سؤال ألى الأخ الفاضل نازور جزاه الله خيرا والأخوة الخبراء بخصوص مودم ADSL

الأخوة الأعزاء... السلام عليكم ورحمة الله وبركاته
.
أشتركت فى شركة IM الموجودة بمصر على سرعة 256 وتضمن العرض أن استلم مودم من الشركة..
وعند الاستلام وجدته conexant usb adsl wan modem

المشكلة أن الاولاد يريدون تنزيل العاب وأفلام من مواقع التورنت وأقصى سرعة يمكن الوصول اليها بأى برنامج تورنت هى من 5:12 k
أما عند استخدام برامج P2P فالسرعة من 25:32 k
واضح ان المشكلة من المودم كما ذكرت انت سابقا
فهل اذا اشتريت راوتر ( وأمرى الى الله ) سيتغير الوضع؟؟؟ مع ملاحظة انه باستخدام برنامج utorrent
لتنزيل برنامج open office كانت سرعة التنزيل حوالى 25k ...
مع العلم انى جربت مواقع كثيرة للتورنت وبرامج كثيرة للتورنت أيضا ولم يتغير الحال...
فما هى النصيحة التى تنصح بها أنت و الأخوة الأعزاء فى هذه الحالة؟؟؟
ولكم جزيل الشكر والأحترام

غير اولا عنوان الموضوع علشان الناس تقدر تساعدك بجد وعلشان ما تعرضش نفسك للمخالفة

وبالنسبة لموضوع الراوتر والموديم اكيد الراوتر اقوى ولكن بالنسبة للداونلود مفيش فرق يذكر على حد خبرتى العملية مع الراوترات والموديم وخصوصا فى الكونيكسنت اما بالنسبة للبرامج بتاعتك اللى انت بتشتغل عليها انا واحد زميلى عنده موديم وشغالة معاه زى الفل بس الجهاز مطحون مع العلم ان الجهاز بتاعه 2CPU و 2G.B RAM و 2 H.D 160G.B يعنى وحاجات من دى

أخى العزيز memoragaa اعتذر لك بشدة وللأخوان ان كان هناك ماهو مخالف فى العنوان وأرجو أرشادى الى طريقة تغييره .. أو اذا كان بامكانك ان تغيره فأرجوك أن تفعل ... وتقبل أعتذارى وأعتزازى بكم جميعا ....
والسلام عليكم ورحمة الله وبركاته

اقتباس:

---

المشاركة الأصلية كتبت بواسطة baherbadr

أشتركت فى شركة IM الموجودة بمصر على سرعة 256 وتضمن العرض أن استلم مودم من الشركة..
وعند الاستلام وجدته conexant usb adsl wan modem

---

اخى ممكن تتصل بالشركه مزوده الخدمه بالدعم الفنى وتخبرهم بما حدث
وانت لك الحق انك تغير الـ MODEM ADSL من عندهم مدام فيه مشاكل

أخى الكريم mohamed2121 مليون شكر على الأهتمام والرد... هو السؤال هل سيكون هناك فرق فى سرعة الداونلود من برامج التورنت أذا أستبدلت المودم براوتر؟؟؟
جازاك الله خيرا أخى العزيز

اخى بصراحه انا لم تقابلنى هذه المشكله
بس انا فعتقادى ان المشكله تنحصر بين أثنين
الراوتر
ثم مذود الخدمه وده احتمال بعيد
عشان كده ردى كنت بقول حاول تتصل بيهم وتشوف المشكله ومدام المشكله من عندهم عشن الخدمه والراوتر من عندهم
هيجيلك أحد من الدعم الفنى ومعاه راوتر تيست هيجرب عليه
وتقدر تجرب قبل ماتشترى روتر جديد

أخى العزيز mohamed2121 عاجز عن شكرك وأهتمامك والحمد لله طلعت المشكلة من ظبط أعدادات برنامج التورنت نفسه.... كتر الف خيرك..ولمنتدى عرب هاردوير
عاجز عن الشكر
والسلام عليكم ورحمة الله وبركاته