apple macbook pro intel 3.06 core2duo
السلام عليكم
ازيكم عاملين ايه ؟ ياريت تكونوا كلكم بخير
انا عايز اشترى لاب توب جديد خصوصا انى داخل كلية وسفر وبقى وكلام من ده
انا اصلا بفضل amd عن انتل فى الاجهزة المكتبية لانها افضل واحدث وارخص
وكمان شوفت هنا عالمنتدى ان انتل بتساند اسرائيل يعنى يبقى حرام لو اشتريت معالج انتل
فهل Amd له كفاءة عالية فى الحاسبات المحمولة ؟ انتم تنصحونى باى ماركة من حيث hp و توشيبا والكلام من ده ؟
انا سالت ناس كتير الاول يقولى كذا اسال التانى يقولى حاجه تانية والاول يقولى عيب عالتانى والتانى يقولى عيب عالاول المهم قررت انى اشترى apple macbook pro وابعد عن كل الحوارات لان ده المضمون
خصوصا ان مواصفاته خارقة جدا وانا عايز كده ومش مهم الفلوس طالما الحاجه كويسه
دى المواصفات
https://i78.photobucket.com/albums/j...macbookpro.jpg
وفيه كمان بلوتوث باين و واى فاى وكاميرا انا عارف ان سعره 2800 دولار اى ما يقارب 15670 جنيه مصرى
انا من النوع اللى بيحافظ على الحاجه وناوى ان شاء الله ان الجهاز يفضل معايا اطول فترة ممكنة
فما هو العمر الافتراضى له ؟؟ يبقى بعد كام سنة الجهاز بيكون بيطلع فى الروح ؟؟؟
فهل انتم شايفين السعر ده مناسب ولا غالى ؟؟؟
وهل قرارى ده فى محله ولا اشترى الحاجات اللى ب8 الف او اقل ؟؟؟
انا محتار جدا جدا جدا جدا يا جماعة ياريت لو تهتموا لانى خلاص قربت اتجنن
رد: apple macbook pro intel 3.06 core2duo
الابل غالي قوي علشان نظام التشغيل اللي فيه و البرامج
لو انت متعود على الـwindows و مش عاوز تشتري الابل مخصوص علشان الـMac
( يعني تمن الMac و البرامج بتاعته تلاقيه اكتر من 1000$ من تمن الجهاز ) علشان كده غالي
يبقى اشتري HP احسن 1000 مرة و ارخص
رد: apple macbook pro intel 3.06 core2duo
اولا اشكرك شكرا جزيلا
انا معظم الناس قالت لى hp بس فى مهندس قالى دا وحش
ياريت لو تقولى على جهاز hp بامكانيات عالية
يعنى شاشة 17 او 16على الاقل وكارت شاشة عالى و رامات وبروسيسور عالى
وهل البروسيسور core2quad نزل فى اللاب توبات ؟؟؟
وهل اى لاب توب لما بتشغل عليه العاب بيسخن على طول ؟؟
وهل الحرارة دى بتعمل مشاكل ؟؟
لو انا محافظ عليه يفضل معايا قد ايه كويس ؟؟
وشكرا لك
رد: apple macbook pro intel 3.06 core2duo
اقتباس:
ياريت لو تقولى على جهاز hp بامكانيات عالية
يعنى شاشة 17 او 16على الاقل وكارت شاشة عالى و رامات وبروسيسور عالى
+
عندك الاتنين دول intel
https://www.compume.com/index.php?ta...oduct_id=31429
https://www.compume.com/index.php?ta...oduct_id=31335
و عندك ده AMD بس اضعف من الاتنين اللي فوق
https://www.compume.com/index.php?ta...oduct_id=31688
و الشاشة لو انت هتتنقل بيه يبقى احسن لك اكتر حاجة تجيبها 15.4 - 15.6 علشان الوزن
اقتباس:
وهل البروسيسور core2quad نزل فى اللاب توبات ؟؟؟
نزل بس في اللابتوبات بره [ مش هنا ( على حد علمي ) ]
لو عندك امكانية انك تشتري من بره ممكن تشتري لاب توب alienware ده متخصص العاب تبع dell و لو اشتريته من بره تختار الضمان 3 سنين على الاقل علشان الضمان يبقى دولي
اقتباس:
وهل اى لاب توب لما بتشغل عليه العاب بيسخن على طول ؟؟
وهل الحرارة دى بتعمل مشاكل ؟؟
لو انا محافظ عليه يفضل معايا قد ايه كويس ؟؟
