عرض للطباعة
يا جماعة انا عايز اجمع جهاز , عايزه عشان العاب زي crysis farcry 2 Gta and prototype at max graphics و عشان اشغل عليه برامج تصميم وكده بس انا متخبط مش عارف ايه الاحسن intel ولا amd , ati ولا nvidia انا كنت جبت جهاز قبل كده و اتخميت فيه و مش عايز اتخم تاني انا ميزانيتي في حدود 3500 من غير شاشة بس يا ريت يا جماعة تجميعة حلوة و تقعد معايا اطول فترة .
بص اولا صعب اديك حاجة تعيش اكتر من سنة من غير ما تجدد فيها زي مثلا كرت الشاشة لازم هيتغير لاني
مش هكتبلك كرت قوي لانه بعد سنة هيترمي(حتي لو قوي ) فانا هاستثمر جزء من المبلغ في قطع تانية
ثانيا جاوب علي اسئلة استاذ انفرنال
لو بتسأل على تجميعة جهاز جديد يرجى تحديد: (منقولة من Danny Bui من [H])
الميزانية___محل سكنك___استخداماتك للجهاز___حجم الشاشة القطع التي تنوي شراءها أو اعادة استخدامها من الجهاز القديم
مدى قبولك لكسر السرعة____ميعاد شراء الجهاز و ميعاد تحديثه
معلش مش فاهم الجزء بتاع هيترمي بعد سنة , و بالنسبة للأسئلة :
1- الميزانية 3000-3500 .
2- مصر القاهرة .
3- هشغل عليه العاب حديثة و برامج .
4- الشاشة 17 .
5-معرفش حاجات كتير عن كسر السرعة فمش محبذ اني اعملها .
6- ميعاد الشراء بعد العيد اما بالنسبة للتحديث فانا مش هحدث الا عند الحاجة .
Core2Quad Q9550 1325LE
GA-EP43-UD3L 520LE
Powercolor HD 4770 730LE
Kingston 2G 160LE
Western Digital 500G 300LE
SAMSUNG 22X 120LE
GAMMA Small 350W 285LE
___________________________
3440LE
من رأي اسرع بشراء رامه كمان لأن الرامات عماله تغلي جدا جدا
شكرا بس كان ليا كذا استفسار كده :
1- Amd بروسسور و ماذر بورد احسن ولا intel .
2- كارت الشاشة ده يحتاج بور سبلاي جامد ولا ايه ؟
رايي
processor:amd 955 =1250 le
mother:gigabyte ga-ma780g-ud3h =510 le
ram: ocz gold 2*2 giga buss 800 =320 le
hard:w.d 500 giga green =290 le
case:gamma without power =180 le
power:hec 500 watt =350 le
vga: powercolor hd 4770 512mb gddr5 =730 le
total
3630 le
البروسيسور amd 955 افضل من q9550 او تقريبا تعادل بس سعر 955 ارخص
الرامات 4 جيجا
شكرا , بس معلش ليا كذا استفسار لو مكانش يضايقك :
1- البروسسور و البوردة AMD ادائهم افضل من نظيرهم من intel ؟
2- كارت ايه تي اي ده افضل من نفيديا برده ولا ايه
اصلي سألت كتير و قليل اوي اللي قالوا ان AMD and ATI cards better than Intel and Nvidia .
سيبك من كلام الناس 3 مواقع تجميع بيتكلموا وبيقولوا كروت ati افضل وناس تعتبر خبرتها قليلة واحتكاكها بالمراجعات قليل
طبيعي يسمعوا كلام التجار لانهم لا يعلموا شيئا والتجار بيفتوا فتي محصلش اللي يقوللك كرت 9400 gt اقوي من hd 4890
قولوا ليه يقول لك اعمل 9400 ناقص 4890 شفت حاجات غريبة
البروسيسور 955 من amd افضل من 9550 من انتل حاجة بسيطة + ارخص 50 جنيه :)
الكرت 4770 دة كرت ممتاز ولا يقابله شيء من انفيديا وبنفس السعر
والله انا مش عارف اقولك ايه بصراحة ربنا يخليك , انا بس عايز اتأكد من اللي انا جايبه و متخمش زي ما اتخميت في الجهاز اللي قبليه , و اهم حاجة ان الجهاز يشغل كل اللعب بدون مشاكل و بكفائة عاليه , وشكرا ليك مرة تانية D: D:
العفو :)