موبايل samsung D900i للبيع

السلام عليكم ورحمة الله وبركاته

موبايل سامسونج D900i أسود معاه علبته والشاحن الأصلي ووصلة التلفاز ومعاه بطاريتين واحدة أصلية والتانية تقليد وكمان معاه الهاند فري الأصلي بتاعه

حالة الموبايل من بره تاخد حوالي 8 من 10 ومافيهوش أي خدوش ولا حاجة
بس طبعاً في بعض الزراير بتاعة الكي باد اتمسحت شوية من الاستعمال
نيجي بقى للمهم
أولاً البلوتوث في الجهاز محتاج يتصلح، لما بتفتحه بيفضل يديلك إن البلوتوث بيفتح بس بيفضل على كده إلى ما شاء الله ومبيحصلش حاجة
ثانياً البطارية بتاعته مش بتقعد كتير، يعني بعد شحنها تماماً آخرها تقعد معاك 3 ساعات ولا حاجة

غير كده الموبايل سليم ومافيهوش حاجة
سبب البيع: مش بستعمله خالص ومركون وهجيب موبايل جديد فعايز أستفيد بثمنه
سعر البيع: 250 جنيه (knee-هائي)
FAQ:

*حضرتك مكانك فين؟
- القاهرة، الهرم أو الزمالك

*طيب أخر سعر ومن الآخر لو سمحت
- 250 جنيه :)

*طيب لو أخدته منك أصلح عيب البلوتوث ده فين؟
- الله أعلم، بس ممكن التوكيل

*وحضرتك مصلحتش العيب ده ليه؟
- مش بستخدم الموبايل أصلاً ومعاية واحد تاني ومعنديش وقت خالص لقصص التصليح دي

*إعترف إنت عايز تتخلص من الموبايل ليه!
- الInnov8، بحبه يا بابااااا :)

بس كده :D

كود:

---

*إعترف إنت عايز تتخلص من الموبايل ليه!
- الInnov8، بحبه يا بابااااا :)

---

عرض جيد وجاوبت على ال4 اسئلة اللى كنت هاسألهم .......ههههههه
بالتوفيق أخى الكريم

مستر هيثم عندي سؤاليين

اولا هوه بيشغل الام بي ثري كويس ؟؟

وسعر الميموري بتاعه كام ؟

وشاكرين مهللين افضال سيادتكم ;)

يا أهلاً بيك يا محمد، إنت تأمر يا سيدي العزيز :)

هو بيشغلها عادي وصوته كويس جداً سواءً الهاند فري (طبعاً هيا مش سماعة احترافية يعني مش هتسمع Bass جامد وكده) أو على السماعة الخارجية
عامة السامسونج معروف إن صوته كويس

الميموري بتاعه إلي هو MicroSD، بصراحة مش عارف أسعارها بقت كام دلوقتي بس أعتقد إنها رخيصة جداً
هسألك واحد أتوقع إنه عارف وهقولك

خلاص انا حاخدها ان شاء الله

انا عاوز موبيل بيعمل اتصالات وبيشغل ام بي ثري كويس وكفايا :)

على بركة الله

انت نازل القاهرة امتى إن شاء الله يا محمد؟

ان شاء الله خلال يومين او لو مقدرتش حخلي اخويا يظبط معاك عشان ياخدها منك بس برضو ف حدود تو ديز او 48 ساعه ونص :D

اذا كان يناسب حضرتك يعني

سورى يا محمد مردتش عليك علطول، كنت بقفل ونازل من الشغل ولسه واصل من دقائق
طبعاً يا سيدى العزيز تشرفني ويشرفني في أى وقت ان شاء الله :)

ولا يهمك

مستر هيثم ابقي ابعتلي النمبر بتاعك ع الخاص عشان انسق معاك

اتفقنا ؟؟

مبروك مقدما يا كريبت ال innov يستاهل واسال مجرب :)

بالتوفيق فى البيع بأذن الله

هل العرض مستمر

ياااااااااااااااااااااااااااااااااااه :)

للأسف تم بيعة لعضو فاضل هنا في المنتدى من زماااان
بس لو حضرتك عايز نفس نوع الموبايل ده في واحدة زميلة ليا في الشغل اعتقد عايزه تبيعه
ممكن أسألهالك وأبلغك