مشكله فى مسمار

السلام عليكم
العنوان غريب بعتذر لكن مش عارفه اسميه حاجه تانيه

انا اشتريت لاب من سنة - حاليا الضمان انتهى- من كمبيومى
من حوالى كام شهر وانا بفتح الشاشه لقيته بيطأطأ..قعدت ادور ايه السبب لقيت ان المسمار اللى فى الجانب اللى جنب مفصلات الشاشه مش موجود...يعنى وقع لوحده..دورت عليه مالقتهوش...فده خلى الشاشه وهى بتتفتح تاخد الغطاء العلوى للاب-مش الشاشه- بتترفع وتطأ وممكن تنكسر مع الوقت
فوديته لواحد ركبله مسمار...قولت مش لازم ابعت لبتوع الصيانه عشان مسمار...
المهم فضل كده لحد الشهر ده ومكانش فى اى مشاكل...
بس تقريبا كده الموضع بتاع المسمار فى داخل الجهاز كان مشروخ....
لانى لقيته بيطأطأ امبارح وانه بفتحه....بشوف فى ايه لقيت المسمار سايب ومش مربوط كويس..جيت اربطه لقيته بيفوت وبعدين مارضاش يتربط خالص...ولقيت فى حاجه بتشخلل جوه الجهاز..يعنى موضع المسمار اتكسر...

المفروض اعمل ايه؟!
لو وديته للصيانه هايعملوله ايه؟!...ماعتقدش انهم هايعرفو يركبو مسمار..ولا يصلحو فى موضع المسمار..لانه اتكسر خلاص...
هل ممكن يكون الحل انهم يغيرولى الكفر كله بتاع اللاب؟ وهل لو كان ده الحل..هل ممكن تحصل مشاكل من كده؟

حضرتك هذا العيب لا يعتبر عيب تصنيع بل عيب مستخدم فإذا ذهبت به للتوكيل سيتم تصليحه بمقابل مادى لأنه خرج من شروط الضمان

والحل بسيط أخى وهو لحام الجزء المكسور بأى لاصق سريع خاص بالبلاستيك ثم تركيب مسمار أكبر قليلاً من المسمار القديم.

جزاك الله خيرا
لكن المشكله فى الداخل...يعنى هايفكوه ..هل فى مشكله ممكن تحصل؟....وهل لحام البلاستيك هايدوم مده اد ايه؟ يعنى اعتقد بكتيره 6 شهور -ان مكانش اقل- والاقيه اتكسر تانى!!

لو نفع اللحام مفتكرش أنه هيتفك تانى إلا لو هتفك المسامير تانى أو لو ضغطت على المسمار جامد فى الربط أو لو رميت اللاب على الأرض وده هيبوظه فى جميع الأحوال :)