سؤال مهم جدا واعتقد ليس بمعقد بخصوص ال vpn ارجو الرد سريعا من الخبراء من فضلكم

السلام عليكم

دلوقتي انا عايز اعمل Vpn عشان اربط بين موقع وclient او موقع وموقع علي ويندوز سيرفر 2003 المشكله عندي مش في اعدادات ال ras سيرفر المشكله عندي تتلخص في ان من المعروف انا ال ras سيرفر بيبقي عليه كارتين شبكه واحد لل private ip والثاني لل real ip انا عايز اعرف اذا كان عندي dsl router في الشركه ومن المعروف انه بيبقي عليه كارتين شبكه واحد private ip والتاني لل real فإذا كان عندي real واحد بس كيفيه الاعدادات علي الروتر وسيرفر ال vpn يعني مثلا انا لو املك علي الراوتر اعدادات بالشكل ده
real ip=27.27.33.77
provate ip=192.168.100.1
كيف اقوم باعداد ال ips الخاصه بال Vpn سيرفر
هل سوف الغي ال ip التي علي الراوتر واقوم بوضعها علي السيرفر واجعل الراوتر كل مهمته انه واصل بخط التليفون فقط ام ماذا؟
برجاء من فضلكم اللي يعرف الحل يرد في اسرع وقت عشان عايز الاجابه ضروري جدا
وشكرا

برجاء ياجماعه اللي عنده اجابه للاستفسار بتاعي ده يرد في اسرع وقت من فضلكم

عادى جدا الراوتر هيبقي زى ماهو كل اللى حضرتك هتعمله هو ان ال vpn هيعتمد على برتوكول pptp علشان يتم عمل ال vpn connection من خلال ال ras server وليس من خلال الروتر اما فى حاله استخدام L2TP \IPsec هيكون امامك خيارين
-اما ان يكون الراوتر يدعم خدمه NAT-T
-او يكون ال RAS server موجود عليه كارت external ويحمل Real IP Address

الف شكر علي رد حضرتك معلش انا عايز بس مزيد من التفاصيل

يعني في الحاله الاولي اللي حضرتك ذكرتها باستخدام pptp الجهاز اللي عليه ال ras server هيبقي عليه كارت شبكه واحد واخد private ip وال dsl router عليه واحد external static real ip والتاني private وهولما يجي حد عايز يعمل vpn connection من بره طبعا بيبقي كاتب real ip بتاع روتر وبكده بيعمل كونيكشن علي الراوتر ومنه اوتوماتيك الراوتر بيوجهه لل ras server؟ ولا فيه اعدادات تانيه لازم تتعمل؟طيب اذا كان لابد من كارت تاني علي ال ras هيبقي واخد اي ip؟في حاله ان اصلا الرواتر عليه كارتين واحد private والتاني static real

بالنسبه للحاله التانيه حضرتك قلت ان ال ras هيبقي واخد real ip طبعا بالاضافه لل private ip اللي داخل الشبكه طيب اذا كان كده انا عندي dsl router هوا اللي في الوش قبل ال ras server ولو فرض ان عندي static real ip واحد اللي هوا موجود علي dsl راوتر هيبقي الوضع ازاي؟ولا في الحاله ديه هبقي محتاج static real تاني ولا ايه؟

انا اسف اني طولت علي حضرتك بس معلش ياريت لو حضرتك تقدر تفصلي الجزئيتين دول يبقي الف شكر ليك

بالنسبه للحاله الاولى
هيبقي الراوتر هو اللى عليه real ip عادى جدا والكارت التانى private ip وهيبقي على ال ras private ip يكون فنفس الشبكه الموجود فيها private ip الخاص بالروتر وهيبقي عليه كارت تانى -على ras - هياخد ip private بس فى range الشبكه الداخليه اللى موجود فيها ال resources اللى هم الكلينت والسيرفر والبرنتر والحاجات دى وهو دا ال range اللى هياخد منه ال vpn client ال ip لما يجي يتصل بالسيرفر
*مفيش اعدادات على الراوتر
بالنسبه للحاله التانيه طابق الوضع مع الحاله الاولى بس شيل ال ras server وخلى مكانه الراوتر يعنى بدل الاتنين كل واحد يبقي مكان التانى (وفى الحاله دى يفضل انك تستخدم الايزا لزياده السيكورتى فالشبكه عندك )
او ان يكون الراوتر بيدعم خدمه NAT-T لو الراوتر بيدعم الخاصيه دى يبقي هتطبق الحاله الاولى بس مع تغيير البروتوكول المستخدم من PPTP الى L2TP\IPsec

