استفسار بشان بطارية جالاكسي فيت
السلام عليكم
انا لسة مشتري الموبايل جديد من يومين بس حاسس ان البطارية بتخلص شحن بسرعة فانا مش عارف هو دا الطبيعي بتاع الموبايل ولا هي فيها مشكلة
وكيف اتأكد من ذلك وكيف اختبر البطارية وهو في حاجات بتخلص الشحن بسرعة لاني ملاحظ اني لما باستخدم الكاميرا الشحن برضه بيخلص بسرعة وهل في اعدادات خاصة بالبطارية
اتمنى حد يفهمني الحكاية ايه لان المشكلة دي قلقاني جدا
ارجو المساعدة
رد: استفسار بشان بطارية جالاكسي فيت
هو ده الطبيعى فى الاجهزه الزكيه
انا معايا الجهاز من اسبوع وفعلا استخدام الكاميرا بيخلص البطاريه بسرعه
وبرده منتظر راى الخبراء بشان المحافظه على البطاريه
رد: استفسار بشان بطارية جالاكسي فيت
أعتقد أنك بتشغل برامج و تقفلها بس بتفضل شغالة فى الخلفية و ده بيخلص البطارية
فى برامج زى الtask manager بتقفلها بس انتظر رأى الخبراء
رد: استفسار بشان بطارية جالاكسي فيت
معلش سؤال بره الموضوع
هل الجهاز كويس معاك ولا فى عيوب لأنى ناوى اشتريه
رد: استفسار بشان بطارية جالاكسي فيت
والله هو الجهاز كويس بس زي ما قلت البطارية هي المشكلة الوحيدة وانا عرفت انها ارحم من موبايلات كتيرة زي الايفون
بس في مشكلة تانيةيوهي عدم وجود فلاش ف الكاميرا غير كدا الموبايل كويس معايا علما اني بستخدمة في الاتصال وبس مش اكتر لكن العاب ونت لسة ما جربتوش
اتمني اكون جاوبتك
رد: استفسار بشان بطارية جالاكسي فيت
لازم تشحن الموبيل علي الاخر ومتسدقش ف موضوع 50% والكلام الفاضي ده لانه مش حقيقي لو انت مشحنتش الموبيل حتي 100%
بس الموبيل بطاريته بتخلص ف يوم شغل تقريبا
رد: استفسار بشان بطارية جالاكسي فيت
السلام عليكم ورحمة الله وبركاته
أولاً ألف مبروك علي الموبيل وربنا يرزقك خيرة وييعد عنك شرة معلش لو كنت رديت عليك متأخر شوية بس هو الموبيل بيقعد يوم واحد ودة لو شغال عليه طحن ويومين لو إتصالات فقط .
ولازم تاخد بالك من ان البرامج مش معني انك خرجت منها انها خلاص لازم تخش علي Task Manager وتلاحظ التطبيقات النشطه وتلاحظ الرام ومن وقت لأخر تعمل Clear Memory
وفي تطبيقات بتراقب البطارية ممكن تنزلها من ال Markt زي برنامج Battery Widget .
بس انا شايف بصراحة ان الموبيل بسم الله ماشاء الله جميل جداً ولو في أي حاجة ياريت نتفاعل معي بعض
وكل سنه وانتم طيبين :D