مشاركة: نصيحة لكل المصريين هنا
الف شكر لك يا باشا
عندى كام سؤال بعد اذنك
هل لابد ان يكون لدى حساب بالبنك ؟
ما هى تكلفة بدأ الخدمة والاشتراك بها ؟ 30 ج بس ؟
هل الايداع بالدولار ام بالجنيه ؟ وبكم يحسبوا الدولار ؟
فيه اوراق مطلوبة ؟ وياترى هاينفع مع كل المواقع العالمية ؟
شكرا مرة ثانية
مشاركة: نصيحة لكل المصريين هنا
الف شكر على النصيحة الغالية
صحيح كانو بياخذوا 210 او 320 جنية منهم لله و كلما حاولنا الاستفسار يقولون تحويلات البنك وحاجات كتيرة تحس من كلامهم انهم بيكدبو ا عليك
بارك الله فيك
مشاركة: نصيحة لكل المصريين هنا
الميزة إنها لا تحتاج أى رصيد أو حساب مسبق فى البنك ولكن كل الموضوع إنك بتروح أى فرع من فروع البنك وتطلب عمل فيزا انترنت وكل اللى بتقدمه صورة بطاقتك الشخصية و30 جنيه فقط وتستلمها بعد أسبوع او 10 أيام بالكتير .
أما عن الإيداع فيكون بالمصرى ولا يتعدى حساب الدولار عن 6 جنيه بالكتير أوى .
انا عن نفسى وفرت معايا لأنى بسافر من بلد لبلد تانى فوفرت لى مواصلاتى على الأقل .
وانا جربتها مع موقع فيو وموقع مايكروسوفت ونجحت والحمد لله .
مشاركة: نصيحة لكل المصريين هنا
الف شكر على الافادة وساجربها قريبا ان شاء الله
مشاركة: نصيحة لكل المصريين هنا
ماشي يا سمسم .
على فكرة فيه البنك الاهلي المصري ايضا يقدم نفس الكارت وهو مقبول الدفع فى اغلب مواقع الانترنت التى تقبل ماستر كارد . وتدفع كل سنه 12 ج فقط , ولا يشترط ايضا اى حساب .ويتم حساب الدولار على اساس سعر صرف البنك تاريخ اجراء العملية .
أى خدمه .
مشاركة: نصيحة لكل المصريين هنا
مشاركة: نصيحة لكل المصريين هنا
شكرا سمسم على النصيحه
بس انا بفضل ادفع لهم 50 دولار عشان اريح دماغى
لانهم بيقولولى 350 جنيه الامتحان مع انها بالدولار متكملش 280 جنيه
سلام
مشاركة: نصيحة لكل المصريين هنا
يوجد أيضاً كروت كاش يو ولها وكيل معتمد في مصر
مشاركة: نصيحة لكل المصريين هنا
لو انت هتستخرج الفيز لهذا السبب فقط
فاعتقد انها بالبلدي ( مشمستاهله )
امتحنت في راية 3 امتحانات
الامتحان 300 ج فقط
لو حسبتها هتلاقي الفرق قرابة 15 ج فقط
مشاركة: نصيحة لكل المصريين هنا
سيدى الفاضل هى بالظبط بتقف عليك كلها ب 288 جنيه مصرى وده حقيقى من كشف حركة التعاملات التى بعتها لى البنك . وكمان هو أول ما تحجز بيبعت إشعار للبنك بالعملية لكن مش بيخصم غير يوم الإمتحان .
كما إن المركز اللى بتمتحن فيه بيتصل بيك يوم الإمتحان صباحاً عشان يأكد عليك .
وبصراحة هى مريحة بالنسبة لى .
ولك مطلق الحرية طبعاً وربنا يوفقك ويوفقنا جميعاً .
مشاركة: نصيحة لكل المصريين هنا
اخواني الاعزاء
في الواقع ان سعر امتحانات مايكروسوفت سواء في vue أو في prometric هو 35 جنيه استرليني وأنا متأكد من هذه المعلومه لأني كنت اشتغل في test center خارج مصر طبعا هذا سعر امتحانات ال mcse (اي امتحان سعره 35 جنيه استرليني)
وبهذا يكون سعر الامتحان بالجنيه المصري كالتالي
British Pound 35 = 393.992 Egyptian Pound
فأنا استغرب كيف يحجزوا لكم الامتحان ب 310 جنيه مصري فقط لأن سعر الامتحان أكثر من 50 دولار فسعره تقريبا
British Pound 35 = 65.88750 US Dollar
ولهذا فنصيحة لكم بأن تقوموا بحجزه في test center أوفر من ان تقوم بحجزه online by visa card
وأيضا أنا انصح الاخوة الذين يواجهون مشاكل مع بعض مراكز الامتحانات من حيث غلاء الاسعار او اذا شككت في ان سعر الامتحان اقل من السعر في مركز الامتحان بأن تقوم فورا بمراسلة شركة الامتحانات التي يكون المركز وكيل لها وشرح القصة لهم وهم سيتكفلون بالباقي فيمكن ان يغلقوا المركز او يوجهوا انذارا له لأن لا يحق لأي مركز امتحانات زيادة سعر الامتحان على الطلاب وهذه اتفاقية بين مراكز الامتحانات في العالم كله وبين الشركة المزودة مثل vue وانا قرأت الاتفاقية من خلال عملي في مركز امتحانات
اسف للاطالة
بالتوفيق للجميع
مشاركة: نصيحة لكل المصريين هنا
شكرا اخينا الصمود
ولكن هذا الموضوع فى 90% من مراكز الامتحانات بتقول الامتحان بكذا و اللى عاوز يدفع
ساشرح لك ما حدث معى
انا امتحنت 70-270 فى (centery21)فى طنطا ودفعت 300
ثم امتحنت 70-350 فى (centery21)فى طنطا ودفعت 310
ثم امتحنت 70-297 فى (centery21)فى طنطا ودفعت 310
ثم امتحنت70-293 فى مركز (سيسكو )فى الزقازيق واخذوا 50 دولار
ثم امتحنت 70-394 فى (centery21)فى طنطا ودفعت 315
ثم امتحنت 70-390 فى (centery21)فى طنطا ودفعت302
و حجزت اخيرالامتحان 70-291 فى يات طنطا ب290
و تسمع منهم كلام كتير عن تحويلات البنوك والعملة الصعبة والبنوك ( بنت ال.... الحرامية اللى بسرقوهم فى التحويلات وكلام كتييييييييييير لو حاولت تسأل)
على فكرة جميع هذه المراكز مشتركة مع VUE
دلنى على طريق الشكوى وانا اشتكى ( انا اشتكيتهم لله قبل كل شيء)
اسف على الاطالة
وشكرا للجميع
مشاركة: نصيحة لكل المصريين هنا
أخى الفاضل الصمود ..
أشكرك على هذه المعلومات ولكن سعر VUE يختلف عن سعر Prometric وVUE أرخص وسعر الإمتحان مسجل فيها أمام كل ماده ولا يخصم من كارت الفيزا الإ 288 جنيه فقط شاملة رسوم التحويل أو عمولة البنك ...الخ
وكما أن هناك مراكز تاخد مبلغ زيادة فمن الممكن أن تكون حالة من الإتنين : إما أنه يستعمل ماستركارد وأيضا يقوم بحجز أكثر من إمتحان لأكثر من شخص . أو أنهم كما قال الأخ يوسف مجرد إستغلال وطمع وهنا يجب التأكد .