مشكله فى برنامج الدينامبس

السلام عليكم
اتمني حد يساعدني فى ايجاد حل لهذه المشكله فقد نفذت منى كل الحلول
المشكله انى باختصار كل ما احاول اشغل البرنامج تظهر هذه الرساله
error errors during loading of the topology file,p,lease correct them

مع العلم انى بعد ما تاكدت من ملف الكونفجريشن اللى عملته انه خالى من الاخطاء وبرضو ما اشتغلش معايا لجأ الى احد الاصدقاء بعتلى الملف الخاص به واللى هوه بنفسه شغله وبرضو غيرت الخانات الخاصه باسم الجهاز والامتداد ابتاع الiosوكل ده برضو لا تزال المشكله قائمه ارجو من احد الاعضاء الكرام التكرم بالمساعده
جزاكم الله خيرا

منتظر ابن الحلال اللى هايساعد:rolleyes:

السلام عليكم
أخى ارفق صورة ملف .net لكى نعرف مامشكلة الطبولوجى

كلنا أولاد حلال يا ريس :D

فيه إيه يا محمد سعد؟؟ مال ال Dynamips معصلق معاك؟؟

فين ملف الدوت نت يا ريس؟؟ مينفعش كده لازم تحط ملف ال .net عشان نعرف نساعدك.

ولكن ...................................

خليني احزر وأفزر يمكن أساعدك :D

هو إسم جهاز الكمبيوتر بتاعك إيه؟؟ لو إسم الجهاز حاطه غلط مش حيشتغل معاك البرنامج خالص، أفضل حل إنك تحط كلمة localhost بين القوسين مثل

autostart= false
[localhost]

الراوتر التاني اللي إسمه R2 فيه المشكلة التالي في الخانة بتاعته: s1/0 = FRSW 2 ليه؟؟ ما إنت مسمى الفريم ريلي سوتش بإسم frsw إشمعنا وضعت الإسم دلوقتي FRSW ؟؟؟؟

أول مرة أسمع يا ريس عن موديل إسمه NM-16esw ، جبته منين يا محمد سعد الموديل ده :D

عدل إسم الموديل ليصبح NM-16ESW وليس NM-16ESW وبعد ما تصلح الأخطاء ديت سمي بالله وشغل اللاب وتوكل على الله ومتنساش تدعيلي :)

متستغربش يا ريس عرفت أحل مشكلتك إزاي :) انا مراقبك وبشوف إنت بتكتب إيه :D

والله يا استاذ لومارك لما ارجع البيت انا مسافر من كتر قهر الدينامبس خلاني سبت الدنيا وطفشت على العموم باذن الله هارجع الاحد واجربه من تانى الله المستعان وجزاك الله خيرا ادعيلنا