستاذ فى مهنته وفى أسلوب شرحه السهل الجميل الممتع وأتحداك إذا قعدت معاه ومفهمتش. عنده استعداد إنه يوصلك المعلومة حتى لو انتا مش عاوز، وبيعيد لو فهمتش لحد ما تفهم، ولو فى حاجة واقفة معاك تكلمه فى أى وقت بيجاوبك عليها، وبيديك أمثلة من الحياة العملية يعنى المحاسب فى الشركة هيطلب منك ايه والمدير هيطلب منك ايه وهكذا....
مواعيد الكورس ليلية ثلاثة أيام فى الأسبوع سبت واثنين وأربعاء أو أحد وثلاثاء وخميس
أربع ساعات فى اليوم من 6-10 مساءاً فيهم نص ساعة راحة (يعنى من الساعة 6 وحتى الساعة 8 ومن 8 وحتى 8.30 راحة وبعد كده من 8.30 وحتى 10)
شرح نظرى جميل فى الأول بعد كدة بتطبق العملى على الجهاز الخاص بك فى المعمل.
ملحوظة: شهادة لله المركز محترم فى مواعيده وفى نظافته وفى أجهزته فى المعمل.
وإذا نويت أن تدفع المبلغ على أجزاء يعنى الكورس بكورسه يعنى الأربعين ساعة تدفع 400 وهكذا هقولك على حاجة هما اليومين دول نيوهوريزون الأمريكية طلبت منهم ترفع الأسعار شوية أو تخفض الدعم على الممبر شيب شوية من 70% إلى 60% وبالتالى هتصبح الساعة بــ 15 جنيه (خمس عشرة جنيه)
وإذا احتجت أى إفادة أخرى كلمنى على الخاص.
رد: :: ايهما افضل مركز يات المعادى ام مركز نيوهيريزون مدينة نصر ::
و الله انا نصيحتى لك تدرس الكورس ذاتيا عن طريق الشروحات فى الموقع
و عندك بالموقع شرح الاستاذ احمد سرحان و هو فى السنتر التدريبى و حاجه جامده اوى
و اتعلم و ادخل الامتحان و ان شاء الله تنجح
و على فكره
احذر من الاسماء اللامعه
فكل ده شكليات فقط
اهم حاجه الامحاضر
و بالتوفيق اخى
رد: :: ايهما افضل مركز يات المعادى ام مركز نيوهيريزون مدينة نصر ::
بص يا عزيزى انا كنت باخد فى نيو هورايزون فرع الدقى و على فكرة الفرع جامد جدا و احسن بكتير من كيت و يات بس اهم حاجة الانستراكتور اللى بيديك دة اهم اهم اهم حاجة و حاول لما تيجى تحجز احجز العضوية ممبر شيب دى بتبقة ب 1000 و مدتها سنة و نص دى احسن عشان الكتب و شهادة الحضور من مايكروسوفت دول ملهمش لزمة وابقى اسال على احمد عادل او سلامة او سلوان و يا سلام بقة لو لقيت واحد سامة حسام دة بقة البرنس بتاعهم و بالتوفيق و لو احتجت اى حاجة ابقى ابعتلى رسالة خاصة
رد: :: ايهما افضل مركز يات المعادى ام مركز نيوهيريزون مدينة نصر ::
رد: :: ايهما افضل مركز يات المعادى ام مركز نيوهيريزون مدينة نصر ::
اللي الاخ العزبز اللذي يريد النصيحة لازم تقول انتا خريج انهي كلية علشان نقدر المعلومات اللي انتا تقدر تستوعبها عشان في شهادات كتيير ومعلومات كتيير فلازم تحدد لنفسك مسار
رد: :: ايهما افضل مركز يات المعادى ام مركز نيوهيريزون مدينة نصر ::