طلب : اسفسار عن معلومات و اماكن امتحان ccna فى مصر
السلام عليكم
انا مقبل على امتحان ccna ياريت تدعولى بالنجاح و التوفيق
فممكن اعرف ايه افضل الاماكن اللى ممكن امتحن فيها و هل يوجد فى طنطا مرزكو للامتحان
و سعر الامتحان بالظبط
و هل لو رسبت لا قدر الله فممكن اعيد الامتحان فى اى وقت اعوزه و لا لازم بعد 3 اسابيع اجبارى
ارجو توضيح كل النقاط عن الامتحان
و ادعوا لى بالنجاح
رد: طلب : اسفسار عن معلومات و اماكن امتحان ccna فى مصر
اهلا ياباشا اولا شال الله ياسيد يابدوى وطنطا اعتقادى 99% مفهاش لان انت عاوز مركز معتمد من سيسكو وده ياما يات سنتر اللى ف الدقى ف ميدان المساحه هتنزل من المتروا المتجه الى الجيزه ف محظة الدقى هتطلع من شارع المركز الثقافى اول ماتطلع الشارع اللى على ايدك اليمين ف اخر الشارع يمين هتلاقى المركز هتدخله هو ف عماره ف الدور التانى هتسال عن استاذ محمد رجب هو اللى بيمتحن الناس ومكان نضيف وانا هناك ومجرب المركز التانى سينرجى بس ده بيبقى غالى حسب الكلام اللى بيسمع الامتحان على ماافتكر 130استرلينى اما عن لو لقدر الله مانجحت وده صعب انها تحصل ان شاء الله
بعد 6شهور تقدر تدخل الامتحان تانى ودى المعلومات اللى عندى وان شاء الله موفق
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة سندبادالجيل
اهلا ياباشا اولا شال الله ياسيد يابدوى وطنطا اعتقادى 99% مفهاش لان انت عاوز مركز معتمد من سيسكو وده ياما يات سنتر اللى ف الدقى ف ميدان المساحه هتنزل من المتروا المتجه الى الجيزه ف محظة الدقى هتطلع من شارع المركز الثقافى اول ماتطلع الشارع اللى على ايدك اليمين ف اخر الشارع يمين هتلاقى المركز هتدخله هو ف عماره ف الدور التانى هتسال عن استاذ محمد رجب هو اللى بيمتحن الناس ومكان نضيف وانا هناك ومجرب المركز التانى سينرجى بس ده بيبقى غالى حسب الكلام اللى بيسمع الامتحان على ماافتكر 130استرلينى اما عن لو لقدر الله مانجحت وده صعب انها تحصل ان شاء الله
بعد 6شهور تقدر تدخل الامتحان تانى ودى المعلومات اللى عندى وان شاء الله موفق
شكرا شكرا ليك يا اخى:
اولا :بلاش سيرة البدوى ده علشان انا مش بحبه و قمة القرف فى الناس اللى بتروح عنده و بترقص حوليه وبيطلبوا منه المدد و انهم يخلفوا على ايه ( قمة الجهل) و ده شرك بالله طبعا
ثانيا : فيه على ما اعتقد مركز يات عندنا فى طنطا بس مش عارف هل فيه امتحان و لا لأ
ثالثا : ممكن اعرف سعر الامتحان كام بالظبط بالاستلينى و المصرى و هل الدفع بيكون باى عمله
رابعا : انا سمعت ان الشخص لا قدر الله رسب فى الامتحان بيعيد الامتحان بعد 3 اسابيع و انتا قلت بعد 6 شهور فممكن توضح اكتر و ايه هيا القوانين المتبعه
و ممكن تليفون يات لو سمحت
و الف شكر ليك مره تانيه
رد: طلب : اسفسار عن معلومات و اماكن امتحان ccna فى مصر
هو اتصلت بيات قريب قالولى ب123 جنيه استرلينى ولازم تدفع بالاسترلينى!!!!!!!!!!! اقال يعنى الواحد لاقى المصرى لما هيلاقى الاسترلينى :D هو رقمهم 22750842 ده فرع مدينه نصر الى فى مكرم عبيد و الرقم المختصر 19982 وربنا يوفقك وادعلى اخلص الكورس لحسن بقالى فيه كتير وابتديت ازهق :ah34: ربنا يوفقك
رد: طلب : اسفسار عن معلومات و اماكن امتحان ccna فى مصر
الله يوفقك أخي محمد بإذن الله نراك من الحاصلين على CCIE .
