لابتوب فى حدود 3000-3200 للبرمجة
بسم الله الرحمن الرحيم
السلام عليكم
شباب انا سبق و عملت موضوع هنا علشان لابتوب فى حدود 3000 للعمل المكتبى بس ده كان للمدرس بتاعى و حاجات كدة
المهم انا عاوز لابتوب للبرمجة بس بمعنى انى مش هعمل بيه حاجة غير انى اشغل لينوكس و اقعد فاتح البرامج بتاعتى... فمش مهم كارت جرافيك يعنى يبقى حلو لو شغلى افلام و العادى يعنى
فمش عارف اقف على شئ انا فكرت فى Acer Aspire 5741 ايه رئيكم بس انا عاوز مشاركاتكم الحلوة الى بتريحنى :)
شكرا مقدما شباب
رد: لابتوب فى حدود 3000-3200 للبرمجة
شباب ارجو الاهتمام سريعا :)
رد: لابتوب فى حدود 3000-3200 للبرمجة
شباب هو الموضوع صعب ولا ايه ؟
رد: لابتوب فى حدود 3000-3200 للبرمجة
ASUS A52F
النسخه ال ٣جيجا رام من غير ويندوز اللاب في حدود ٣٢٠٠
رد: لابتوب فى حدود 3000-3200 للبرمجة
شكرا لردك بس ايه رئيك فى ده ...
Acer Aspire 5741:
Intel® Core™I5 processor 430M clock speed: 2.26 GHZ/3MB , RAM 3 GB DDR3 , H.D.D 500 GB , VGA Intel , LC D 15.6" , Free Dos ..
بحوالى 3400 بس انا عاجبى علشان i5
رد: لابتوب فى حدود 3000-3200 للبرمجة
Aspire 5741G
Core i3 330m 2.13GHz / 3GB /320GB /ATi HD5470 /15.6 inch
سعره 3200 جنيه مصري
ASUS
K52J
core i3 350m / 3GB /500GB/ATi HD5470 /15.6 inch
سعره 3400 جنيه مصري
Hp G62-a22se
Corei3/HD5470
https://egyptlaptop.com/hp-g62-a22se.html
سعره 3400 جنيه مصري
رد: لابتوب فى حدود 3000-3200 للبرمجة
طيب استاذى ابعد عن Acer Aspire 5741 ؟ الى هو i5 ؟
مع العلم انى ميفرقش معايا كارت الشاشة انا عندى GTX 480 فمش هلعب على اللاب خالص
ايه رئيك فى افضل خيار ضمن الى انت حاطتهملى؟
تعديل: مع العلم انا مش هيفرق معايا خالص الفجا الى فى اللاب يعنى اهم شئ بروسيسور- رام - هارد و كدة يعنى
فلو فيه خيارات افضل ياريت
رد: لابتوب فى حدود 3000-3200 للبرمجة
ال ASUS أفضل , و الأحسن إنك تجيب كارت شاشه متوسط علي الاقل زي اللي موجود هنا احتياطي , لو مثلا مسافر و ناوي تلعب fifa أو pro مع الاصدقاء , أو رايح lan party , لكن شراء i5 مع كارت مدمج من انتل اختيار غير موفق في جميع الاحوال لانك عمرك ماحتستفيد بامكنياته
رد: لابتوب فى حدود 3000-3200 للبرمجة
طيب استاذى حتى لو انا مش هلعب مهما حصل على اللاب يبقى اجيب ايه ؟ بس يفرق معايا pro-ram-hard
رد: لابتوب فى حدود 3000-3200 للبرمجة
طالما مش حتلعب يبقي ال core i3 أكثر من كافي , و الجهاز ال ASUS اللي مرشحهولك اكثر من مناسب
رد: لابتوب فى حدود 3000-3200 للبرمجة
طيب استحملنى بقى لأنى شكاك فى الحتة ديه :D دولت 3500 و نوص برضك
مش ال I5 بتاع acer 5741 افضل من الاسوس ولا علشان كارت الشاشة ولا فيه عيب فى الماركة ولا ايه ؟
انا اسف انا عارف انى تعبتك معايا بس استحملنى كمان 3 - 4 ساعات كده :)
رد: لابتوب فى حدود 3000-3200 للبرمجة
استاذى خلاص فعلا اللاب الاسوس ده اقل من ال i5 ب 5 فى المئة فقط + قوة اسوس و ضمانها + كارت الشاشة الجميل
شكرا لردك و تعبك معى
هل ينقصه اى شئ ؟
هل افاصل فى سعره بعض الشئ ؟ من اين تنصحنى بشراءه , و ما الكماليات التى اشتريها له مثل
شنطة - screen protector و هكذا
تعديل: اه هو الاسوس ده 370m صح ؟ مش 350m
رد: لابتوب فى حدود 3000-3200 للبرمجة
لا ال جهاز 350m , مكان الشراء الأفضل يكون من compume أو فيرجين أو راية إن تواجد و إن لم يتواجد فعندك compuscience . الكماليات إنت و احتياجتك و ميزانيتك , في عندك Logitech audio hub 2.1 ب 120 جنيه صوتها جميل جدا
رد: لابتوب فى حدود 3000-3200 للبرمجة
استاذى فيه نسخة 370 شفتها فى egyptlaptop انت رئيك اجيب انيى ؟
بالنسبة للسماعات انت ايه رئيك اجيبها ولا الداخلية كويسة ؟
ايه رئيك فى screen protector ؟
و الشنط ايه رئيك اجيب ايه بالظبط ؟
رد: لابتوب فى حدود 3000-3200 للبرمجة
لو موجوده بنفس الموصفات وفرق المعالج بس يبقي توكل علي الله طبعا , السماعات في الاجهزه المحموله دائما ما تكون ضعيفه و السماعات ال logitech ادائها ممتاز جدا , ال screen protector لا اري له داع