محتاج رد من خبراء الويرليس

انا عندى شبكة سلكية وممتدة لحوالى 500 متر وفى واحد عندى فى المنطقة بيوزع نت بس عدد المشتركين بتوعة قليلين وانا بوصل من قبلة ب3 سنين فى المنطقة وهو بيروح قاطع السلك بتاعى الرئيسى الى موزع على 15 شخص فى منطقة وانا موش قاددر اثبت انوة الى بيعمل كدا وغير كدا هو كبير فى السن بس عقلة صغير ودلوقتى ال15 مشترك ماعندهمش نت بقالهم 5 ايام وعايز اوصلهم وير ليس مع العلم انا عندى روتر ريبوتيك وهشترى كيسة بعد امتحاناتى واعمل سيرفير مايكروتيك من الشرح الى موجود والمشكلة انا السطح عندى رابع دور وفى بيوت حواليا 5 ادوار بس موش كتير بس فى مجال مفتوح هل دى مشكلة عايز اعرف اعمل اية عشان اوصلهم واير ليس واية الحجات المطلوية وتمنها كام وياريت لو الوير ليس يساعدنى انى اتوسع اوروح مسافات لو كيلوا على الاقل عايز اعرف اية ابسط طريقة لتركيب الويرليسياريت الرد سريعا الناس ماعندهاش نت

لو حوالى 500 متر بدون عوائق ,, يعنى انت 4 ادوات وهتعمل برج وفوقو اكسس بوينت بارتفاع 10 متر او حتى 6 متر كطول ماسورة مياه مثلا والاستقبال يكون فى نفس الارتفاع مع مراعات ان الاكسسين يبقو شايفين بعض (( مفيش عوائق فى النص )) يبقى اسلم وارخص حل هو اير لايف اكسس بوينت كارسال بتعمل حوالى 330 جنيه واستقبال باكسس بوينت تى بي لينك 500 او 501 بتعمل الاولى 145 جنيه والتنيا 155 ويعتبر الاتنين واحد بس فى ناس بتفضل الاولى عن التنيا وانا واحد منهم وباذن الله هيقومو بالمهمه .... ابقى راسلنى ع الخاص هبعتلك احد الاقسام فى احد المنتديات فيه شروحات وحجات عن الابراج وافضل فريم للاكسسات دى والكلام دا ...

بالنسبه لو انت عاوز تتوسع اكتر من 1 كيلو او فى عوائق كتير ممكن تحتاج اجهزه اقوى مثل البيكو او النانو ستيشن بس معنديش خبره بيها !
بالتوفيق باذن الله .