تقرير كامل عن الروتربورد Rb433 AH

بسم الله الرحمن الرحيم

بداية طبعا كلنا بنسمع كلمة راوتربورد وكتير منا مايعرفش يعني ايه معناها !

والروتربورد هي عباره عن اكسس بوينت بس لأرسال و استقبال الشبكه اللاسلكيه بس بمواصفات خاصه من ضمن المواصفات ديه انك تقدر تستخدمه ( طبعا مش كل الروتربورد ) كريبيتر للإشاره او كجسر للربط بين نقطتين او اكتر من نقطتين وطبعا ممكن تستخدمه
كأكسس بوينت وليه استخدامات تانيه هحاول اذكرها كلها في مواضيع تانيه ان شاء الله تعالى واهم صفه من صفات الروتربورد انك تقدر تحدد انت قدرة البث بتاعته وده طبعا من خلال تركيب كروت مينى بى سى اى عليه اللي هيا كروت البث الراديويه طبعا ديه صور لكل السيستم او الباكيدج بتاع الروتربورد RB433AH

وده موقع البورده لزياده من التفاصيل هنا

الروتربورد

https://routerboard.com/img/rb433AHm.jpg

كرت الميني بي سي اي ( كرت البث )

https://www.spectrumindo.com/images/medium/XR2.jpg

الكابل الواصل بين كرت البث والأنتينا

https://www.keenansystems.com/store/...es/mmcx-nm.jpg

الأدابتور ( مزود الطاقه )

https://www.routerboard.com/image_tools.php?imageId=34

البي او اي ( وده وظيفته دمج كابل الباور مع كابل الأنترنت في كابل واحد )

https://www.routerboard.com/image_tools.php?imageId=32

وديه طبعا محتويات الباكيدج كله طيب نيجي بقه للمواصفات الفنيه للبورده ديه

-معالج بقوه 800 ميجا هرتز
-رام 128 ميجا DD ram
-3 مخارج mini pci ل 3 كروت ( تستطيع تشغيل 3 محطات فى وقت واحد )
-3 مداخل لان
-مكان لكارت ذاكره اضافيه ( لتفعيل خاصية الكاش وزياده مساحة الذاكره )
-تتحمل درجه حراره من (-20) الى 70 درجه
- سوفت ووير مايكروتك اصلى فيرجن 3.x
مجاناو قابل للتحديث

طيب ايه الامكانيات اللي انا هاستفيد منها لما اجيب الروتربورد ديه :
-اولا ممكن تعمل شبكه لاسلكيه مداها يصل لعشرين كيلو بالبورده ديه و كارت ميني بي سي اي Rx2 وانتينا هايبر لينك امريكي 15 DBI وده عن تجربه
-ممكن تربط بين نقطتين ppo بأتنين من البورده ديه وبانتينا 24 DBI دايركشن لمسافه تصل لخمسين كيلو متر
-تقدر تحمل على البورده ديه لغاية 80 مشترك و ممكن تزيد كمان

أخيرا طبعا سعر البورده ديه من الشركه نفسها 149 دولار
بس سعرها في مصر متفاوت من واققل سعر عرفته لغاية دوقتي كان 3200 جنيه
يعني تقدر تعمل سيستم كامل من بورده (3200 جنيه ) و كونيكتور كبير-كبير (110 جنيه ) و انتينا هايبرلينك امريكي 15 دي بي اي (1900 جنيه ) و تشتغل بيها من بكره الصبح

وزي ما قولت الأسعار فيها تفاوت حسب بقه اللي بيبيعهالك

اتمنى اني اكون اجبت على اسئلة كل اللي سألوني عن البورده ديه ولو فيه اي استفسار زياده انا في الخدمه

السلام عليكم و رحمه الله و بركاته اخي سيد :
من فضلك اخي الكريم توضيح ما هي متطلبات عمل شبكة لاسلكية بين مكانين بعيدين حوالي نصف كيلو لاني بصراحة كده اكثر من شخص افتوا في الموضوع ده و اخر حاجه سمعتها اني لازم اجيب تصريح من الهيئة القومية للاتصالات و مواضيع زي كده .
و جزاك الله خيرا .

