باركولي شريت امس هذة المكونات + مشكلة كبيرة
السلام عليكم ورحمة الله
امبارح شريت القطع دي:
CPU PhenomII X3 720
GA-MA790ْْْْْْX-UD4P
Ram Kingston HyperX 2GB 800MT/S CL6
Power supply CoolerMaster 500W Extreme power plus
Powercolor HD4870 1G
انا لسة مشغلتش الجهاز لية...... هنا المشكلة
ال 4870 عاوزة 2 (6pin) والباور فية واحدة بس وطبعا اللي شريت منه كلمته طلع مش فاهم في البطيخ انا من الاسكندرية والحاجة دي جتلي من القاهرة لانها مكنتش موجودة في فرع الاسكندرية المهم بسأله علة الكونفرتور اللي المفروض يجي معا الكارت قالي الكارت مش بيجي معا كنفرتور كهرباء لفيييييييت لحد ما دخت في ناس قالتلي دة بيتعمل يدوي (الله علي المصريين لما يفننوا) قلت ماشي اروح واشوف المهم رحت للشركة اللي بتعمل الموضوع دة البية الباشمهندس قالي اة بعمله بس لازم تجبلي الفيحا تقد معايا يوم على الاقل قلتله نعععععععم ...شكرا يا عم الحج والسلام عليكم زمشيت ولحد دلوقتي مش علرف اعمل اية:ah42:
معلش يا شباب طولت عليكم اصلي محروق وهولع من الغباء اللي احنا فية بقالي يومين حاطط الكارت جانبي وبتفرج علية:ah46:
بالله عليكم اللي عنده حل يقولي او اعمل اية هل اغير الباور ؟؟؟؟ ولا حد يعرف محل بيبيع الكونفرتور دة في الاسكندرية.........
رد: باركولي شريت امس هذة المكونات + مشكلة كبيرة
بص نصيحة انت تروح للي باعلك الجهاز و اتخانق معاه و زعقله و انا متأكد انه هيشوفلك حل لأن في نوع من الناس مابيجيش غير بالعين الحمرا
رد: باركولي شريت امس هذة المكونات + مشكلة كبيرة
مش المفروض يا محمد الكارت يبقي فية كونفرتور في العلبة وانا متأكد من كدة وانا عملت حسابي على كدة
وحتي لو اتخانقت معاه هل في امل الاقي الكونفرتور دة
رد: باركولي شريت امس هذة المكونات + مشكلة كبيرة
بص في ناس ضميرها مش موجود بيشيلوا الكونفرتر من العلبة علشان يبيعوه لواحد حالته زي حالتك و يكسبوا فيه على علم انه بيجيي مجانا في العلبة فاحتمال تلاقيه بيبيعه لوحده و اسأل خبراء المنتدى
رد: باركولي شريت امس هذة المكونات + مشكلة كبيرة
اللي مش مخليني شاكك في الراجل ان علبة الكارت كانت مغلقة ببلاستيك قوي وعليها استيكر شركة الطويل
اة متعرفش فين مقر الشركة دي في الاسكندرية
رد: باركولي شريت امس هذة المكونات + مشكلة كبيرة
العنوان من موقعهم 45 ش مصطفى كامل سموحة اسكندرية
تليفون Phone: (002)-(03)-425-0121
(002)- (03) - 429-7563
Fax: (002) - (03) – 429-8963
الصفحة اللي فيها المعلومات دي https://www.eltawilit.com/contactus.aspx?PageID=6
رد: باركولي شريت امس هذة المكونات + مشكلة كبيرة
الله يكرمك يا محمد انا مكنتش اعرف ان ليهم سايت المهم انا هاروح بكرة لشركة سكادا اللي انا اشتريت منها وهعمل فيلم كدة واشوف لو مجبش نتيجة هاروح للطويل بس علي مييين انا متأكد اني اطول منه
رد: باركولي شريت امس هذة المكونات + مشكلة كبيرة
أخى الكريم المشكله مش فى الراجل الكرت فعلاً مفهوس وصلات ال 6 pin يعنى مش جاية أصلاً
وأنظر هذا الرابط
https://www.newegg.com/Product/Produ...2E16814131120R
وهذا أيضاً
https://www.newegg.com/Product/Produ...82E16814131148
أنظر الموديلان لسه فيهم وصله
المهم يا أخى دور على الوصله ممكن تلاقية بتتباع
رد: باركولي شريت امس هذة المكونات + مشكلة كبيرة
رد: باركولي شريت امس هذة المكونات + مشكلة كبيرة
كل الكروت الهاي إند معاها كونفيرتر خصوصاً 4870
رد: باركولي شريت امس هذة المكونات + مشكلة كبيرة
الله يبارك لك في جهازك ومشكلتط بسيطه وان شاء الله بتحلها
بخصوص استفسارك الكرت في الحقيقه يأتي بدون الوصله
والنسخه اللي انت وضعت رابطعا من موقع الاوفركلوكر هي لنسخة Pcs+ المكسورة السرعه
شوف الصوره لو الكرتونه اللي عندك مثل اللي في الصوره هذا يعني انها تأتي بدون الوصله https://www.newegg.com/Product/ShowI...d%20-%20Retail
رد: باركولي شريت امس هذة المكونات + مشكلة كبيرة
لا مش دي
انا بتعتي pcs+
هو دة الكارت بتاعي والعلبة كمان
https://images.tweaktown.com/imageba...B-01a_full.png
رد: باركولي شريت امس هذة المكونات + مشكلة كبيرة
نعم هكذا ايضا في هذا الموقع
https://hothardware.com/Articles/Pow...870-1GB-GDDR5/
هل جميع مافي الصندوق في الصوره لديك ؟
رد: باركولي شريت امس هذة المكونات + مشكلة كبيرة
اولا مبروك عليك الجهاز
ثانيا اصبر عزيزي حتى تستطيع الحصول على الكونفيرتر النظامي واياك من محاولة تفصيل واحد شغل ايد :ah1:
عموما راجع اللي باعك الكرت او المحلات التانية اكيد بتلاقي منها وان لم تجد ضع موضوع خاص فيها وتواصل مع الاخوة في مصر ممن يملكون الوصلة وليسوا بحاجة لها قد يقوم احد منهم بأرسالها لك وتنحل مشكلتك
رد: باركولي شريت امس هذة المكونات + مشكلة كبيرة
اخى العزيز الكارت HD 4870 لا يأتى معه الكونفيرتر الخاص بالبور .... ولكن على حسب الشحنه أو الدوله ممكن تتغير المكونات التى تأتى مع الكارت .... ولكن أغلبية مواقع المقارنات للكرت لا يظهر فيها الكونفيرتر ...
https://www.hexus.net/content/item.p...=3&search=prem
https://www.hothardware.com/Articles...870-1GB-GDDR5/
https://up.arab-x.com/July09/d9596540.jpg