بالنسبة لإعادة الامتحان ( بإذن الله تنجح في اول امتحان ) سيكون لديك مدة خمسة أيام بعد يوم الامتحان الذي قمت به وهذا تأكيده من :
Candidates who fail an exam must wait a period of five (5) calendar
days, beginning the day after the failed attempt, before rescheduling the exam. For example, if a candidate tests on
Tuesday, he or she may test again no sooner than the following Monday. For more information on Cisco's exam
policies, visit: www.cisco.com/go/exampolicy
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة فارس الشبكات
الله يوفقك أخي محمد بإذن الله نراك من الحاصلين على CCIE .
بالنسبة لإعادة الامتحان ( بإذن الله تنجح في اول امتحان ) سيكون لديك مدة خمسة أيام بعد يوم الامتحان الذي قمت به وهذا تأكيده من :
Candidates who fail an exam must wait a period of five (5) calendar
days, beginning the day after the failed attempt, before rescheduling the exam. For example, if a candidate tests on
Tuesday, he or she may test again no sooner than the following Monday. For more information on Cisco's exam
policies, visit: www.cisco.com/go/exampolicy
اهلا بيك اخى الحبيب
و باذن الله تكون انت ايضا من حملة ccie
استفسارى فى الجمله اللى فى ردك
الكلام معناه ان الفتره بعد الامتحان 5 ايام
طيب لو فيه شخص رسب لا قدر الله و عايز يعيده بعد شهر هل ينفع ؟
ربنا ينجحنا جميعا
و شكرا ليك اخى
رد: طلب : اسفسار عن معلومات و اماكن امتحان ccna فى مصر
وعليكم السلام ورحمة الله وبركاته
سيسكو بتقول مش اقل من 5 ايام يا غالي
وانا لقيتلك اربع مراكز في طنطا منهم يات اللي عندكوا
دي اساميهم
Ames
Hi-Q Academy
Logic Academy
YAT Education - Tanta
وموجود اماكنهم وارقام تليفونتهم
اعمل اكونت علي موقع pearsonvue.com
وهو عليه كل حاجه ولو المراكز اللي عندك مش بتقبل كاش ممكن تعمل فيزة نت ( رخيصه جداً) انا عاملها ب 15 جنيه وتحط فيها الفلوس بالمصري وتدفع في الموقع وهيقبل عادي ( عن تجربه )
لو احتجت حاجه تانيه انا اقدر اساعدك بأذن الله :)
سعر الامتحان 123 استرليني خش علي موقع اي بنك مثلاً البنك الاهلي وشوف الاسترليني عامل كام وشوف بالمصري الامتحان هيكون بكام ( الاسترليني اسمه GBP )
رد: طلب : اسفسار عن معلومات و اماكن امتحان ccna فى مصر
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة ozaro19
وعليكم السلام ورحمة الله وبركاته
سيسكو بتقول مش اقل من 5 ايام يا غالي
وانا لقيتلك اربع مراكز في طنطا منهم يات اللي عندكوا
دي اساميهم
Ames
Hi-Q Academy
Logic Academy
YAT Education - Tanta
وموجود اماكنهم وارقام تليفونتهم
اعمل اكونت علي موقع pearsonvue.com
وهو عليه كل حاجه ولو المراكز اللي عندك مش بتقبل كاش ممكن تعمل فيزة نت ( رخيصه جداً) انا عاملها ب 15 جنيه وتحط فيها الفلوس بالمصري وتدفع في الموقع وهيقبل عادي ( عن تجربه )
لو احتجت حاجه تانيه انا اقدر اساعدك بأذن الله :)
سعر الامتحان 123 استرليني خش علي موقع اي بنك مثلاً البنك الاهلي وشوف الاسترليني عامل كام وشوف بالمصري الامتحان هيكون بكام ( الاسترليني اسمه GBP )
الف شكر ليك يا اخى
انا حولت العمله طلعت
1,079.55
يعنى رقم بسيط بالمقارنه من كام شهر كان 1320
فحد يعرف ايهه اللى حصل
هل اقدر ادفع الفلوس دلوقتى و اتمحن بعد شهر و حتى لو العمله زادت انا ماليش دعوه
...
و بالنسبه لفيزة النت انتا عاملها على بنك ايه و ايه الافضل
.... و انا سمعت انك ممكن تشترك على موقع و تدفع الفلوس عن طريقه و يكون ارخص ؟؟؟
و بالنسبه للمزاكر دى انا عارفها بس اعتقد ان ماعندهومش قاعة للامتحان ( هاى كيو )
فهل انتا امتحنت فيهم قبل كده
و لو فيهم امتحان ايه افضل واحد فيهم و رقم تليفونه
و شكرا لك يا اخى العزيز
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة wobooo
موفق ان شاء الله يا محمد
الله يكرمك يا بشمهندس و يبارك فى حضرتك
رد: طلب : اسفسار عن معلومات و اماكن امتحان ccna فى مصر
انا دلوقتى اشتركت الموقع
بس ياريت افهم ايه الفايده بالظبط منه
و يعنى ايه vuc
رد: طلب : اسفسار عن معلومات و اماكن امتحان ccna فى مصر
انا لقيت بيانات يات
لغربية - طنطا
العنوان: 9 شارع معاوية - قسم ثان
رقم التليفون (1): 3299035
رقم التليفون (2): 3299036
البريد الالكترونى: tanta@yat.com.egهذا البريد محمى من المتطفلين , تحتاج إلى تشغيل الجافا سكريبت لمشاهدته
الموقع الإلكترونى: www.yateducation.com
رد: طلب : اسفسار عن معلومات و اماكن امتحان ccna فى مصر
مدعمة من جمعية أفق
توفر الاكاديمية أيضا التدريب على الامتحانات عن طريق برنامج الاختبارات التدريبية.
