لعبة كرايسس2007\ مرحلة مش عارف أديها
بسم الله الرحمن الرحيم
أخواني أرجو المساعدة في لعبة كرايسس أنا وصلت للمرحلة اللي فيها تدمير 3 دبابات
أنا دمرتهم والحمد لله بس جيت للمركب الكبيرة مش عارف أدخلها
أطلقت عليها 6 طلقات ليزر أو أكثر ومع ذلك مش عايزة تدمر
حاولت أجد مدخل الي السفينة مش لاقي :(
ياريت تقولولي أعمل ايه.:)
وشكرا.
وديه صورة للمرحلة
https://hh7.net/jan2/hh7net2_12954654151.jpg مركز تحميل
رد: لعبة كرايسس2007\ مرحلة مش عارف أديها
أنزل من مكانك وروح للمينا وروح لأقرب نقطة من جنب السفينة
حول البدلة لخاصية القوة القصوى ( في الخاصية ديه تلاقي في نور أحمر ظاهر في إيدك )
وبعد كدة نط لداخل سطح السفينة،
سلملي على الناس اللي هناك واحد ورا واحد ، وانت بتشق طريقك للدور الثاني لحد ما تخش الأوضة ..
رد: لعبة كرايسس2007\ مرحلة مش عارف أديها
رد: لعبة كرايسس2007\ مرحلة مش عارف أديها
أخي العزيز ..
هي الصورة ظلماء كحلاء كدة ليه ؟ هو إنت كنت فين ؟ تحت السفينة ؟ :)
طبعا إنت عارف إنك لما تدوس على زرار "V" بيظهرلك مؤشر على شكل أقراص عسل فيه خواص البدلة اللي إنت لابسها
في خاصية الإختفاء
في خاصة الدرع
في خاصية القوة القصوى
وممكن تتنقل ما بين الخواص ديه عن طريق تحريك الفأرة " الماوس " وانت دايس على زرار "V" أو "ر" في الكيبورد
أكيد إنت عارف الحاجات ديه !
أنت بقى ، تروح جنب السفينة ، ما تنزلش المية ، وانت لسة على الرصيف ، حول لخاصية القوة القصوى ، ونط ، تلاقيك نطيت لفوووق ولمسافة كافية عشان توصل لفوق سطح السفينة ..
وفي انتظار ردك ..
رد: لعبة كرايسس2007\ مرحلة مش عارف أديها
بسم الله الرحمن الرحيم
والله مشكوور أخي علي الرد
فعلا الطريقة نجحت وسلمتلك علي كل اللي في السفينة:D
وعلي فكرة أنا لم أكن أعلم خواص البدلة دي
وشكرا للمعلومة :)
رد: لعبة كرايسس2007\ مرحلة مش عارف أديها
رد: لعبة كرايسس2007\ مرحلة مش عارف أديها
بسم الله الرحمن الرحيم
مش عارف أعمل أيه ياباشا :(
ياريت تقوللي وأكون شاكر لك.:)
رد: لعبة كرايسس2007\ مرحلة مش عارف أديها
المكان ده عبارة عن نفق ضخم مبني فيه نفق تاني من الزجاج هو اللي انت شايفه فوقيك ده.
تروح بقى لحد آخر النفق ده ووراء أخر عمود من العواميد اللي على اليمين هتلاقي في فتحة تهوية مكسورة.
خش الفتحة وهتلاقي على اليمين برضه فتحة تانية بس مسدودة بشيش حديد.
حول البدلة للقوة القصوى واضرب الشيش ده وتلاقيه انكسر.
الطريق بقى مفتوح قدامك عشان تخش كهف الانشكاح، وسلملي على أبو جلمبو وشلته ..
نصيحة :
ما تضربش إلا في المليان ..
رد: لعبة كرايسس2007\ مرحلة مش عارف أديها
بسم الله الرحمن الرحيم
أخي والله مشكور علي متابعتك
لكن وصلت لمرحلة مقرفه
فيها حجات زي الأسماك مش قادر عليها :(
وخصوصا ان اللعبة بتهنق خفيف في المرحلة دي :(
مش عارف أعمل حاجة :(
https://hh7.net/jan2/hh7net2_12957838921.jpg مركز تحميل
لو في طريقة أعدي بيها بدون أن يروني
ياريت علشان أنا اتغظت:ah34:منيهم :mad:
وياريت لو في شفرة للصحة علشان أعدي من المرحلة دي وأخلص :mad:
رد: لعبة كرايسس2007\ مرحلة مش عارف أديها
رد: لعبة كرايسس2007\ مرحلة مش عارف أديها
كويس والله إنك لسة صامد وبتعافر مع أبو جلامبو وشلته :)
والله ، أنا خلصت اللعبة من زماااااان ومش فاكرها قوي .. الواحد باين عليه إنه عجز ..
بس على حسب نطري - أيام ما كان عندي نظر - إنه في لمبات " حاجة زي اللمبة كدة " إنت لازم تدمرها عشان المولد يقوم يشفطك ..
هما شكلهم بالضبط زي لمبة زيت كبيرة . اكسرهم واحد ورا الثاني ..
رد: لعبة كرايسس2007\ مرحلة مش عارف أديها
بسم الله الرحمن الرحيم
مشكور يأخي
لكن أنا عايز شفرة للصحة يعني لا أموت
ويايريت طريقة ادخالها الي اللعبة.
:)
رد: لعبة كرايسس2007\ مرحلة مش عارف أديها
المرحله ديه صعبه اوى و كلها متاهات
ممكن تاخد ال savegame ده للمرحه اللى اول ما حتطلع من المكان ده
https://www.mediafire.com/?yrt3tq85ingajqe
حطه ف
MY DOCUMENT >> MY GAMES >> CRYSIS >>SaveGames
حتلاقى السيف بقا موجود ف اللعبه
اعمله LOAD
اسم الSAVE داخل اللعبه PARADISE
رد: لعبة كرايسس2007\ مرحلة مش عارف أديها
بسم الله الرحمن الرحيم
أخواني أنا أعتبر الأن في أخر مرحلة
وفي شئ مش عارف أعديه
https://hh7.net/Mar2/hh7.net_12998038831.jpg مركز تحميل صور
قرأت علي النت أنه يجب أن أذهب الي القطبان التي في المولد داخل الغرفة وأضغط use لكن عندما فعلت لم يحدث أي شئ :(
وكمان الماء مكهرب :mad: وبمشي فيه بالعافية
مش عارف أعمل أيه
ياريت تدلوني :)