يحصل تجمد للنظام في جهازي الجديد؟ (عنوان معدل)
السلام عليكم ياشبااااااااب
عندي سؤال متضمن لمشكلة و عايز اعرف الحل و فين المشكلة ، الموضوع هو:
انا ركبت جهازي بنفسي و موصافاته
CPU: CORE 2 QUAD 2.8 12 MB CACH
MB: GIGABYTE P45
RAM: DDR3 4 GB 1333 GHz
VGA: GTX 260OC GIGABYTE
POWER SUPPLY: 800 WATTS
HDD: 160 GB SATA
المهم بعد التركييب و انزال ويندوز اكس بي سيرفس باك 3 و اول مرة انزل هذه النسخة لاحظت انه يحدث فريزنج و تهنيج كامل حتى في الماوس و الكي بورد و التهنيج مش دااائم لكن ممكن يحصل مرتين من اصل 4 مرات تشغيل ، سؤالي هو
كيف اعرف ان تركيبي للجهاز صح بنسبة 100% و بصورة أخرى كيف اعرف اذا كان سبب المشكلة نسخة الويندوز ولا مشكلة في التركيب او الهاردو ير ؟؟؟؟؟؟؟:ah42::ah42::ah42::ah26:
ياريييييييييييييييييييييييت تساعدوني بارك الله فيكم
رد: مساعدتكم الله يسترها عليكم
يعتمد على مدى توافق القطع مع بعضيها
أنا ما أعرف كيف تتوافق القطع..لكن أعرف إنها لازم تتوافق
بالإضافة إلى نوعية الموصلات ( الكوابل ) المستخدمة في توصيل القطع
على فكرة...ما قلتلي
التعليق بيحصل فين ؟
رد: مساعدتكم الله يسترها عليكم
اقتباس:
المشاركة الأصلية كتبت بواسطة كايتو1412
يعتمد على مدى توافق القطع مع بعضيها
أنا ما أعرف كيف تتوافق القطع..لكن أعرف إنها لازم تتوافق
بالإضافة إلى نوعية الموصلات ( الكوابل ) المستخدمة في توصيل القطع
على فكرة...ما قلتلي
التعليق بيحصل فين ؟
شكرا يا كيتو على ردك ، بخصوص التوافق
انا كارت الشاشة و الماذر بورد نفس الشركة و الموصالات الخاصة الباور سبلاي من النوع المحترف الرامات كينج استون
و التعليق يحصل في الويندوز و فجأة بدون مقدمات يعني ممكن و انا افتح قائمة ابدأ او الماي كومبيوتر او انترنت اكسبلورر
فأيش رأيك هل ممكن تكون نسخة الوندوز و هل في برنامج اقدر اعرف منه ان الجهاز متركب بشكل سليم جدا و انه يعمل من الناحية التركيبية بشكل صحيح ؟؟؟
رد: يحصل تجمد للنظام في جهازي الجديد؟ (عنوان معدل)
على فكرة و للعلم الجهاز ممكن يشتغل ساعتين و مايحصل تعليق للويندوز و ممكن يشتغل نص ساعة و يعلق هذه المعلومة حبيت أضيفها عشان تساعد في الحل ، ومازلت مستني الرد
:ah42::ah42:
رد: يحصل تجمد للنظام في جهازي الجديد؟ (عنوان معدل)
التعليق غالبا سببه ارتفاع درجة الحرارة سواء فى كرت الشاشة مثلا اذا كنت من هواة الالعاب . او الاحتمال الاكبر ان المشتت الخاص بالمعالج غير محكم والحل بسيط حضرتك اضغط على المعالج ببرنامج ORTHOS مع مراقبة درجة حرارة المعالج ببرنامج EVEREST وشوف هيوصل كام بعد 5 دقايق وقولنا النتيجة
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة wessam-pro
التعليق غالبا سببه ارتفاع درجة الحرارة سواء فى كرت الشاشة مثلا اذا كنت من هواة الالعاب . او الاحتمال الاكبر ان المشتت الخاص بالمعالج غير محكم والحل بسيط حضرتك اضغط على المعالج ببرنامج ORTHOS مع مراقبة درجة حرارة المعالج ببرنامج EVEREST وشوف هيوصل كام بعد 5 دقايق وقولنا النتيجة
طيب وسام باشا شكرا على الإقتراح .. انا هاجرب و اشوف بس مبدأيا انا لغاية دلوقتي ماجربتش اي لعبة و التهنيج اللي بيحصل ده ممكن يحصل بعد نص ساعة من تشغيل الجهاز و ممكن الجهاز يبقى شغال ساعتين و ما تحصلش أي مشكلة فهل لسه شايف ان المشكلة برضه من الحرارة ؟؟؟؟؟
انا هاجرب البرامج دي و هارد عليك
شكرا
رد: يحصل تجمد للنظام في جهازي الجديد؟ (عنوان معدل)
هل أثناء تركيب للجهاز وضع معجون للمعالج؟ تأكد من تركيبك للمشتت!
