السلام عليكم
انا عايز ادرس تصميم مواقع مش عارف ابدا منين اتعلم java الاول ولا html
طيب اية الفرق بينهم وبين JavaScript و php و Dreamweaver و FlashMx
يا ريت حد يقولي لحسن متلغبط و جزاكم الله كل خير
شكرا...............
عرض للطباعة
السلام عليكم
انا عايز ادرس تصميم مواقع مش عارف ابدا منين اتعلم java الاول ولا html
طيب اية الفرق بينهم وبين JavaScript و php و Dreamweaver و FlashMx
يا ريت حد يقولي لحسن متلغبط و جزاكم الله كل خير
شكرا...............
بص يا باشا أنا هاحاول أختصر و أجيب من الأخر و أقولك تبدأ أزاي, أوك؟
في الأول سيادتك هاتبدأ تتعلم HTML/XHTML و CSS .
الأولى هتتعلمها عشان تبدأ تضع محتويات موقعك و تنسقها و تهيكلها بالـ HTML/XHTML .
الثانيه هتتعلمها عشان تظبط بيها الموقع بتاعك من حيث الشكل فقط .
المواقع إلي هاتبنيها بأستخدام هاتان اللغتان سيطلق عليها مواقع ثابته يعني مش دايناميكيه .
طب أيه الفرق بين الموقع الثابت و الموقع الدايناميكي ؟
الفرق أن الموقع الثابت من أسمه باين عليه, محتواه ثابت على طول و علشان تعدل في حاجه أو تحدث الموقع لازم تحدثه يدوي يعني تفتح السوس أو بأي برنامج مثل الدريم ويفر و تعدل إلي أنت عاوزه .
أنما المواقع الدايناميكيه هي أنه بيكون في تفاعل بين الموقع و بين المستخدم أو الزائر.
----------------------------------------------------------------------------------------------------------------------------------
مثال على الموقع الدايناميكي:-
يعني مثلا أنت ممكن تكتب صفحه تكون عباره عن لوحة تحكم بلغة PHP فيها ثلاث أشياء :-
1- مربع نص صغير .
2-مربع نص كبير .
3-زر أمر .
و في البرمجه بتاعت الصفحه او لوحة التحكم تضع الأامر الأتيه في الصفحه:-
هنقول بالبلدي كده كأنك بتقول للصفحه تعمل أيه :-
مربع النص الأول هو عنوان صفحه .
مربع النص الثاني هو محتوى الصفحه .
و لما أضغط على زر الأمر أذهبي يا لوحة التحكم و ضيفي صفحه جديده بالعنوان الموجود في مربع النص الصغير و المحتوى الموجود في مربع النص الكبير .
بتسهل عليك العمل و التعديل على موقعك .
و ممكن تضيف لوحه تحكم تانيه تقول فيها أنك عاوز تمسح صفحه معينه و تبرمج اللوحه على أنها تعرض لك كل الصفحات الموجوده , و هكذا
----------------------------------------------------------------------------------------------------------------------------------
بعد ما تتعلم الـHTML/XHTML و الـCSS لازم تتعلم الجافا سكريبت ( غير الجافا ) و طبعا مش هاتطرق لأستخدامات الجافا سكريبت العديده .
----------------------------------------------------------------------------------------------------------------------------------
بعد كده عاوز تتعلم تاني يبقى تدخل على لغة برمجه يتم ترجمتها عن طريق الجهاز الخادم ( Server Side Scripting Language ) مثل الـPHP أو ASP و أنا أنصحك بالأولى لسهولتها و مجتمع مستخدميها الواسع و الكبير .
----------------------------------------------------------------------------------------------------------------------------------
بعد كده يهم أنك تتعلم عن الـXML و الـRSS و الحاجات إلي هاتفيدك أوي لو أتعلمتها .
----------------------------------------------------------------------------------------------------------------------------------
لو عملت إلي قولتلك عليه أضمنلك تعمل أي موقع أنت عاوزه بأي شكل أنت عاوزه و لو عاوز تعمل برنامج تدوين ( تقدر ) و لو عاوز تعمل برنامج لأدارة المنتديات ( تقدر ) و تقدر تعمل أي حاجه تانيه أنت عوزها في الويب دزين .
و على فكره أنا مانصحكش بالفلاش بس لو عاوز ممكن تتعلمه بعد الأساسيات إلي قولت عليها أنما غير كده لالالالالالالالالالالا.
و كمان لازم لازم تتعلم أدارة قواعد البيانات بأستخدام MYSQL لأنك هاتستعملها مع PHP أو ASP .
