بعت جهازي الPS3 بعد صراع طويل مع المرض
نعم ان جهازي البي اس 3 دمرني من جميع النواحي قصة درامية بمعني الكلمة ....... شريت الوحش الاسود في ال2007 بعد نجاحي في الادوار الثانوية وكنت محتار جدا بينه وبين الاكس بوكس ولكن رسخت في النهاية عالوحش ال60 جيجا وطبعا شريته تقريبا مع ذراعين وتنس ب1000 دينار ليبي .... المهم الجهاز اشتغل في البداية فل ولكن بعد 8 اشهر ولاكون اكثر تحديدا عندا نزول ميتل جير 4 المهم كنت متشوق للعبها بعده قراءة المراجعات ..... شريت اللعبة بتحويشة العمر ب110 دينار لم اكمل يومين من اللعب بها الا والجهاز بدا يستك ويطفا ولما اولعه القي الجهاز لا يقرا الدسكة شكيت قلت ممكن الدسكة هي مشكلة ووضعت التنس ولكن للاسف الجهاز معش يشغل في دسكات ........ انصدمت علما باني مش من النوع الي يلعب واجد يعني ساعتين في اليوم حقاتي وطبعا اكيد في ليبيا لا يوجد ضمان يعني مش زي الامارات ولا الدول الاخري ردها وخوذ واحد ثاني لا خرب يعني خرب انسي ...... المهم دزيت الجهاز لدبي بعد سنة من انتظاري حتي احصل واحد ياخذه معاه والحمدلله اصلح ب100 دولار اخخخخخخخخخخخخخخخ ........
نحن الان في عام 2010 والجهاز تمام ميه ميه الا ان قبل اربع اشهر وبالضبط كنت العب في top spin 4 الجهاز انطفا واللبمة بقت صفراء ........ انا استغربت قلت ممكن الكهربا ولا حاجه زي هكي اظفاته من الخلف واعدت تشغيله الا ان الجهاز لا يريد ان يشتغل ههههههه ...... بعد شهرين اصلحته بنفسي من اللمبة الصفرا بعد عنااااااااااااااااء طويللللللللللللللللللل ..... الجهاز ما طول ردت اللمبة الصفرا بعد اسبوعين من الاصلاح ........ كرهتك يا صوني والله عذاب الي صارلي .... انا افكر في شراء جهاز جديد ولكن لااااااا لصوني افكر اروح للاكس بوكس 360 او جهاز كمبيوتر جديد ذو مواصفات عالية ولكن Ps3 لقد اقفلت الباب علبكي نهائيا
رد: بعت جهازي الPS3 بعد صراع طويل مع المرض
يا صديقي العزيز البلي مرض مزمن كالسرطان العابة غالية جدا تحكمة يلعب النفس اما الاكس بوكس فهو اكيد الامثل بسبب ان من انتجه الشركة العملاقة مايكروسوفت وانت بعد تعرف مايكرسوفت..انصحك بشرا اكس بوكس من نوع JTAG جاسبر فهو افضل انواع الاكس بوكس والالعاب راح تلعبة بسعر رخيص دولار واحد يعني انت اتخيل اني العبباتمان ارخهام ستب نزلته من التورنت او جاي العبهه هاهاها وكذلك كيرز اوف ورر..
رد: بعت جهازي الPS3 بعد صراع طويل مع المرض
كان من مفروض تروح من الاول للاكس بوكس انا كنت محتار مثلك وحاب اشتري بلاي عشان حصريات رهيبة ولكن بعدين طلعت الميزانية ما تكفي يعني كل سنة 5 العاب بالويل او 50 بالسنة فاتجهت للاكس بوكس وفعلا كان قد المسوؤلية بس الان بصراحة انصحك تنتظر وتشوف لاني الاجهزة جديدة قادمة
رد: بعت جهازي الPS3 بعد صراع طويل مع المرض
يا عزيزي نصيبك هكي راهن زي بعضهن ما فيش فرق جهازك قديم يعني أول إصدرات السوني و ال 60 قيقة باذات
و حتي الأكس بوس واحد صاحب قريب حرقلا حوشهم - سيب الجهاز ال 360 واللع علي الأغاني طلع و من الدار و رد لقاه سايح والعا فية النار ؟!؟!؟!؟!؟!؟
كيف مش عارف.
خوذ جهاز كمبيوتر مواصفات متوسطه أو عاليا أحسن لك العبة بي 1.5 و 3 ال9 قيقة زي ما أنا داير :D
بس شكلك من الشرق
مبروك علينا قتلتت بو شفشوفة
رد: بعت جهازي الPS3 بعد صراع طويل مع المرض
منور يا طير ومنورين يا شباب عالردود والله ماني عارف هي بين الاثنين الاكس بوكس 360 السليم او كمبيوتر مواصفاته عاليه