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة 0 cool
هل أثناء تركيب للجهاز وضع معجون للمعالج؟ تأكد من تركيبك للمشتت!
اخي كوول
معالج الكور 2 كواد لا يأتي مع مروحته معجون لأن المعجون يكون لاصق في المششت الخاص بإنتل مجرد وضع المشتت على معالج بدون وضع معجون ملحوظة حراراة المعالج لاتتعدى 44 درجة مئوية للوضع العادي
شكرا
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة wessam-pro
حاليا مبفكرش اكسر السرعة غير لما اجيب مشتت محترم لان المروحة البوكس الى جاية مع المعالج مقلب كبير اوى وغلبتنى على ما ثبتها كويس واتأكدت انها محكمة 100% وفى الاخر فى الidle مدينى 55 درجة ومع الضغط ببرنامج ORTHOS لقيته وصل 74 بعد دقيقتين !!!!! طبعا قفلت وركبت مشتتى القديم العادى ابو 25 جنيه ومن غير معجون (مؤقتا) والحرارة دلوقتى 29 ومع الضغط نص ساعه 54 درجة
وبالمناسبة 44 درجة فى الوضع العادى كتير للمعالجات الجديده دى انت غير المشتت بحاجه احسن وهتتبسط من الاداء
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة wessam-pro
التعليق غالبا سببه ارتفاع درجة الحرارة سواء فى كرت الشاشة مثلا اذا كنت من هواة الالعاب . او الاحتمال الاكبر ان المشتت الخاص بالمعالج غير محكم والحل بسيط حضرتك اضغط على المعالج ببرنامج ORTHOS مع مراقبة درجة حرارة المعالج ببرنامج EVEREST وشوف هيوصل كام بعد 5 دقايق وقولنا النتيجة
وسام برو ... ازاي الصحة مش عاارف بس المشكلة مش من الحرارة لأن انا جربت برنامج ORTHOS و عملت مراقبة لدرجة الحرارة و مبدأيا درجة الحرارة للمعالج في وضع السكون هو 30 درجة مئوية و حاليا و انا بكتب الرد ده درجة الحرارة 32 المهم دي نتيجة الضغط على المعالج ببرنامج ORTHOS
Type: Blend - stress CPU and RAM Min: 8 Max: 4096 InPlace: No Mem: 1791 Time: 15
CPU: 2832MHz FSB: 333MHz [333MHz x 8.5 est.]
7/23/2009 11:17 PM
Launching 2 threads...
1:Using CPU #0
2:Using CPU #1
1:Beginning a continuous self-test to check your computer.
2:Beginning a continuous self-test to check your computer.
1:Press Stop to end this test.
2:Press Stop to end this test.
1:Test 1, 4000 Lucas-Lehmer iterations of M19922945 using 1024K FFT length.
2:Test 1, 4000 Lucas-Lehmer iterations of M19922945 using 1024K FFT length.
2:Test 2, 4000 Lucas-Lehmer iterations of M19922943 using 1024K FFT length.
1:Test 2, 4000 Lucas-Lehmer iterations of M19922943 using 1024K FFT length.
2:Test 3, 4000 Lucas-Lehmer iterations of M19374367 using 1024K FFT length.
1:Test 3, 4000 Lucas-Lehmer iterations of M19374367 using 1024K FFT length.