هو بيسخن اللاب توب ليه ؟ اللاب توب بيسخن لما بيشتغل على اخره و الالعاب بتخليه يشتغل 100% بس على العموم السخونة مش هتبقى عالية قوى لو حاطه على سطح مستوي ( مكتب ) لكن هتحس بالسخونية لو حاطه على سرير او على رجلك لانك كده بتبقى قافل فتحة التهوية
و ممكن تجبله مبرد كده بيتحط تحت الجهاز بيبقى فيه مراوح و ده هيبردلك الجهاز حتى لو شغال العاب
رد: apple macbook pro intel 3.06 core2duo
انا هشغله فى البيت
وهجيب له مبرد
انا اصلا مش بفتح العاب خالص
انا مسافر هولندا شهر 8
على فكرة الروابط كلها بتجيب صفحة واحدة :D
ومش لاقى الاجهزة :D
هل ده كويس
https://www.arabhardware.net/forum/s...5&postcount=82
هو عجبنى قوى بس هل فى تردد اعلى من كده ؟؟؟
لو فى تردد اعلى من كده من غير ما افقد اى امكانيات اللى موجودة فيه يبقى كويس قوى ؟؟؟
وشكرا جدا ليك
رد: apple macbook pro intel 3.06 core2duo
اوبس الروابط مخرفة الروابط تاني اهي
https://tinyurl.com/nrrss9
https://tinyurl.com/lxvba5
https://tinyurl.com/l4qwtu
و الاتش بي ده موجود في مصر ؟
بس طالما انت مش بتلعب عليه يبقي حرام انك تجيب لاب توب عالي قوي كده :)
رد: apple macbook pro intel 3.06 core2duo
اقتباس:
هل البروسيسور core2quad نزل فى اللاب توبات ؟؟؟
نزل ، وعامل حوالي 12 ألف .
السعر اللي محدده علشان اللاب كام ؟
اقتباس:
انا معظم الناس قالت لى hp بس فى مهندس قالى دا وحش
مع احترامي لحضرتك وحضرته ده مش مهندس ، ده بقال ، ال hp أعلى مبيعات في العالم لثلاث سنوات متتالية !!!!
وبعدين أصل المهندسين كتروا اليومين دول ، فأنت لازم تاخد بالك من المهندسين ،والزمالك ، والعجوزة ، والدقي
رد: apple macbook pro intel 3.06 core2duo
متشكر قوى يا رجاله شكرا جزيلا لكم بجد
young coder
انا عاوز اجيب لاب توب مواصفاته عاليه عشان معدش كل شوية اغير واجيب واحد واتنين وهكذا
ولما انا اشترى hp hdx وهيكون بعد وهو معايا حاجه قديمة لان كل شوية ينزل حاجه جديدة
شكرا لك على اهتمامك
---------------------------------------
vancouverEG
والله كل واحد وله رأيه احسن هو قالى انو كان معاه واحد HP وبيشتكى منه تلاقيه كان قديم
وهو قالى احسن حااجه التوشيبا والسونى بس انا خلاص قررت اشترى HP
وعادى اختلاف الرأى لايفسد للود قضية :D وانا احترم رأى حضرتك و رأيه و رأى الاستاذ young coder
والميزانية مفتوحه
وشكرا لكم
رد: apple macbook pro intel 3.06 core2duo
انا وجهة نظري تجيب لاب توب على حسب استخدامك الحالي و تغيره بعد كده احسن
لان كل شوية تكنولوجيا جديدة تنزل فالاسعار بتنزل
يبقى انت لو جبت لاب توب عالي قوي و اكبر من استخدامك بكتير بعد كام سنة هتلاقي في تكنولوجيا جديدة نزلت تخلي اي لاب توب جديد بنص التمن مثلاً و اقوى 100 مرة
يبقى الاحسن انك تجيب لاب توب على حسب استخدامك الحالي و بعد كده تجدد
رد: apple macbook pro intel 3.06 core2duo
بما أنه ميزانية مفتوحة ، تفضل :
VAIO VGN-AW270YQ
Core 2 Duo T9550 2.66 / 6
RAM :6GB
HDD:1TB
LCD Size : 18.4XB LED FULL HD
NVIDIA 9600m GT
512MB dedicated
UP TO :2280MB
OS :Vista Ultimate 64-bit
BLURAY DVDRW
Fingerprint
ده بحوالي 28 الف جنيه مصري
رد: apple macbook pro intel 3.06 core2duo
متشكر جدا يا بشمهندسين
وانا اقنعت برأى حضرتك يا استاذ ينج كودر وشكرا لك
-----------
الاستاذ VancouverEG كده كل الميزانيات هتبوظ :D
مفتوحة بس مش قوى كده :D
دا كده بقه اجيبه عن طريق البنك وادفع اقساط طول عمرى :D
شكرا قوى ليك
----------
شكرا قوى ليكم انتو الاتنين