أحذر من ضياع البيانات ، وأسترجعها فى حالة فقدانها
Life's tragedy is that we get old too soon and wise too late
Benjamin Franklin
:(
أنها المأساة
- كنت أتصفح Computer بالصدفة بدور على برنامج معين وسط كعبلة الملفات ، ولقيت حاجة مش طبيعية ، فى الأول أنا مخدتش بالى بس بعد الفحص والتمحيص أكتشف أن البارتشن الموجود صورته أدناه ؛ فاضى فيه 314 جيجا !!!! طبعا أتصدمت لأنى فاكر أن معنديش مساحة ، فتحت الدرايف وهالنى ما رأيت ، فولدرين كامليين مش موجودين !!! هما حاصلة شهر ونص من التحميل !!!
https://www.fileden.com/files/2007/1/16/650027/1111.PNG
- بالطبع تملكنى الرعب وتملك ناصية تصرفاتى ، فأخذت أفكر ولله الحمد لم أبدا بالنحيب الخارجى حيث كان النحيب الداخلى مستمر ، تتركز المشكلة فى أنى لا أعلم ماهى محتويات الفولدرين ، ومن هنا اتت الصدمة ، جريت باحثا عن الهارد الخارجى لأرى أذا ماكنت قد نسختهم عليه مثلا ومسحتهم بعد النسخ لأفاجأ بأن الهارد الخارجى هو الأخر خاوى على عروشه - أنضف من الصينى بعد غسيله - الأ بعض الملفات القديمة !!!
- أنه وقت الهلع ، أخذنى سباق محموم للبحث فى جميع وسائط التخزين لدى ، والنتيجة لاشئ !!! لايوجد أدنى أثر لتلك الملفات مع ملاحظة عدم معرفتى بكنههم أصلا !!
- بعد التركيز والهدوء ، تذكرت برنامجى العزيز ActiveFile Recovery فتوجهت أليه مسرعا ، وسطبته وقمت بعمل Scan على الهارد فوجد العزيز جميع الفولدرات المفقودة وبدأت فى أسترجاعها ، وكانت حالتهم فى الأسترجاع Very Good والحمدلله ، فلم أعانى من مشقة فى أسترجاعهم.
- رفعت البرنامج لم يحب أستخدامه ، قم بتحميلة وأنسخ الكراك فوق البرنامج الأصلى ، قم بتشغيله وأختر البارتيشن المراد عمل فحص له ، مع ملاحظة ان البرنامج يجد كل شئ بسهولة ولكن أذا تمت الكتابة فوق البيانات عدة مرات لن تستطيع أسترجاعهم.
- بعد كل ذلك الهلع أكتشفت أن معظم الأشياء المفقودة يمكن الأستغناء عنها على الرغم من فداحة مساحاتهم ، الأ انه بالأمكان أسترجاعهم مع الوقت ، عموما انه درس للمستقبل.
- يجب عمل نسخة احتياطية لما تخاف عليه من الضياع ، وأنا أفعل هذا بالفعل ولكنى تقاعست لمدة شهرين عن ذلك وتلك هى النتيجة.
-رابط البرنامج : أضغط هنا.
رد: أحذر من ضياع البيانات ، وأسترجعها فى حالة فقدانها
ألف شكر يا أستاذ فادى على النصيحة وعلى البرنامج و قدر الله وما شاء فعل
رد: أحذر من ضياع البيانات ، وأسترجعها فى حالة فقدانها
- الحمدلله أن معظم الحاجات بترجع دلوقتى وأنا بتكلم.
- شعورى الأن بيفكرنى بالنكتة اللى بتقول:
" واحد غبى جدا أتضرب 90 قفا على سهوة "
- الغبى هو انا فى النكتة دى :D :D
رد: أحذر من ضياع البيانات ، وأسترجعها فى حالة فقدانها
بارك الله فيك على البرنامج، ومبروك عليك عودة المفقود :).
رد: أحذر من ضياع البيانات ، وأسترجعها فى حالة فقدانها
طب معلش يا فادى بية.
مع العلم انى مش عارف انت فاكرنى ولا لأ.
المهز
لو انا شلت ملف بالطريقة المشهورة Shift + Delete
هل من الممكن استرجاع الملفات مرة اخرى ولا اية ؟؟
الموضوع عايز منك بعض التوضيحات ولتكن فى ملف لا يقل عن 12 ورقة فلوسكاب وش وظهر مع ارفاق بعض الصور لزيادة الفهم.
شكرا ليك مؤخرا.
