ممكن مساعده بخصوص ccna

انا محمد من مصر وبدات معاكم هنا network+ وحبيت اخد كورس ccna من الجامعه الامريكيه بالقاهره قالوا لازم اوصل للفل التامن ف الانجلش ودخلت جبت الفل الخامس وانا فيه دلوقتى بس كلها حجات تافهه اللى بيدرسوها ومش مقتنع بيا وبرغم ان ثمن اليفل ف الانجلش 782جنيه فواحد من اصحابى قالى فيه مركز اسموا يات سنتر ف الدقى yaat center رحت النهارده 11/10/2009 قالوا ان الكورس بتاع ال ccna هيبدا يوم 26/10 الكورس ب 1800جنيه والامتحان 1400جنيه فعاوز اسأل حضرتكم لو حد خد ف السنتر ده وهما بيشرحوا كويس وشغالين عملى ولا ايه برغم ان الفيور بتاع السنتر شكلوا تمام من جوه بس من بره مش اد كده فكنت عاوز استفسر قبل مااقدم ف الكورس وايه النصايح اللى ممكن تعطهوالى

الاماكن اللي لغاية دلوقتي الواحد واثق منها ( مع مراعاة التكلفة المعقولة ) بالنسبة ccna:

1- معهد الاحصاء التابع لمركز التدريب على تكنولوجيا المعلومات بالعباسية ( وزارة الاتصالات )
2- الجيش معهد نظم المعلومات بمدينة نصر
3- مركز البشمهندس احمد نبيل بعمارات العبور
4- اي تي جيت بمدينة نصر




معهد الاحصاء الكورس فيه ب 2000 جنيه

رقم التليفون 23427834

وعلى فكرة دي تعتبر جهة حكومية وتبع وزارة الاتصالات يعني اعتقد مفيش هزار
وماسك المكان ده لواء يعني انضباط واخر حلاوة
وانا كنت اتصلت من فترة بيهم وعرفت انهم بيجيبوا ناس مش ممكن هتلقيهم في اي مكان تاني
ياريت برضوا تجيب المعلومات الجديدة وتعرفهلنا

الجيش الكورس برضوا فيه اكاديمي
بـ 3000 للمدنين طبعا لان العسكرين وقريبهم ليهم سعر خاص
تليفون الجيش 22601406 - 24044134
والحقيقة الميزة اللي بيتميز بيها الجيش ان شهادات الحضور بتاعت الكورس
ليها احترامها وده مش كلامي ده كلام ناس كتير
ان شهادات الجيش ومركز ايماك التابع للاهرام ليهم وضعهم

بس طبعا الافضل والافضل اللي بيكون حاصل على الشهادة من الشركة الام ( سيسكو ) ويكون امتحن اون لين دي فعلا اللي هتفتح للواحد مجالات شغل جامدة

ميرسى اخى على معلوماتك ومنتظر راى باقى الاخوه المشرفين والاعضاء خاصة البروفسير احمد جودة لان بحد الراجل ده سمعتلوا مقدمة A+2009
يعنى مفيش كلام ممكن اقولوا او اوصفوا عن فكر الراجل ده وترتيب افكار وتنسيق وتوصبل المعلومه بكل سهوله برغم انى عارف كل المعلومات اللى بتتقال بس جذبنى اسلوبه بجد وكنت اتمنى انى القيلوا شرح CCNA وبتمنى لو يشرفنا ويزيدنا شرف بزيارة الموضوع وابداء رأيه

ومنتظر راى باقى الاخوه المشرفين والاعضاء

بالنسبة للقوات المسلحة المستوى مش تماما قوى واحد صاحبى كان شغال هناك و هو مستوه ضعيف