ASUS A52F-SX130 VS HP G62-112EE
اايه الافضل فى اللابين دول ؟؟؟ ASUS A52F-SX130 & HP G62-112EE
وهل اللى موجود فى السوق كله صينى ؟
طبعا الاسوس مميزاته بروسيسور اعلى ( بس مش كتير اوى ) و هارد 500 و لوحة مفاتيح كامله و مالتى تاتش باد
عيوبه الهارد 5400 لفه ( هل دا فرق عن ال7200؟) و مافيش بلوتوث
وطبعا الاتش بى مميزاته هارد 7200 لفه و موجود فيه بلوتوث
عيوبه بروسيسور اقل وهارد اقل و لوحة المفاتيح مش كامله
هل المقارنه دى عاديه ولا انا كده باظلم الاتش بى على اساس انى بقارن مثلا المرسيدس ب دايووو ؟؟؟؟؟
منتظر ردودكم الكريمه
رد: ASUS A52F-SX130 VS HP G62-112EE
شخصيا اعتبر الأسوس ماركة افضل من الاتش بي
و الأسوس أكيد أعلى فى المواصفات
فالمعالج و سعة الهارد أهم عندى من عدد لفات الهارد (تفرق فى سرعة النقل و النسخ)
و لا تنس صلاة الاستخارة قبل الشراء
رد: ASUS A52F-SX130 VS HP G62-112EE
يعنى الجهاز مش هيسخن يادكتور محمد ؟ انا مش بسال عن موضوع الماركه وكده اكي الاتش بى ماركه برده بس المشكله ان يكون الاسوس فيه عيوب انه خاماته مش اصليه او بيسخن او بيبوظ ... الحاجات دى اللى مخوفانى وللاسف مافيش اى حد اقدر اشوف عنده الجهاز الاسوس او حتى الاتش بى ....!!! ايه العمل ؟
رد: ASUS A52F-SX130 VS HP G62-112EE
رد: ASUS A52F-SX130 VS HP G62-112EE
انا اشتغلت على الاتنين وموجودين عندى فى الشركه وبكتبلك من على الg62 دلوقتى
اولا الاسوس فيه بلوتوث
ثانيا الاسوس متعب جدا لو دى فى دى التعريف ضاع منك حاسس انه جهاز مجنون من غير تعريفات بس بعد التعريفات ما تنزل من على الدى فى دى لانها مش موجوده على الموقع على فكره والتعريفات اللى على الموقع مش هتفيدك هتلاقى الجهاز محترم جدا
وموضوع فرق البروسيسور احب اقولك ان الفرق مالوش قيمه لان الاتنين قريبين جدا من بعض فى الاداء خصوصا ان الاتنين رامات 3 جيجا DDR3 وحقيقى محسيتش فى وقت ان فى واحد اسرع من التانى
بس الفرق ان ضمان اتش بى سنه وضمان الاسوس سنتين
الاسوس بيجى معاه ماوس اوريجينال
الاتش بى جهاز فقط من غير اى حاجه
توكيل الاسوس توكيل سئ للغايه مش من ناحيه العماله والشغل انما من ناحيه المواعيد وباذن الله متحتاجش ليه خالص
توكيل اتش بى افضل فى التعامل وفى المواعيد
الخلاصه الاتنين قريبين جدا من بعض ومفيش فرق يذكر غير موضوع الكى بورد الكامله
ليك فى الحسابات والارقام الكتير هات الاسوس مش فارق معاك يبقى شوف الاتش بى وانت واللى يستريحله قلبك
وبجد الجهازين ماشاء الله عليهم محترمين ومعملوش معايا اى مشاكل غير موضوع دى فى دى التعريف بتاع الاسوس لما ضاع الجهاز كان متعب جدا فى شغله انما والتعريفات موجوده الجهاز جميل ومفيهوش اى مشاكل وربنا يوفقك للخير