هل حرارة هذه البطاقة مرتفعة أم لا ؟
الكارت بتاعى ATI Radeon 4850 HD
من سنة اول ماجبته كانت درجة حرارته من غير شغل 40 مئوية و كانت بترفع خمس درجات يعنى 45 اثناء الألعاب
دلوقتى درجة حرارته بقت 60 من غير شغل ايه السبب ؟
مع العلم ان انا غيرت نسخة اصدار التعريف من ع موقع AMD للأحدث مش عارف بقى دى تفرق ولا ايه
و سرعة المروحة 50% و ده من برنامج catalyst control center الى بيجى مع التعريف
هل فى حاجة ممكن اعملها عشان اقلل درجة الحرارة دى ولا الدنيا كده طبيعية
و هل فى برنامج يتحكم فى سرعة المروحة و يسجل درجة الحرارة اثناء اللعب
انا مش عايز العب فى سرعة المروحة او افكها او العب ف الكارت ارجو المساعدة و شكرا
رد: درجة حرارة كارت الشاشة عالية ولا ايه ؟
التعريفات ممكن تزود من حرارة الكارت لان التعريفات بتزود الاداء للكارت
جرب تنظف مروحة الكارت بالبلور
استخدم برنامج MSI Afterburner للتحكم فى مروحة الكارت ومعرفة اقصى درجة حرارة وصلها الكارت اثناء اللعب :)
رد: درجة حرارة كارت الشاشة عالية ولا ايه ؟
- قم بتنظيف فتحات خروج الهواء بالبلاور ، ولكن مع تثبيت المروحة.
- المشكلة عندك فى تراكم التراب على الهيت سينك وهى حدثت لكثيرين.
رد: درجة حرارة كارت الشاشة عالية ولا ايه ؟
اقتباس:
المشاركة الأصلية كتبت بواسطة Coolman4now
- قم بتنظيف فتحات خروج الهواء بالبلاور ، ولكن مع تثبيت المروحة.
- المشكلة عندك فى تراكم التراب على الهيت سينك وهى حدثت لكثيرين.
+1
حدثت معى نفس المشكلة ولكن على كارت 8800 gt
تنظيف مكونات الجهاز من الأتربه عامل مهم فى تقليل درجة الحراره
مع ملاحظه درجة حرارة أى مكون من مكونات الحاسب بتزيد فى الصيف طبعا
رد: درجة حرارة كارت الشاشة عالية ولا ايه ؟
رد: هل حرارة هذه البطاقة مرتفعة أم لا ؟
تأكد من عدم تركم الغبار داخل فتحات المشتت الموجود على الكرت يا عزيزى ....فقد يكون هو السبب ...:)
+
تأكد من ان لفات الفان تعمل بشكل طبيعى على الكرت وانها لم تتأثر من عوامل الجو والآتربة :)
رد: هل حرارة هذه البطاقة مرتفعة أم لا ؟
شكرا ع الرد يا جماعة
شكرا جزيلا
