عند تركيب المودم الكمبيوتر فتح و لكن الشاشة لا تفتح
بسم الله الرحمن الرحيم
السلام عليكم ورحمة الله و بركاته:
ارجو من الإخوة إفادتي في هذه المشكلة
حاولت تركيب مودم Dail up و لكن لم يتعرف عليه الكمبيوتر
وكان فيه كارت LAN راكب من الأول، و لما شلت الـ LAN و حطيت مكانه كارت المودم
الكمبيوتر فتح و لكن الشاشة لا تفتح و كأنها على hibrnate يعني تنور لون برتقالي و لما اقفلها و افتحها تنور اخضر و لكن ما تفتحش و بعدين تعمل صوت (تك) كأنها قفلت و ترجع برتقالي تاني
المشكلة ممكن تكون من ايه و ايه حلها
وجزاكم الله خيراً إن شاء الله
رد: عند تركيب المودم الكمبيوتر فتح و لكن الشاشة لا تفتح
لما تعتقد ان الجهاز يعمل .. المشكلة في ان الجهاز لايعمل وليست الشاشة ..
لذا جرب تشيل الكرت وتشغل الجهاز بدون لان وبدون مودم ايضا
ثم بعد مايشتغل اطفأهـ ثم ركب الموم وجرب التشغيل
رد: عند تركيب المودم الكمبيوتر فتح و لكن الشاشة لا تفتح
شكراً على الرد أخي الكريم
انا فعلاً كنت هأحاول اجرب كدة بس كان جالي إحباط شديد لأن الجهاز مش بتاعي اصلاً
فقلت أسأل الأول وأشوف ايه الحلول الممكنة و بعدين أبدأ اجرب
ان شاء الله بكرة هأحاول اجرب الموضوع ده و يارب يشتغل لأنهم محتاجين الجهاز جداً
جزاك الله خيراً على الرد
و لو فيه حد عنده فكرة تانية يا ريت يتفضل شاكراً بإضافتها
رد: عند تركيب المودم الكمبيوتر فتح و لكن الشاشة لا تفتح
السلام عليكم
يا اهل الخبرة
مافيش آي افكار تانية ممكن اعملها لو المشكلة فضلت موجودة بغد ما اشيل الكروت و أحاول اشغل الجهاز زي ما الأخ الفاضل نصحني؟
انا رايحة ان شاء الله دلوقتي أعمل اللي الأخ الفاضل قالي عليه و ربنا ييسر و يشتغل
يا ريت لو حد عنده اي فكرة ما يبخلش عليا بيها
و ان شاء الله ربنا يجازيكم خير جميعاً
رد: عند تركيب المودم الكمبيوتر فتح و لكن الشاشة لا تفتح
أخي
1- تأكد من تثبيت كرت الشاشة أحتمال تحركه من مكانه أثناء تركيب كرت الموديوم
2- جرب أزالة كرت الموديم و تشغيل الجهاز بدونه
رد: عند تركيب المودم الكمبيوتر فتح و لكن الشاشة لا تفتح
السلام عليكم
شكراً لردك يا أخي الكريم
بس انا عملت كل الكلام ده شلت المودم و اللان و تأكدت من كارت الشاشة انه واصل تمام في الجهاز
و كمان انا متأكدة ان الجهاز بيفتح عادي و بيحمل الويندوز بس فيه حاجة حصلت خلت الشاشة ما تفتحش!! مش عارفة ايه اللي ممكن يكون حصل! عشان كدة بسأل هنا يمكن يكون حد عارف ايه ممكن يكون السبب!
على العموم انا المفروض اوديه لحد يصلحه بس المشكلة اني ما عرفش حد ثقة، الناس لا حول و لا قوة الا بالله ناقص تأكل بعض.. :( إلا من رحم ربي ..ربنا يعفو عنا!
طبعاً أكيد فيه ناس بتتقي الله في شغلها بس للأسف انا ما اعرفش حد منهم!
يا ريت اللي يعرف حد بيصلح كمبيوتر في منطقة المعادي يكون ثقة ممكن يقولي عليه و جزاه الله خيراً ان شاء الله لأني و الله بأفكر اشتري جهاز جديد لأصحاب الجهاز عشان هم مالهومش ذنب يقعدوا من غير جهاز كل ده:/
الحمد لله يفعل الله ما يريد.
