مش عارف اغير الريزولوشن بتاع الشاشة

السلام عليكم و رحمة الله و بركاته
بداية هى دى مواصفات جهازى
كارت الشاشة ATI Radeon HD 4850
و الشاشة NEC LCD 22"
المشكلة كالتالى انا غيرت تعريف كارت الشاشة الى كنت منزله من موقع شركة ATI بتعريف اجدد من موقع الشركة برضه طلعتلى رسالة بتقولى ان التعريف مش هو بتاع كارت
الشاشة الى عندى
المهم عملت ريستارت ومن ساعتها و ريزولوشن الشاشة مش بيزيد عن 640x480 ولما احرك البار لريزولوشن اعلى يتحرك معايا عادى وبقية الأرقام موجودة
و تطلعلى رسالة ال 15 ثانية الى
بتقول تحب تحافظ على تغيير الروزولوشن ولا لا ومهما ضغطت يس او نو الرزولوشن بيفضل زى ما هو 640x480
الغريبة ان فى ال ديفايس مانيجر كارت الشاشة مقرى سليم و الشاشة كمان مقرية صح
و شلت التعريف و رجعت للقديم و غيرت ما بين القديم و الجديد كذا مرة و رسالة ان التعريف ده مش بتاع الكارت ده ما طلعتش تانى ابدا مع التعريف الجديد
بس برضه مفيش فايدة
و العجيبة ان كل الألعاب شغالة كويس و الروزولشن بيتغير جوا اللعبة عادى و الأفلام كمان شغالة
بس اول ما اطلع برة يرج480
640x
و كمان ما بين كل ريستارت و التانى لما الجهاز ميكونش قارى تعريفات لكارت الشاشة بعد ما بشيلهم
بيبقى الريزولوشن اعلى شوية 800فى 600
و اول ما اعرف الكارت يرجع تانى 640 فى 480
هل ممكن يكون كارت الشاشة اتحرق
بس انا لسة مخلص بيه لعبة Assassin's Creed
رغم انه ساعات كان بيعمل شاشة سودة كده و اللعبة تقف شوية و تشتغل تانى
وكمان بيطلع رسالة Fatal error resc 10 فى لعبة GTA IV بس عملت سيرش ع الأيرور ده لقيته عند ناس كتير
الكارت مقرى فى الديفيس مانيجر و برنامج ايفرست كويس
ملحوظة مش عارف مهمة ولا لا بقالى فترة بيطلعلى رسالة ايرور بتاعت
Win 32 generic host device
و تعريف الصوت يضرب و شكلة ثيمة الوندوز يتغير و لازم اعرفه تانى هل ليها علاقة ؟
ارجوكو يا جماعة ساعدونى
و شكرا على وقتكو

في كثير من الاحيان يكون اخطاء بالتعريفات المحدثة حين صدورها، ومن بين مظاهر هذه الاخطاء مثل الذي يحدث معك
لذا اعد تثبيت التعريف الأقدم الذي كنت تعمل به وكانت بطاقة العرض تعمل معه بكامل كفاءتها