عيوب فى تقديم الشهادات العالمية

بسم الله الرحمن الرحيم

اولا احب ان اشكر هذا المنتدى الرائع و الجميل على ما يقدمه من تعليم للشهادات و تعليم للكمبيوتر

لقد اشتركت فى موقع عرب هاردوير عندما قام احد اصحابى باعطائى كورس ccna
و قال لى هذا شرح للشهاده
فى البداية انا قلت ان الكورس زمانه من موقع اجنبى و هما جيبينه فى الموقع
زى ما كل المنتديات العربية بتعمل
قلت اجرب
و كانت المفاجئة
سمعت بعض الشرح من الكورس و ققرت ان ادرس شبكات مع العلم ان الشبكات لم تكن فى احلامى ابدا و لم افكر فيها اطلاقا

لكن عندما وجدت الكورس مشرح و ببلاش و شرح كويس قررت ادرس شبكات

اشتركت فى الموقع و الحمد لله الموقع ده افضل منتدى عربى شفته
دى مش مجامله دى حقيقة

لقيت شرح لمعظم شهادات الكمبيوتر و قررت اكمل مع المنتدى لكـــــــــــــــــــــــــــــن

لكن لقيت فيه عيوب فى المنتدى

اولها 1- مافيش تنظيم كويس لشرح الشهادات يعنى انا لقيت شرح ccna اكتر من مرة و مش عارف هيا كامله و لا لآ
و نفسى يكون الشهاده مشروحة بالكامل و على شكل iso يعنى زى الشروحات العالمية

و مش عارف هيا زى اللى معايا و لا لآ

و مش عارف هتكمل امته
و مش عارف الشرح بيكون على اساس كتاب سيسكو و لا ايه

يعنى انا دخلت الموضع لقيت مكتوب حل الدروس و على كده
يعنى انا من الاخر تايه

2- العيب التانى ان معظم الشرح مقتصر على الشبكات

يعنى مافيش شرح للجرافيك و البرمجة و الللى موجود بيكون تكمله واجب
يعنى انا كان نفسى الاقى شرح مثلا php . sqyl ,asp

او اى شرح غير الشبكات و يكون فى نفس مستوى الشرح

3- انا مش لاقى منهج امشى عليه فى الشبكات و مش عارف
انى ممكن اقدر امتحن ccna بعد اما اخلص الكورس اللى مشروح فى الموقع و لا لآ

و انا نفسى يتم ترجمة شروحات cbt nuggets


دى عيوب نفسى ان هيا تتعالج لان بجد الموقع ده رائع و ربنا يكرم القائمين عليه و يكرم الاعضاء الكرام

المزايا : اللى شفتها فى الموقع الشرح الرائع و الخرافى
ربنا يجزى المحاضرين كل خير

و انا عندى اقتراح مثلا لكورس ccna

يكون فيه موضوع كامل عن الكورس فيه الكتاب اللى الشرح بيتم عليه و فيه الشرح اللى تم فى الموقع و يكوم الشرح كامل و فيه تنبيه للشرح اللى باقى و فيه الامتحانات و كل حاجة عن

الكورس يعنى all in one

و بلنسبة لكورس mcse نفس الحكاية برضه افلام كتيرة و شروحات كتيرة و الواحد مش عارف راسه من رجليه
انا مش بعيب على الموقع لكن ارجو التوضيح بس

احب ان احيى جميع الاعضاء و خصوصا الاستاذ لومارك

فياريت تنظروا لمطالبى دى و تحاولوا تحلوا العيوب

شكرا اخي العزيز و سنحاول قصار جهدنا
اقترح على الاخ شريف المراقب الاداري تجميع اي عيوب يقول عنها الاعضاء لمناقشتها في التوقيت المناسب مع مدير قسم الشهادات العلمية

اللة يبارك فيك يا بشمهندس ياسر

وديما تكون متقبل للنقد البناء اللى مش قصدة اى تجريح فى حد

تحية لية مرة تانية وتسلم يا غالى

الف الف شكر على الرد الجميل من البشمهندس ياسر و الاخ وليد

وعلى فكره انا كتبت الموضوع ده مخصوص لانى بجد اعتبر هذا المنتدى الافضل عربيا و لذلك كتبت هذا الموضع حتى يتم النظر للعيوب او الملاحظات حتى يمكن تفاديها

إقتراحات ممتازة وهي فعلا تعكس الواقع في منتدانا الغالي عرب هاردوير , وبارك الله في كل من ساهم في وضع دروس وشروحات
وأسأل الله أن يجعل ذلك في موازيين حسناتهم , وكنت أتمنى من كل ممن ألقى شروحات أن يذكر إسم الكتاب حتى نرجع له وقت إستماع دروس الفيديو
وأخيرا : أسأل الله أن يبارك في هذا المنتدى وأن يجعله منارة للعلم والمعرفة , والله الموفق ...

:):)