استفسار بخصوص مروحة الكارت Sapphire HD 5670 1G DDR5

السلام عليكم و رحمة الله و بركاتة


قمت و الحمد لله بشراء كارت الشاشة Sapphire HD 5670 1G DDR5


و بعد التجربة فان اداؤة جيد جدا و لكن عند استخدام برنامج GPU-Z.0.5.2_2 لمعرفة بيانات الكارت اثناء عملة

اتضح ان سرعة المروحة دائما ثابتة عند 28 % و لا تتغير مهما تغير الحمل او درجة الحرارة

صور للبرنامج : ( مش عارف احطها تظهر في الموضوع )

https://uploadpic.org/v.php?img=mRoXVesPQ7

https://uploadpic.org/v.php?img=GRXDBAgr

فهل هذا طبيعي ؟؟ هل يمكن زيادة سرعتها لتبريد افضل للكارت ؟؟؟

وعليكم السلام ورحمه الله وبركاته

سرعه المروحه ثابته على 28% لانها مظبوطه كده من المصنع

ولو عاوز تزود سرعتها استخدم برنامج RivaTuner

لكن طالما لن تكسر سرعه الكرت فا اترك سرعه المروحه كما هى

واذا اردت شرح لزياده سرعه المروحه قرر وقول وهرفقلك صور للشرح

حبيبى الكريم

انت لو عايز ترفع سرعة المروحة فمفيش ابسط من برنامج msi afterburner
ديه صورة اتبع التعليمات

https://img135.imageshack.us/img135/3203/fanq.png

رايط البرنامج : https://event.msi.com/vga/afterburner/images/MSIAfterburnerSetup142.zip

شكرا عزيزى و لو عايز اى استفسار قول :D

السلام عليكم مروحة البطاقة تبقي في 28% لأن البطاقة تبقي باردة و لا حاجة لزيادة السرعة و هذا دليل على كفاءة المشتت لكن لو ارتفعت حرارة البطاقة ستزداد سرعة المروحة

بسم الله الرحمن الرحيم

اقتباس:

---

السلام عليكم مروحة البطاقة تبقي في 28% لأن البطاقة تبقي باردة و لا حاجة لزيادة السرعة و هذا دليل على كفاءة المشتت لكن لو ارتفعت حرارة البطاقة ستزداد سرعة المروحة

---

+
1
فعلا بالاضافة أن رفع سرعة المروحة يديويا يستفاد منه في كسر السرعة للحصوال علي التبريد
لكن الشركة جعلتها هكذا
تخيله دائما علي 100% ألن يكن حمل علي المروحة؟

هوا فعلا مش لازم ترفع سرعة المروحه لانك مش هتقدر تقللها عن الفتراضية إلا بتعديل bios و ده خطر

انا على فكرة ساعات بكسر الكرت اللى معايا من 810/1804 إلى 920/2050 بدون رفع سرعة المروحة الافتراضية

لانها بكل بساطة بتعلى automatic مع الحرارة و ده علشان الصوت و عمر المروحة و تقليل الاتربة الداخلة للكرت

متشكر جدا لكل اللي رد

هو انا في الاول قلت انها اتوماتيك بس لقيتها ما بتعالاش

فعايز اعرف هي درجة الحرارة تبقي كام عشان المروحة سرعتها تزيد

يعني درجة الحرارة عدت الخمسين و برضو ع 28 انا بس عايز اطمن انها سليمة مش اكثر

اقتباس:

---

المشاركة الأصلية كتبت بواسطة RadeonXI

هوا فعلا مش لازم ترفع سرعة المروحه لانك مش هتقدر تقللها عن الفتراضية إلا بتعديل bios و ده خطر

انا على فكرة ساعات بكسر الكرت اللى معايا من 810/1804 إلى 920/2050 بدون رفع سرعة المروحة الافتراضية

لانها بكل بساطة بتعلى automatic مع الحرارة و ده علشان الصوت و عمر المروحة و تقليل الاتربة الداخلة للكرت

---

مش فاهم هو انا لو رفعت سرعة المروحة مقدرش اقللها تاني من غير لعب في البيوس
طيب البرنامج اللي حضرتك شرحتهولي دة مش بيرجها تاني ؟؟؟

درجة الحراره في الضغط كام وفي الخمول كام وايه نظام التبريد بالكيسه بتاعتك مركب مراوح ازاي . اشرحلي كده .

اقتباس:

---

المشاركة الأصلية كتبت بواسطة Clark_ElMaSrY

مش فاهم هو انا لو رفعت سرعة المروحة مقدرش اقللها تاني من غير لعب في البيوس
طيب البرنامج اللي حضرتك شرحتهولي دة مش بيرجها تاني ؟؟؟

---

لا لا تقدر ترجع تاني مش انت ساعة لما بتظبطها يدوي بتعلم علي مربع فاضي او علامة auto بتبقي منوره يعني شغاله اوتوماتيك لو مطفيه تبقي مانيوال اعمل كليك علي اوتو بحيث تبقي منوره حترجع اوتوماتيك تاني مفيش مشكله .

الف شكر ليكوا بجد يا جماعة

الحمد لله انا نزلت البرنامج و اتاكدت و عليت السرعة و اتاكدت ان المروحة تمام


و دلوقتي رجعتها تاني للوضع الافتراضي بتاع الشركة و هسيبها ع كدة ان شاء الله


شكرا مرة تانية

بسم الله الرحمن الرحيم

اقتباس:

---

هو انا في الاول قلت انها اتوماتيك بس لقيتها ما بتعالاش

فعايز اعرف هي درجة الحرارة تبقي كام عشان المروحة سرعتها تزيد

يعني درجة الحرارة عدت الخمسين و برضو ع 28 انا بس عايز اطمن انها سليمة مش اكثر

---

ده علشان هي كدة في السليم.
وطالما هناك خطر علي البطاقة فانها تزداد شيئا فشيئا حتي تصل الي درجة الحرارة المطلوبة وهي التي فوق الـ 50 كما قلت.
ولا تقلق مادامت لم تصل الي 75 مع أنها أيضا مصرحة :)