على من يود الحصول على هذه الامتحانات والاستفادة من الدعم الذى تقدمه أفق الحضور لمقر الاكاديمية ومعه الأوراق التالية:
2 صورة شخصية
صورة من البطاقة الشخصية
صورة من بطاقة "كرنيه" الجامعة أو المعهد
صورة من شهادة التخرج
للمزيد من التفاصيل الاتصال على:
تليفون: 37490940-02 / 0110720770
عنوان: 26 شارع عدن متفرع من شهاب المهندسين - جيزة - الدور الثانى
انا امتحنت هناك ب 900 جنيه بس...
وده اللينك https://ohnetwork.ning.com/profiles/...BlogPost:46895
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة eng_miro2001
مدعمة من جمعية أفق
توفر الاكاديمية أيضا التدريب على الامتحانات عن طريق برنامج الاختبارات التدريبية.
على من يود الحصول على هذه الامتحانات والاستفادة من الدعم الذى تقدمه أفق الحضور لمقر الاكاديمية ومعه الأوراق التالية:
2 صورة شخصية
صورة من البطاقة الشخصية
صورة من بطاقة "كرنيه" الجامعة أو المعهد
صورة من شهادة التخرج
للمزيد من التفاصيل الاتصال على:
تليفون: 37490940-02 / 0110720770
عنوان: 26 شارع عدن متفرع من شهاب المهندسين - جيزة - الدور الثانى
انا امتحنت هناك ب 900 جنيه بس...
وده اللينك https://ohnetwork.ning.com/profiles/...BlogPost:46895
شكرا ليك يا اخى
بس دى مش غريبه شويه ؟؟
اقصد هل المكان على المستوى المطلوب
و هل سعر الامتحان بيتحدد بالجنيه الاستريلنى و لا المصرى ؟
ياريت يا اخى تحكى لى تجربتك معهم
و الف شكر
رد: طلب : اسفسار عن معلومات و اماكن امتحان ccna فى مصر
اقتباس:
المشاركة الأصلية كتبت بواسطة ghosteid95
الف شكر ليك يا اخى
انا حولت العمله طلعت
1,079.55
يعنى رقم بسيط بالمقارنه من كام شهر كان 1320
فحد يعرف ايهه اللى حصل
هل اقدر ادفع الفلوس دلوقتى و اتمحن بعد شهر و حتى لو العمله زادت انا ماليش دعوه
...
و بالنسبه لفيزة النت انتا عاملها على بنك ايه و ايه الافضل
.... و انا سمعت انك ممكن تشترك على موقع و تدفع الفلوس عن طريقه و يكون ارخص ؟؟؟
و بالنسبه للمزاكر دى انا عارفها بس اعتقد ان ماعندهومش قاعة للامتحان ( هاى كيو )
فهل انتا امتحنت فيهم قبل كده
و لو فيهم امتحان ايه افضل واحد فيهم و رقم تليفونه
و شكرا لك يا اخى العزيز
ايوه تقدر تحجز وتدفع وبعد شهر تمتحن منغير اي زياده في الفلوس
انا عملتها في بنك كريدي اجريكول بس مش عارف ايه الافضل ( اللي عاجبني هناك انك بتحط الفلوس بالمكنه بعيداً عن الموظفين )
انت لو رحت دفعت كاش في اي مركز هتلاقي السعر هيعلي اما من خلال الموقع اللي ادتهولك هتدفع المبلغ المطلوب فقط ( 123 استرليني )
والمراكز اللي كتبتهلمك انا معرفهمش انا جبت من الموقع
Pearsonvue دي الشركه المسئوله عن امتحانات سيسكو وشركات اخري انت بتعمل حساب عندهم وبتختار
schedule exam واختار امتحان الان ايه وبعدين هيقولك اكتب المدينه بتاعتك وهيطلعلك المراكز اللي فيها الامتحانات في منطقتك وعناوينهم وارقام تليفونتهم وممكن تدفع من خلال الموقع علطول