الف شكر اخي الكريم والله انا مش عارف اقولك ايه ربنا يزيدك من علمه
بالنسبه للحاله الاولي كده انا فاهم تمام اوي الحمد لله
واعتقد ان ممكن استخدم ال isa برضه في الحاله ديه بعمل enable vpn connection واخلي ال isa تشتغل ras عن طريق integration بين isa وال ras سيرفر صح؟

بس انا سمعت عن حاجه اسمها port forward بتبقي علي ال dsl router بيبقي فيها ال port الخاص بال vpn connection ورقم ال ip ال private بتاع ال ras server والمقصود بيها ان ال dsl روتر يبقي عارف لما يجيلوا من برا request يبقي عارف مين ال ip بتاع ال ras server جوا الشبكه ماصحه هذا الكلام ولا هوا عادي ال dsl router بيعدي الكونيكشن واول لما يقابل ras server بيبتدي يعمل كونيكشن؟

وما هو vpn pass through الي علي dsl router؟ اللي فهمته من البحث عن مواقع الانترنت انه بخلي dsl router يعمل pass لل vpn request من client اللي عايز يعمل كونيكت علي ras server من برا صح كده؟

بالنسبه للحاله التانيه لو فيه امكانيه ان حضرتك تشرح يعني ايه استبدل مكان كل واحد بالاخر واعدادات ال ip الازمه اذا امكن؟

انا عارف اني زودتها في الاسئله بس ده من اني واثق من سعه صدر حضرتك والدليل ان حضرتك بتجاوب بصدر رحب
اشكرك مره اخري وربنا يبارك فيك

للرفع شكرا مقدما

طيب يا جماعة انا عملت ras server بكارت عليه private ip مش المفروض انه يبقي عليه كارت تاني فيه public ip
او زي ما قولتو لو استخدمت pptp مش حبقي محتاج غير كارت واحد عليه private ip طيب انا دلوقتي حعمل ال vpn بال public ip بتاع الروتر طيب دلوقتي ايه ممكن اعمله في الرونر عشان اخليه يوصل ل ras server

السلام عليكم بص يا اخي
انت تشتغل باتنين اي بي علي ال ras servet واحد private شايف ال private ip بتاع الراوتر والتاني private برضه شايف الدومين بتاعك عشان عمليه ال authentication والراوتر عادي يملك كارتين واحد private زي ماقولنا والتاني puplic بس كده
اللي كنت بسال فيه بقي الحاله التانيه اللي ذكرها الاخ الكريم internetworld وان الحاله اللي لسه ذكرها دلوقتي فيه اعدادات علي الراوتر عشان يبعت ال request من برا علي ال ras server أللي واخد ip private وكنت ذكرت موضوع ال port forward هنشوف إن شاء الله internetworld هيقول ايه واي حد برضه يكون عامل الموضوع ده عملي في الشركه اللي شغال فيها ياريت يشاركنا

للرفع للافاده

للرفع والتذكير

اشكر صاحب الموضوع والاخ internetworld على الرد الجميل

بس يا ريت اذا في اجابة تفصيلية اكثر بحيث يتم الامام بالموضوع
فعلا هذا الموضوع موضوع مهم وياريت اذا هناك مثلا شرح مصور او يتم الشرح مع مثال عملي بحيث تعم الفائدة للجميع
وشكرا

انا لقيت موضوع ممكن يكون مساعد ولو بالقليل وهو طبعا منقول

بما ان لديك اشتراك DSL فان Users الخارجيين سوف يقومون بعمل اتصال على الايبى الخارجى للروتر Real IP ,ويمكنك معرفته عن طريق الدخول على الموقع التالى:
https://showip.net/
طبعا بعد تنشيط خدمة VPN من RRAS الموجودة فى Windows 2003
ينبغى فتح بعض البورتات فى الروتر كى يتمكن External users من استخدام هذة الخاصية وسوف نقوم بعمل ذلك عن طريق
بما يسمى Port forwarding وفى المثال الموجود بالرابط التالى فتح بورت لبرنامج VNC على البورت 5000
وسوف نستبدل هذا البورت بالبورت TCP port 1723 وIP protocol 47 اذا كنت سوف تستخدم PPTP
اما اذا كنت ستسخدم L2TP/IPSEC فسوف فسوف تفتح البورتات UDP port 500 و IP protocol 51 و
IP protocol 50
https://www.portforward.com/english/r...SR5461/VNC.htm
ومن الكلاينت الخارجى سوف تقوم بالاتصال على الايبى الخارجى للروتر وهو سوف يقوم بنقلها للسيرفر



منقول للافادة

ياجماعه باختصار فيه اتنين سيناريو للموضوع اختار اللى ينسابك وحسب برده امكانيات الراوتر بتاعك بيدعم ال port forward or virtual server ولا لا ؟

