«لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
«لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»،
شعار اطلقه شباب على الفيس بوك
بالرغم من اننى متعصب جدا جدا جدا الا اننى عندما قرات الموضوع قلت فى نفسى كيف يمكن تصوير مباراة كره مهما كانت بحرب اكتوبر التى ضحى فيها المصريون بدمائهم
انا هسال سؤال هل الناس اللى كاتبه الموضوع ده لو فيه احتلال فى مصر دلوقتى لا قدر الله كانوا هيحاربوا الاحتلال ده زى ما هيحاربوا يوم 14 نوفمبر .
انا تذكرت كلام الاستاذ محمد سيف الناقد الرياضى بعد مباراة مصر و امريكا فى كاس القارات عندما قالوا له ان لعيبة مصر لها فضل على الشعب مصر و هما سبب الفرحه للشعب المصرى
رد محمد سيف رد جميل جدا و قال اللى ليه فضل عليه و على الشعب المصرى هوا الراجل اللى حارب فى 6 اكتوبر و مات شهيد او الراجل اللى حارب عشان يحررنى و مش لاقى ياكل دلوقتى و يحرر ارضى مش الراجل اللى بيلعب شوية كوره و لابس شورت و فانله و بياخد ملايين عايش احسن عيشه
انا حبيت بس ابدى وجهة نظرى فى الكلام ده على الرغم من تعصبى الشديد جدا جدا لمنتخب مصر
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
لا حول ولا قوة الا بالله اللهم سلمنا مما آلت له احوال الام الاسلامية
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
ربنا يهدى جميع المتعصبين والموضوع مش مستاهل الضجة دى كلها اللى السبب الرئيسى فيها ...وسائل الآعلاام فى البلدين :mad:
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
تمنيت نتيجة هذا التعصب أن لو لم تصعد لا مصر ولا الجزائر
اذا كان الانجاز الاخوي يؤدي إلى العداوة فهذه مصيبة
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
ربنا يهدى الجميع ناس فاضيه
يارت نقرأ الموضوع ده يمكن نفوق من اللى احنا فيه
https://www.almasry-alyoum.com/artic...ticleID=230866
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
ربنا يهدي المتعصبين الموضوع فعلا كأنه حرب حسبما بنشوف ونسمع في الاعلام المرئي والمكتوب وربنا يستر يوم 14 أنصح الجميع بالصلاة والصيام في ذلك اليوم خروجا من هذه المهاترات الى الطاعة لربنا سبحانة وتعالى
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
هو في ايه يوم 14 نوفمبر أنا مش فاهم؟
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
حرب :eek:
اللهم اهدي شباب الآمة . اضغط هنا
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
انا دخلت الموضوع عشان العنوان بتاع الموضوع و كنت داخل انتقدك لكن لما قرأت الموضوع فهمت انه ضايقك مثلما ضايقنى فمهما كانت اهمية المباراة و جميعنا نتمنى ان تفوز مصر فيها و لكن لم تصل الى الحرب و حتى لو لقدر الله فازت الجزائر او صعدت فسوف نشجعهم فى كأس العالم و نتمنى لهم التفوق لأنهم فريق محترم و قوى
اقتباس:
هو في ايه يوم 14 نوفمبر أنا مش فاهم؟
مباراة كرة قدم بين مصر و الجزائر و هى اخر مباراة فى تصفيات كأس العالم للمجموعة الثالثة فى تصفيات قارة افريقيا
و يجب على مصر ان تفوز بفرق ثلاثة اهداف كى تضمن الصعود الى كأس العالم و اى نتيجة اقل من ذلك ترجح كافة المنتخب الجزائرى
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
كل ده علشان مباراة كرة قدم؟!!!
للأسف ثبت نجاح سياسة التحييد التي تتبعها نظمنا الحاكمة (أطال الله....) والتي تأتمر وتتآمر لكي تجعل منا غثاءً
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
إن شاء الله مصر تتغلِب :ah50:
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
اقتباس:
المشاركة الأصلية كتبت بواسطة hamada999
ا لو لقدر الله فازت الجزائر او صعدت فسوف نشجعهم فى كأس العالم و نتمنى لهم التفوق لأنهم فريق محترم و قوى
بالنسبه ليا صعب جدا تشجيعها مع احترامى لكل الاخوه الجزائريين
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
اقتباس:
المشاركة الأصلية كتبت بواسطة VancouverEG
إن شاء الله مصر تتغلِب :ah50:
ان انشاء الله اللى يكرهوها
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
لا حول و لا قوة إلا بالله ... اللهم إهدي شباب المسلمين ...
رد: «لم أكن موجوداً فى حرب ٦ أكتوبر، ولكننى سأكون موجوداً فى حرب ١٤ نوفمبر»
السلام عليكم ,,
ياشباب انا شاء الله هكون فى الاستاد و هشجع مصر ولكن فى الوقت ذاته هرحب بالفريق الجزائرى الشقيق
واتمنى التحلى بالروح الرياضية بين الاشقاء الاحباء ,,,, والله المستعان
على فكرة احب اقول لصاحب الموضوع ربنا يهديك احنا بصدد مبارة كورة قدم مش نزال وحرب احنا مسلمين وعيب احنا يصدر عنا الكلام ده وحتى لو فى شخص او مجموعة جزائرية غير مسئولة قالت كلام مش لطيف عن مصر والمصريين ,, اظهر المعدن النفيس للشعب المصرى ,, ولا ترد الاساءة بالاساءة ,,