مساعدة في كسر سرعة معالج I5 2500K مع اللوحة ASUS p8p67
تحية عطرة،
انا اشتريت اللوحة الرائعة ASUS P8P67 مع المعالج core i5 2500K وكارت شاشة ATI 6950 2GB
ورامات G.skill 1600 1.5V 8GB
انا دلوقتي جديد مع نظام INTEL لأني كنت من مستخدميAMD الرائع ولكن قولت أغير
انا كان معايا معالج AMD Phenom II x4 940 بصراحة معالج محترم وعشرة عمر وياما عشنا في الحلوة والمرة مع بعضينا وبيشغل الألعاب حتى وقتنا هذا بكفاءة جيدة جدا
المهم انا بعشق كسر السرعة وطبعا انا واخد على كسر سرعة معالجات AMD دلوقتي انا عندي منصة INTEL بس واضح ان اللوحة الأم الجديدة مليانة حاجات وامكانيات رائعة في كسر السرعة وانا مشتاق للكسر بس خايف أعمل أي حاجة إى بعد ما اتعلم
فلو سمحتو يا عرب هاردوير حد يساعدني أو حد يعمل موضوع خاص يشرح فيه كسر السرعة مع لوحات أسوس الجديدة مع المعالج I5 2500K الجديد
اها ملاحظة، اللوحة يأتي معاها زران EPU وزر TPU انا بصراحة متلخبط مع الزرارين دول هو كل اللي عجبني وشدني انهم بينورو أخضر وبصراحة كل شوية أشغل فيهم وأطفيهم قبل النوم ههههههه
عايز لو سمحتم شرح مفصل ليهم وهل لازم أستعملهم عند كسر السرعة ولا لاء؟ بس أحلى حاجة انهم بينورو :ah27:
بس في حاجة انا ملاحظها وهي ان الجهاز ساعات كده بيكون بطيء وسعات البرنامج بتاع أسوس اللي بيجي معاها بياخد وقت طويل على ما يشتغل كأني مشغل معالج Pentum 2 مثلاً بس انا قولت أكيد في حاجة غلط وأكيد حبايبي هنا في عرب هاردوير حيساعدوني ان شاء الله
معلش انا طولت عليكم، بس عندي طلب أخير
عندي لعبة اسمها Microsoft Flight Simulator X وديه لعبة محاكاة طائرات طبعا انا جايب الجهاز ده مخصوص عشانها وهي اللعبة الوحيدة اللي بتكون ثقيلة على الجهاز وبتقطع مع انه عندي كارت شاشة أحدث شيء ! 2 جيجا
فما هي المقترحات للاستقادة من قوة اللوحة الام والمعالج وكارت الشاشة؟
معلش يا جماعة على الإطالة بس انا حشرب كوباية شاي أخضر كده عشان نظبط الدماغ وأظبط جهازي الجديد واللي عايز يشرب حعملة أحلى فنجان :ah24:
مع جزيل الشكر لكل الأعضاء حبايبي والله
رد: مساعدة في كسر سرعة لوحة ASUS P8p67
ايه يا جماعة 17 مشاهدة ولا رد!
مش عايزين تردوا ولا ايه؟
رد: مساعدة في كسر سرعة لوحة ASUS P8p67
اغلق الجهاز ثم فعل زر TPU وستقوم اللوحه بعمل كسر تلقائي لرقم ممتاز .
جربها كخيار مبدأي لك
رد: مساعدة في كسر سرعة لوحة ASUS P8p67
اقتباس:
المشاركة الأصلية كتبت بواسطة heartms98
اغلق الجهاز ثم فعل زر TPU وستقوم اللوحه بعمل كسر تلقائي لرقم ممتاز .
جربها كخيار مبدأي لك
شكرا لك أخي العزيز تم التجربة وتم الكسر بسهولة الى 4.3 جيجا
ولكن أنا أريد التحكم في كسر السرعة يدويا حيث أنني أجد ان اللوحة تكسر سرعة المعالج اوتوماتيكيا انا أريد تثبيت السرعة مبدئيا على 4.3 جيجا وبدون أن تنزل السرعة اوتوماتيكيا فكيف؟
رد: مساعدة في كسر سرعة لوحة ASUS P8p67
اقتباس:
وبدون أن تنزل السرعة اوتوماتيكيا فكيف؟
هذا طبيعي حتى لو تم كسر السرعة من البيوس , وهي خاصية لتوفير الطاقة والحرارة أثناء الخمول .
إن رغبت بتعطيلها حول الخيار C1E و Intel Speed Step الى Disable .
رد: مساعدة في كسر سرعة لوحة ASUS P8p67
اقتباس:
المشاركة الأصلية كتبت بواسطة Extreme2
هذا طبيعي حتى لو تم كسر السرعة من البيوس , وهي خاصية لتوفير الطاقة والحرارة أثناء الخمول .
إن رغبت بتعطيلها حول الخيار C1E و Intel Speed Step الى Disable .
الف مليون شكر على التوضيح أخي العزيزي
بس هل يوجد أي شرح لكيفية كسر السرعة لهذه اللوحة الام مع معالج i5 2500k ؟