(مٌعَدلّ) اين اجد بطاقة SAPPHIRE HD 4770 بالقاهره ؟ واين يوجد Maximum H.W ؟ .

انا نويت انشاء الله اشترى كارت SAPPHIRE HD 4770 512MB GDDR5 PCI-E HDMI

كتير قلولى مشهتلاقيه الا من عند maximun hardware فى سوق العصر

وانا من بنها ممن حد يشرحلى اروح مول سووق العصر منين من اققرب محطة مترو لان المترو اسهل موصلة ليا

انزل رمسيس و من المحطه اركب اي اتوبيس او مايكروباص رايح ميدان روكسي وخليه ينزلك عند سوق العصر .

الله يسهل دربك ويكون بعونك

اخي انا تقريبا اعطيتك رقم استاذ هاني قبل كده صح

اتصل بيه وخليه يشحنهولك اسهلك حيوصلك بنها وانته مستريح بدل متروح وتيجي وكده

اقتباس:

---

المشاركة الأصلية كتبت بواسطة Amarantine

انزل رمسيس و من المحطه اركب اي اتوبيس او مايكروباص رايح ميدان روكسي وخليه ينزلك عند سوق العصر .

---

او
ممكن تركب من محطه مصر المترو و تنزل محطه ثريا القبه
ومن هناك 20 دقيقه مشى
او تاكسى من 3- 5:rolleyes: جنيه مش اكتر وتقوله سوق العصر :)

أو اركب المترو وأنزل غمرة وأول متِنزل من المحطة هتلاقي حاجة زي قطر قديم كده بيروح محطات اركبه و أنزل محطة الخليفة المأمون هايخد بتاع 20 دقيقة وبنص جنيه بس :D:D:D:D

ما شاء الله كل دى سكك ... عمار يامصر

ولو لم توفق فى ايجاد ..سافير ممكن تلااقى XFX ..بردو بس اغلى 25 جنية تقريبا ...:)

اقتباس:

---

المشاركة الأصلية كتبت بواسطة Scorpion_h1989

أو اركب المترو وأنزل غمرة وأول متِنزل من المحطة هتلاقي حاجة زي قطر قديم كده بيروح محطات اركبه و أنزل محطة الخليفة المأمون هايخد بتاع 20 دقيقة وبنص جنيه بس :D:D:D:D

---

حلو الطريق دا :D:D:D
بس هل المسافه من المتروا الى الترام فى غمره كبيره,,,, اصل انا بنزل هناك كل اسبواع تقريبا و هجرب الطريقه ديه;););)

اقتباس:

---

المشاركة الأصلية كتبت بواسطة hm90memo

حلو الطريق دا :D:D:D
بس هل المسافه من المتروا الى الترام فى غمره كبيره,,,, اصل انا بنزل هناك كل اسبواع تقريبا و هجرب الطريقه ديه;););)

---

:D:D
قضيب الترام جنب المترو يا أخي بيفصل بينهم سور المترو بس مجرد متِنزل من المحطة من نفس الناحية اللي أنت فيها اخرج منها وهتلاقي الترام قدامك بس اسأل قبل متركب عشان الترام ده زي المترو بيمشي في الاتجاهين
أسأل أي حد وقوله عايز أنزل الخليفة المأمون اركب من أنهي ناحية ؟؟
:D:D

شكرا على المساعده