مشكور

اقتباس:

---

المشاركة الأصلية كتبت بواسطة aborody

السلام عليكم و رحمه الله و بركاته اخي سيد :
من فضلك اخي الكريم توضيح ما هي متطلبات عمل شبكة لاسلكية بين مكانين بعيدين حوالي نصف كيلو لاني بصراحة كده اكثر من شخص افتوا في الموضوع ده و اخر حاجه سمعتها اني لازم اجيب تصريح من الهيئة القومية للاتصالات و مواضيع زي كده .
و جزاك الله خيرا .

---

ياباشا لا تصريح ولا حاجه و بعدين مسافة نصف كيلو مش مسافه لازم فيها تصريح انا سألت ناس من امن الدوله وقالولي ان الشبكه لو تعدت 20 كيلو لازم تاخد ليها تصريح واللي انت محتاجه لعمل الشبكه ديه مجرد اكسيسين ايرليف 5460 بس و ممكن اكسيسات اقل من ديه

وشكرا على مرورك

اقتباس:

---

المشاركة الأصلية كتبت بواسطة predatorrrr

مشكور

---

مشكور على مرورك واتمنى ان الموضوع يكون قيم

جزاك الله خير
لو تكرمت بالنسبة لموضوع الترخيص ، فيه ناس بتؤكد إن المسموح لمسافة 500 متر فقط وأكثر من ذلك لا بد من تصريح
فأرجو تأكيد هذه المعلومة ، ومدى التكلفة السنوية التي تحصل عليها الهيئة القومية للإتصالات (لتأجير الهواء)

طب الحاجات دى ممكن اقيها فين ف اسكندرية

اقتباس:

---

المشاركة الأصلية كتبت بواسطة السيد عبدالسلام

جزاك الله خير
لو تكرمت بالنسبة لموضوع الترخيص ، فيه ناس بتؤكد إن المسموح لمسافة 500 متر فقط وأكثر من ذلك لا بد من تصريح
فأرجو تأكيد هذه المعلومة ، ومدى التكلفة السنوية التي تحصل عليها الهيئة القومية للإتصالات (لتأجير الهواء)

---

أولا اسف على التأخير في الرد علشان بس انا في فترة امتحانات ثانيا انا يا باشا كلمت واحد في امن الدولة وقالي ان اي حاجه فوق 2 كيلو لازم تاخد بيها تصريح ومعرفش بقه هو كلامه صح ولا غلط المهم اتكل على الله وابدأ مشروعك وسيبك من المواضيع ديه علشان اللي بيقولها بيكون في الغالب عايز يعطلك بس والكلام ده ياما سمعته اول ما بدأت شبكتي وعلى فكره شبكتي بتغطي أكتر من 8 كيلو لغاية دلوقتي

اقتباس:

---

المشاركة الأصلية كتبت بواسطة السيد عبدالسلام

جزاك الله خير
لو تكرمت بالنسبة لموضوع الترخيص ، فيه ناس بتؤكد إن المسموح لمسافة 500 متر فقط وأكثر من ذلك لا بد من تصريح
فأرجو تأكيد هذه المعلومة ، ومدى التكلفة السنوية التي تحصل عليها الهيئة القومية للإتصالات (لتأجير الهواء)

---

أولا اسف على التأخير في الرد علشان بس انا في فترة امتحانات ثانيا انا يا باشا كلمت واحد في امن الدولة وقالي ان اي حاجه فوق 2 كيلو لازم تاخد بيها تصريح ومعرفش بقه هو كلامه صح ولا غلط المهم اتكل على الله وابدأ مشروعك وسيبك من المواضيع ديه علشان اللي بيقولها بيكون في الغالب عايز يعطلك بس والكلام ده ياما سمعته اول ما بدأت شبكتي وعلى فكره شبكتي بتغطي أكتر من 8 كيلو لغاية دلوقتي اه وموضوع التكلفه السنوية انا سمعت انه رقم كبير جدا ( خيالي ) علشان كده ياريت تسيبك منه

اقتباس:

---

المشاركة الأصلية كتبت بواسطة zorro6500

طب الحاجات دى ممكن اقيها فين ف اسكندرية

---

اسف ياباشا
بس انا معرفش مكانها في الأسكندرية بس ممكن اجيبهالك من القاهره