و لو أتعلمت الفوتوشوب ( مهم أوي أول ) يقى كده تمام أوي .
----------------------------------------------------------------------------------------------------------------------------------
أما الفرق بين جافا و جافاسكريبت فهو أن الأولى لغة برمجه تستخدم في برمجة الأجهزه مثل الموبايلات و التليفزيونات و عمل برامج للكمبيوتر و الشبكات ( زي لغة السي أو السي ++ ) أنما جافا سكريبت فهي تستعمل مع المواقع فقط و مترجمها الوحيد هو المستعرض .
و ممكن أنك تعمل برنامج بطريقه معينه لغة الجافا و تستخدمه من على الموقع .
أسمه بيكون Java Applet
----------------------------------------------------------------------------------------------------------------------------------
الدريم ويفر يفيدك أوي بس ما أنصحكش أنك أول ما تبدأ تكتب أكواد تشتغل عليه ( لأنه هايسهل عليك العمل) و طبعا لازم تكتب أكواد بصعوبه علشان بعدين تكون العمليه سهله .
و بكده أرجو أني أكون قدرت أساعدك
ممكن تبدأ بالترتيب ده :-
HTML/XHTML
CSS
Javascript
XML
PHP & Mysql
Flash
Java Applets
و ده موقع هايفيدك
هنا هنا هنا
الرد اللى كتبه Mohamed.Saber مهم جدا أقرأه كويس وكمان أنا حابب أنى أضيف لك كورسات بتشرح php , dreamwaver هتحتاجها وانت بتذاكر ,الكورسات دى فيديو باللغه العربيه وكمان فيه كورس كامل لكيفية تصميم موقع كامل باستخدام الدريم ويفر والphp تقدر تشوفه وتتعلم منه بعد ماتخلص كل ده وكل ده موجود على موقع Gateway courses تقدر تشوف كل الكورسات دى أون لاين من هنا
تمام كده يا عم أشرف .
اقتباس:
المشاركة الأصلية كتبت بواسطة Mohamed.Saber
ربنا يكرمك يا رب علي الافادة الجميلة دي يا حبي مفيش احسن من كدة
جعلة الله في ميزان حسناتك
معلش ممكن اعرف المواقع الثابتة دي موجودة دلوقتي ولا دي كانت حاجة قديمة و طلع بعدها المواقع الديناميكية
والمواقع الدينامكية زي مثلا الموقع دة
طيب المواقع اللي بتعمل زي مجلة كدة في الصفحة الرئيسة للموقع زي ماي ايجي دي تبع اية
ولو مشيت بالترتب دة حعرف اعمل زيها ولا دي ليها لغات تانية
جزاك الله كل خير
اقتباس:
المشاركة الأصلية كتبت بواسطة Mohamed.Saber
ربنا يكرمك يا جميل تمام كدة
اقتباس:
المشاركة الأصلية كتبت بواسطة pro.eng
شكرا يا باشا علي ردك
جميل جدا الموقع دة كورسات اون لاين
جزاك الله كل خير
بص سعادتك
المواقع الثابته لسه موجوده والناس بتستعملها و كل حاجه بس الفكره أنك لازم تقرر أنت هاتعمل موقع عن أيه ؟؟؟
فمثلا لو أنت هتعمل موقع لشركه بيكونوا حاطين بيانات الشركه و العناوين و طرق الأتصال و التحديثات الشهريه أو الأسبوعيه عن مثلا أفتتاح معرض أو فرع جديد للشركه و هكذا >>> النوع ده ممكن يكون ثابت لأنه بيتم تحديث محتواه كل فتره طويله و ليس اسبوعيا أو يوميا .
أنما بقه أي موقع تمت برمجته بلغة PHP أو أي لغه مناظره يعتبر موقع دايناميكي .
معنى كده أن المدونات زي ووردبريس مواقع دايناميكيه ؟ ( اه )
يعني منتدى عرب هاردوير موقع دايناميكي ؟ ( اه )
يعني أي منتدى في الدنيا دايناميكي ؟ ( اه )
هل لو أنا أتعلمت اإلي أنت قولت عليه فوق ده هأقدر أعمل منتديات و مجلات و مدونات و هكذا ؟ ( اه , و أحسن كمان )
أفتكر أني كده جاوبت على سؤالك
سلامات
اقتباس:
المشاركة الأصلية كتبت بواسطة Mohamed.Saber
الله يسلمك يا باشا
طبعا جاوبت علي كل الاسئلة مفيش توضيح احسن من كدة
ربنا يكرمك يا رب ويجازيك كل خير
سلام