رد: أحذر من ضياع البيانات ، وأسترجعها فى حالة فقدانها
المشكله دي حصلت معايا على الهارد الخارجي بتاعي 640 جيجا
ورجعت معظم البيانات بالبرنامج ده برضو اكتر من 90 % من الداتا رجعت والحمدلله
رد: أحذر من ضياع البيانات ، وأسترجعها فى حالة فقدانها
بس عوزين نعرف سبب المشكلة دى اساسا ايه ؟؟! والهرد ده واحد تيرا .. يعنى تقريبا جديد
رد: أحذر من ضياع البيانات ، وأسترجعها فى حالة فقدانها
شكرا علي البرنامج
فعلا كارثة ...
انا الهارد ال my book 1 tb متوقف عن العمل .... ليه .. انا مش عارف
الهارد باااظ ... ليه ... بردو مش عارف ... مع انه ما كانش كمل شهرين ..
الهارد مش بيقوم اصلا ..
المشكلة عندي مش في الهارد ... يولع ميت هارد .. المصيبة في حوالي 20 حاجة وعشرين جيجا من الحاجات اللي عليه فيهم صور وفيديوهات شخصية مش هينفع ترجع تاني ..
طبعا كل الحاجات اللي كانت علي الهارد ممكن تتعوض ما عدا الصور والفيديو .
انا لقيت عنوان شركة بتعمل استرجاع بيانات يا ريت تكون كويسة وتقدر ترجع اللي راح .. اللي هي في مول كوين
لو حد يا جماعة عنده اي معلومات عن اي شركة في مصر بتعمل الموضوع ده يا ريت يفيدنا
بس انت وانت بتحكي انا افتكرت اللي حصل معايا ... بقيت مش عارف اعمل ايه .. حسيت ان الكمبيوتر ده عبارة عن حته حديد غبية وكنت عاوز اولع فيه .. واخدت لي فترة علي ما رجعت لصوابي :)
رد: أحذر من ضياع البيانات ، وأسترجعها فى حالة فقدانها
شكرا كوول مان على البرنامج وعلى النصيحه دى
وعاي أقولك الموقف ده حصل معايا قريب جدا
قررت فى مره أشيل الويندوز وأسطبه من جديد فاثناء التسطيب كان عندى بارتيشن فاضى كنت مسطب عليه ويندوز XP فالمفروض انه عملته Format أثناء التسطيب وبعد تنزيل نسخه الويندوز أكتشفت انى بطريق الخطأ قمت بعمل Format لبارتيشن به أهم ملفاتى كان يحتوى على صور شخصيه + ملفات مشاريع VB + ملفات Save Games + ملفات Firfox Profile بأختصار كانت كارثه
لسبب بسيط ان الحاجات دى صعب انها تتجاب مثلا من على النت
جريت على برنامج Final Data ورجع كل الملفات المشكله انه رجعها ملفات ومعظم اللى كان موجود كان فولدرات رجعت الحمد لله الملفات الفرديه لكن المشاريع عليه العوض فيها
بس الواحد أتعلم قبل ماتدوس Format أتأكد بدوس على أيه :)
رد: أحذر من ضياع البيانات ، وأسترجعها فى حالة فقدانها
شكرا عزيزى كول مان على البرنامج وعلى النصيحة الغالية ...الحلوة دى ...وربنا يستر على بيناتنا ...:)...وجارى التحميل للبرنامج ..:)
رد: أحذر من ضياع البيانات ، وأسترجعها فى حالة فقدانها
رد: أحذر من ضياع البيانات ، وأسترجعها فى حالة فقدانها
- شكرا ياشباب على دعمكم ليا فى وقت الشدة. :D
- تم أسترجاع جميع البيانات ، ولم أخسر سوى صورة البوستر لفيلم Alien Trespass وزى بعضة هجيبها تانى من على النتن ( غلطة غير مطبعية). :ah4:
رد: أحذر من ضياع البيانات ، وأسترجعها فى حالة فقدانها
شكرا علي البرنامج القيم :ah4:
رد: أحذر من ضياع البيانات ، وأسترجعها فى حالة فقدانها
شكرا على البرنامج
وحصلت معايا نفس الحركه على ويندوز فيستا لقيت 100 جيجا اختفو مره واحده بس استرجعت معظمهم ببرنامج
والشركة اللي بتعمل استعادة داتا في مول كوين وتمن استرجاع الداتا ب 300 جندي
رد: أحذر من ضياع البيانات ، وأسترجعها فى حالة فقدانها
اقتباس:
المشاركة الأصلية كتبت بواسطة wild cat
شكرا على البرنامج
وحصلت معايا نفس الحركه على ويندوز فيستا لقيت 100 جيجا اختفو مره واحده بس استرجعت معظمهم ببرنامج
والشركة اللي بتعمل استعادة داتا في مول كوين وتمن استرجاع الداتا ب 300 جندي
شكرا يا باشا .. ان شاء الله اسافرلهم بعد العيد ... يا رب يعرفو يعملو حاجة