السيناريو الاول : (طبعا بتحط الايبى اللى ال ISP اديهلوك على ال Public Interface) وهيبقى عندك كارتين شبكه على سيرفر ال ras بتاعك كارت منهم مربوط بالراوتر وواخد من نفس رينج اايبهات الروتر ال private ولنفترض الراوتر ايبيهه
192.168.1.1
يبقى انت هتخلى الكارت اللى مربوط بالراوتربتاع ال( ras) كدا مثلا .
192.168.1.2

والكارت التانى بتاع سيرفر ال ras هتخليه مربوط بسوبتش ومتصل مع الشبكه الداخليه واللى غالبا (الشبكه الداخليه ) هيكون رينجها 192.168.1.0 زى الراوتر لانها اكيد كانت مربوطه اساسا بالراوتر وفى نفس الرينج بتاعه .
طبعا فى كلا السيناريوهين هتبقى شارى ايبى ثابت
اللعبه هنا بقى انك هتدخل ع الراوتر وتقوله ياعم الراوتر لو جه لك request على البورت رقم 3389 اللى هو البورت اللى بيشتغل عليه ال remote access او rdc ارمى الrequest ده على الجهاز اللى جوه الشبكه اللى الاى بى بتاعه (ايبى ال ras ) اللى هو هنا 192.168.1.2 .. وفيه روترات بتدعم ال port forward وفيه لا وكمان فى روترات تانيه بيبقى اسم الاوبشن ده virtual server.
السيناريو التانى : فى السيناريو ده هنوقف ال NAT ع الروتر وبالتالى مفيش حد هيدخل انترنت غير جهاز واحد بس اللى هو ال RAS وده فى حاله لو روترك مش بيدعم ال PORT FORWARD.. وانت بتشترى ال real IP من شركه النت ISP بيقوم يديك اتنين اى بى ,واحد بتحطه ع الراوتر بتاعك ولان ال NAT مقفول يبقى انت بيبقى عندك INTERFACE واحد بس وهو ده اللى زى ماقلنا بتحط عليه اول اى بى تديهولك شركه النت وليكن 41.25.74.12 (ده بتحطه ع الروتر وهو ده هيبقى ال PUBLIC INTERFACE وكمان Private Interface )
وتروح ع ال ras بتاعك وتحط الرقم التانى على ال interface اللى مربوط بالروتر وبيبقى فى نفس رينج الاولانى ,وليكن هيكون كده 41.25.74.13 وبنخلى ال subnet mask بالشكل ده 255.255.255.252 (الاعدادت دى على ال RAS خلى بالك )
وتخلى ال gateway على سيرفر ال ras الاى بى بتاع الراوتر اللى هو 41.25.74.12 وماتنساش تحط ال DNS اللى هما اديهولك .وبكده مش فاضل غير انك تظبط اعدادات ال Routing &Remote Access من ع الويندوز سيرفر ويبقى انت جاهز اى حد يكونكت عليك من اى مكان ,وممكن تجرب انت بنفسك من اى مكان (طبعا لما تيجى تكونكت هتكونكت على اى بى ال Ras اللى هو 41.25.74.13 وبيطلب منك يوزرنيم وباسورد بتكون انت عاملهم فى ال sam بتاع الras ده فى حاله لو انت مش عامل radius authentication server او مفيش عندك ع سيرفر تانى AD

اخي الكريم اجابتك كانت اكثر من مثالية

بس انا عندي بعض الاستفسارات اذا امكنك الاجابة عليها

السؤال الاول كيف يتم اعداد الروتر يدوين لاعطاء ال ADSL router ايبي ريل وفي اي بورت يتم ذالك ؟؟؟

خلاصة النقطه الاولى كيفية insert to the adsl router the real ip او how to configure the real ip on the adsl router
وانا اعلم ان الاعدادات من روتر الى اخر تختلف لاكن في المجمل كيف سوف تكون وكذالك كيف يتم تعطيل ال NAT ??????????

النقطه الثانية بارك الله فيك اخينا في حال اذا كان عندي دومين في النت واليكن test.com و يشير الى الريل ايبي تبعي ايهما الريل هنا هل هو ايبي ال adsl router او ايبي ال server???????????????

النقطه الثالثلة والاخيرة مع اعتذاري على الاطالة وهي هل عنما اقوم بشراء ريل ايبي واحد يتم اعطائي الاخر مجانا او انك تقصد في شرحك السابق ان عليا شراء 2 real IP ؟؟؟؟؟؟؟؟؟؟؟؟؟


واعتذر اخي الكريم على الاطالة وشكرا مقدما