1:Torture Test ran 5 minutes 21 seconds - 0 errors, 0 warnings.
2:Torture Test ran 5 minutes 21 seconds - 0 errors, 0 warnings.
1:Execution halted.
2:Execution halted.
و الحرارة كانت 61 درجة لمدة 5 دقايق و 20 ثانية و سرعة المروحة 2420 ار بي ام و اساس سرعة المروحة 1500 في الوضع العادي .. ايه رأيك و هل تفتكر مشكلة التهنيج خرجت من موضوع الحرارة العالية ؟؟؟
مستني رردك
رد: يحصل تجمد للنظام في جهازي الجديد؟ (عنوان معدل)
61 مع الضغط 100% درجة معقولة ومش ممكن تسبب تعليق الجهاز .. يبقى المشكلة مش فى الحرارة ممكن تكون المشكلة من كابل الساتا الواصل للهارد .. ممكن تكون نسخة الوندوز xp sp3 هى الى مسببه التعليق
ابدأ بالسهل : غير نسخة الوندوز ل xp sp2 ولو اشتغلت معاك تمام يبقى خير وبركة وتقدر بعدها تحمل الابديت بتاع sp3 من النت مساحته 300 ميجا وتنزله عليها زى منا عامل ومفيش مشاكل ..
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة wessam-pro
61 مع الضغط 100% درجة معقولة ومش ممكن تسبب تعليق الجهاز .. يبقى المشكلة مش فى الحرارة ممكن تكون المشكلة من كابل الساتا الواصل للهارد .. ممكن تكون نسخة الوندوز xp sp3 هى الى مسببه التعليق
ابدأ بالسهل : غير نسخة الوندوز ل xp sp2 ولو اشتغلت معاك تمام يبقى خير وبركة وتقدر بعدها تحمل الابديت بتاع sp3 من النت مساحته 300 ميجا وتنزله عليها زى منا عامل ومفيش مشاكل ..
و الله أولا انا مشكر على جهودك معايا
ثانيا الجهاز حصله تهنيجة بس قلت المرة دي اشيك كده و ابص بصه ع الجهاز حطيت ايدي تحت الهارديسك عند الشريحة الخضرة اللي من تحت دي و لقيتها سخنة جدا جدا فهل تعتقد ان ممكن يكون ده السبب ؟؟ و كام الحرارة القصوى للهارد ديسك ؟؟؟
مستني ردك و ياريت الاقي ردود تانية
هما فييين المشرفين و الناس الجامدة دي اللي في المنتدى فجأة مش سامع لهم حس و لا المنتدى واخد اجازة في الصيف :ah22:
رد: يحصل تجمد للنظام في جهازي الجديد؟ (عنوان معدل)
لا يا اخي كل الهاردات بتسخن عادي مفيش اى مشكلة
ابدء انت غير نسخة الويندوز زى مقالك الاخ وشوف
رد: يحصل تجمد للنظام في جهازي الجديد؟ (عنوان معدل)
اقتباس:
المشاركة الأصلية كتبت بواسطة eslam mo7amed
لا يا اخي كل الهاردات بتسخن عادي مفيش اى مشكلة
ابدء انت غير نسخة الويندوز زى مقالك الاخ وشوف
انا غيرت نسخة الويندوز و اشتغل لمده ساعة و نص زي الحلاوة و فجأة حصلت نفس المشكلة علما ان حرارة الهارديسك لا تتعدى 33 درجة مئوية أعمل ايييييه انا مش عااااارف ياريت الاقي حد يشوور عليا و للعلم الشئ الغريب ان لما اعمل ريستار عن طريق زر الريسيت و يبدأ يعمل بوت مرة تانية الويندز مابيسألش عن السيف موود و لا بيجيب سيرة ان الويندوز قفل بطريقة غيرة طبيعية ياريييت حد يقولي ايه المشكلة و الحل فيييين
مستني الرد
رد: يحصل تجمد للنظام في جهازي الجديد؟ (عنوان معدل)
نزل برنامج everest ultimate و برنامج CPU-Z و أرفق الصور حرارة الجهاز و صورة مواصفات الجهاز