شكراً جزيلاً لكل اللي رد على الموضوع :)
رد: عند تركيب المودم الكمبيوتر فتح و لكن الشاشة لا تفتح
تاكد ان الرام لم تتحرك من مكانها
ركب كرت المودم في مكان
اخر غير الذي ركبته
بشكل عام المشكلة قد
تكون اما من كرت الشاشة
او من الرام
وتاكد كمان انو كيبل البور
الخاص بالشاشة مشبكوك
كويس ما بفصل احيانا
مع تحياتي لك،،،،،،املا ان تجد الحل
رد: عند تركيب المودم الكمبيوتر فتح و لكن الشاشة لا تفتح
اقتباس:
المشاركة الأصلية كتبت بواسطة عبدوش 2010
تاكد ان الرام لم تتحرك من مكانها
ركب كرت المودم في مكان
اخر غير الذي ركبته
بشكل عام المشكلة قد
تكون اما من كرت الشاشة
او من الرام
وتاكد كمان انو كيبل البور
الخاص بالشاشة مشبكوك
كويس ما بفصل احيانا
مع تحياتي لك،،،،،،املا ان تجد الحل
صحيح ممكن يكون الكيبل الشاشة غير موصل بشكل جيد :ah42:
رد: عند تركيب المودم الكمبيوتر فتح و لكن الشاشة لا تفتح
هل انتى متأكده ان الجهاز نفسه يعمل ويقوم بالدخول على الويندوز ..هل تسمعى صوت بداية التشغيل مثلا ام هو مجرد تخمين ؟
اذا كنتى متأكده ان الجهاز نفسه يعمل فالمشكة تنحصر فى الاتى
1- الشاشه : هل قمتى بتجريب الجهاز على شاشه اخرى او العكس تجريب الشاشه على جهاز اخر " مثلا جهاز اللاب الخاص بك"
2-كرت الشاشه غير مثبت جيدا او " نقاط توصيل الكارت متسخة بالاتربة وايضا المكان الخاص به على اللوحة"
هل قمتى بتنظيف الكارت والمكان الخاص به اذا كان لا عليك بتنظيف الكارت جيدا باستخدام اسبراى جاف وفرشه تنظيف " فرشه اسنان قديمه تفى بالغرض"
3-تلف كرت الشاشه نفسه ولا سبيل للتأكد الا باختبار كارت اخر على نفس الجهاز
4- هذا الاحتمال مستبعد لانه نادرا مايحدث وهو تلف احد المكثفات فى دائرة كارت الشاشه على للوحة " المكثف التالف يكون منتفخ من الاعلى "
بالنسبه لامكان الصيانه فى المعادى
يوجد الكثير من الشركات فى Smart mall وهو فى برج الزينى
شركة موجه فى شارع الحرية -حدائق المعادى وهى من افضل الشركات فى صيانة الحاسب فى منظقة المعادى
رد: عند تركيب المودم الكمبيوتر فتح و لكن الشاشة لا تفتح
اقتباس:
المشاركة الأصلية كتبت بواسطة White h@cker
هل انتى متأكده ان الجهاز نفسه يعمل ويقوم بالدخول على الويندوز ..هل تسمعى صوت بداية التشغيل مثلا ام هو مجرد تخمين ؟
اذا كنتى متأكده ان الجهاز نفسه يعمل فالمشكة تنحصر فى الاتى
1- الشاشه : هل قمتى بتجريب الجهاز على شاشه اخرى او العكس تجريب الشاشه على جهاز اخر " مثلا جهاز اللاب الخاص بك"
2-كرت الشاشه غير مثبت جيدا او " نقاط توصيل الكارت متسخة بالاتربة وايضا المكان الخاص به على اللوحة"
هل قمتى بتنظيف الكارت والمكان الخاص به اذا كان لا عليك بتنظيف الكارت جيدا باستخدام اسبراى جاف وفرشه تنظيف " فرشه اسنان قديمه تفى بالغرض"
3-تلف كرت الشاشه نفسه ولا سبيل للتأكد الا باختبار كارت اخر على نفس الجهاز
4- هذا الاحتمال مستبعد لانه نادرا مايحدث وهو تلف احد المكثفات فى دائرة كارت الشاشه على للوحة " المكثف التالف يكون منتفخ من الاعلى "
بالنسبه لامكان الصيانه فى المعادى
يوجد الكثير من الشركات فى Smart mall وهو فى برج الزينى
شركة موجه فى شارع الحرية -حدائق المعادى وهى من افضل الشركات فى صيانة الحاسب فى منظقة المعادى
السلام عليكم أخي الكريم
ربنا يكرمك يا رب و مايوقعكش في ضيقة أبداً إن شاء الله
شكراً سيدي الفاضل على ردك المستفيض و على ذكر أماكن الصيانة "ربنا يبعدني عنهم يا رب"
بس انا الحقيقة جبت من الأخر و اشتريت كيسة مستعملة و بفضل الله و منته ما شاء الله لا قوة إلا بالله هى شغالة كويس... لحد دلوقتي! "يا رب لا تسيئني و لا تخزيني فيها أبداً يا رب"
الجهاز القديم والهارد واحدة أخدتهم عشان تشوف فيهم ايه و لحد دلوقتي لسه ماجبتهمش!!
المهم إني أصلحت ما افسدته و جبتلهم واحد بداله و هم مبسوطين بيه جداً و الحمد لله رب العالمين. ربنا يبارك فيه إن شاء الله
شكراً جزيلاً لك و لكل من رد على موضوعي
والسلام عليكم