طلب تجميعه بوردة وبروسسير وهارد ورام فى حدود 2000 جنية او أكثر من مشكلة

السلام عليكم

انا عندي الكيسة موجودة وهي نوعها جامبو تقريبا وبهاند

ولسه جايب كارت الشاشة Ati 4770 من اسبوعين

وعندي بوردة G31 و بروسسير Intel P 4 631 وكسرت سرعته لـ 3.5 جيجا هرتز مؤقتا عشان اقدر اشغل الالعاب والحمد لله درجة الحرارة مش بتعدي 50 :D

ما علينا المهم

____________________

انا عاوز بروسسير يكون جامد اوي ف الالعاب اكتر من التطبيقات

يكون كاشة ع الاقل 6 ميجا وكواد والسرعه اقل حاجة 2.5 وان شاء الله مش هحتاج لكسر السرعه

وبوردة متوسطة مش قوية اوي ومش ضعيفة اوي بحيث انى لو كنت عاوز اكسر السرعه البوردة تمسح بكدا

وطبعا رام اعتقد رامة 2 جيجا هيبر اكس 1033 كفاية ف الوقت ده

وهارد وبفكر ف 640 بلاك

ممكن الميزانية تزيد شوية عن 2000

بس المهم الاداء فى تشغيل جميع الالعاب ع الـ High بدون كسر سرعه ف الوقت الحالي


ملحوظة : الباور عندي 350 وات جاما هل احتاج الى تغييره ؟؟ علما بان 4770 لا يحتاج الى باور عالي .ز

ملحوظة تانية : الكيسة عندي جامبو ديه كويسة ولا ومحتاج مراوح تانية ولا ؟ (هي فيها مروحة شفط من ع الجمب و مروحة تهوية من ورا وفى مروحة ع البروسسير طبعا ومروحة ع الكارت) كدا كفاية ولا ايه

معلش الموضوع طويل

شكرا ع تعبكم ;)

انت عايز معالج وموبو وهارد ورام ب 2000 جنيه؟ صح كده و لا انا فاهم غلط؟

اها وممكن اكتر من 2000 مش مشكلة

أولا مبروك علي الكارت الرائع دة ...

AMD Phenom II x3 720 = 830

Gigabyte MA790X-UD4P = 750

و الهراد البلاك ال 640 خلص ... كمان أسبوع أو عشر أيام هينزل تاني ...

تمام يا غالي

هل احتاج الى تعيير الباور والكيسة ام لا

والتهوية ستكون جيدة ام لا ؟

والهارد البلاك سعره حوالي كام ؟

اقتباس:

---

المشاركة الأصلية كتبت بواسطة SmaLLToto

تمام يا غالي

هل احتاج الى تعيير الباور والكيسة ام لا

والتهوية ستكون جيدة ام لا ؟

والهارد البلاك سعره حوالي كام ؟

---

الباور متغيروش .. و الكيسة لو لاقيت البروسيسور أو كارت الشاشة بيسخنوا زود مراوح 120 ... الهارد البلاك أنا جبتوا من شهر ب 460 بس دلوقتي سعرة نزل برة فممكن يبقي أرخص

خلاص تمام الف شكر يا غالي

ان شاء الله كمان 10 ايام انزل اجبهم

تنصحني بمحلات ايه ف سوق العصر ؟

اقتباس:

---

المشاركة الأصلية كتبت بواسطة SmaLLToto

خلاص تمام الف شكر يا غالي

ان شاء الله كمان 10 ايام انزل اجبهم

تنصحني بمحلات ايه ف سوق العصر ؟

---

High End و Maximum Hardware

Phenom II X4 940 >>>> 1200
GA-MA78G-UD3H >>>> 540
Kingston 2*2G Bus 800 >>>> 250


كده المجموع 1980 و البروسيسور ده أعلى و أفضل من ال 720 بس البوردة أقل من ال 790 بس مش هتفرق معاك جامد ودى بوردة ممتازة برضو يعنى اللى عملناه ان احنا هنعلى البروسيسور على حساب البوردة بس الحركة دى هتفيدك أكتر ما تعلى البوردة طبعا :)

و احتمال تلاقيها ب 510 كان حد قال السعر ده هنا قبل كده و الرامات دى الباص بتاعها 800 و هتفيدك برضو مش هتحتاج ل 1066 والهارد زى ما قالك سبايدر

جميل شكرا يباشا

هحط تجميعتك ف اعتباري وانا رايح اظبط الجهاز

بس قولي الباور متأكدين انه مش هيعمل مشاكل معايا ؟

HEC 350 w

وف تشغيل الالعاب وكدا انا عارف ان الكارت 4770مش محتاج باور عالي بس انا بتأكد بس


صحيح نسيت اسأل ع حاجة : اول ما بفتح الجهاز بسمع صوت مروحة عالي اوي وبعدين بيخف تاني علاطول يا ترى ده صوت الباور ولا الكارت وده طبيعي ولا ؟

لو فى حد عنده تجميعه تاني وغالبا هيكون التغيير ف البوردة لان البروسسيرات معروفة

وشكرا ليكم

اقتباس:

---

المشاركة الأصلية كتبت بواسطة SmaLLToto

جميل شكرا يباشا

هحط تجميعتك ف اعتباري وانا رايح اظبط الجهاز

بس قولي الباور متأكدين انه مش هيعمل مشاكل معايا ؟

HEC 350 w

وف تشغيل الالعاب وكدا انا عارف ان الكارت 4770مش محتاج باور عالي بس انا بتأكد بس


صحيح نسيت اسأل ع حاجة : اول ما بفتح الجهاز بسمع صوت مروحة عالي اوي وبعدين بيخف تاني علاطول يا ترى ده صوت الباور ولا الكارت وده طبيعي ولا ؟

---

الصوت ده أكيد صوت مروحة الكارت لان أول ما الجهاز بيشتغل المروحة بتشتغل بكامل سرعتها لغاية ما تدخل على الويندوز والسرعة تظبط زى ما انت عاملها و ممكن الباور كمان بس ده أكيد مع أى كرت

و الباور متقلقش خالص يشغلك الكرت والبروسيسور تمام

تمام الف شكر يباشا