مساعده من الاخوه الافاضل لرفع الاداء

السلام عليكم ورحمته الله وبركاته

أخوانى الاعزاء تكبدت كثيرا للارتقاء بجهازى الى مستويات عاليه للاستمتاع بالالعاب الحديثه وعلى اعلى اعدادات وقد تم ذلك بفضل الله فلا مشاكل معى باى لعبه مهما كانت فيستطيع جهازى تشغيلها بسلاسه تامه وعلى اعلى اعدادات .
المشكله تكمن فى الاتى بطء فى فتح الجهاز واحيانا احس كذلك ببطء فى نقل الداتا الى هاردى الخارجى ( USB) وطبعا انا لاغى كل برامج STARTup يعنى لا يفتح مع الجهاز فى الخلفيه الا برنامج الانتى فايروس والداون لود فقط وبرضه عندى احساس بان الجهاز تقيل فى الفتح ونقل الداتا وكمان عمليات فك الضغط للالعاب التى اقوم بتحملها برضه احساسى انها بتكون بطيئه نوعا ما واذا قمت بفتح تطبيق تانى مع الوين رير بياخد وقت لما يفتح مش عارف ليه ؟
لذلك فكرت بعمل الموضوع ده لاستفاد من ارائكم ومقتراحاتكم وهل لو كسرت السرعه هيكون افضل مع اننى لست من هواه كسر السرعه واذا كانت لابد منها فلماذا اذا نشترى المعالجات الغاليه وكذلك الكروت .....الخ
على العموم مواصفات جهازى مكتوبه تحت اسمى وهى معالج سداسى النواه من AMD اللى هو 1090 ورامات كورسير ديمانيتور 4 جيجا باص 1600 CL7 وكارت شاشه GTX 560 من شركه MSI و لوحه ام فئه GX980 من نفس الشركه وهارد بلاك 1 تيرا وباور ANTC 650 واط والباقى اعتقد مالوش دعوى بالسرعه لكنه مكتوب ايضا كالصندوق من NZXT وشاشه 24 بوصه فيوسونيك LED
وبكده اكون قلت اللى انا عايزه ومستنى مقتراحاتكم وشاكر لكل من يقيدنى مقدما .

عليكم السلام
حسب كلامك فالمشكلة غالبا من الهارديسك , إما أن يكون لديك خطأ بالتقسيم أو عدم تثبيت تعاريف البوردة من اسطوانة السوفتوير .

مشكور مشرفنا الغالى على ردك الهارد تم تقسيمه كالاتى 50 للسيستم و50 للبرامج والداون لود ثم 395 *2 = المجموع 4 برتشنات
اما عن الدرايفات فانا دائما متابع الجديد فى المواقع الخاصه بالمكونات بتاعه الحاسب بتاعى يعنى اكيد الدرايفات اللى جايه مع اللوحه والكارت اصبحت قديمه ودائما انا بسطب اخر التعريفات .

انا شاكك فى الهارد لان الجرين والبلاك بالنسبة للنظام ثقيلين
وافضل بلو خفيف وسريع للنظام
ده عن تجربه بس مش متأكد و مش عايز اكلف حضرتك على الفاضى انتظر اراء باقى الاعضاء
وارفع لى صورة ببرنامج hwmonitor
لان العيب ممكن من درجه الحرارة

الحراره معقوله بالنسبه للمكونات فالكيسه NZXT جيده التهويه وانا مركب فيها اربع مراوح للتهويه انا ابتديت اشك فى الانتى فايروس مثلا او النسخه ؟

هل جربت تغيير الويندوز او تسطب نسخة اخرى لأن الهارد البلاك اسرع من البلو و الجرين عادة تكون من نسخة الويندوز نفسها
(لا داعي بحذف الويندوز القديم و لكن سطب على بارتيشن غير اللي عليه الويندوز الحالي)

مثل ما ذكرو لك الاخوة حاول تغير النضام وحب ذا لوتجرب هارد اخر من فئة اعلي

لا توجد مشاكل لديك .. هذة السرعة العادية لهارديسك واحد ..
إما أن تشترى عدة هاردات وتضعها على Raid 0.. أو تتخذ لنفسك SDD..

مستر ايهاب يعنى قصد حضرتك ممكن يكون فى عنق زجاجه بالنسبه للهارد يعنى باقى المكونات من معالج ورام اسرع من الهارد والهارد هوه سبب البطء

اقتباس:

---

المشاركة الأصلية كتبت بواسطة hisoo

مستر ايهاب يعنى قصد حضرتك ممكن يكون فى عنق زجاجه بالنسبه للهارد يعنى باقى المكونات من معالج ورام اسرع من الهارد والهارد هوه سبب البطء

---

ممكن يكون هذا سبب

اقتباس:

---

المشاركة الأصلية كتبت بواسطة hisoo

مستر ايهاب يعنى قصد حضرتك ممكن يكون فى عنق زجاجه بالنسبه للهارد يعنى باقى المكونات من معالج ورام اسرع من الهارد والهارد هوه سبب البطء

---

بالطبع أخى الكريم .. الهارد هو السـبب..
الكثير يتكبد العناء و مع ذلك و بعد إختيار أفضل المكونات يجد الجهاز بطىء..

نعيد ذكرا أن مهما كانت مكونات الجهاز عالية فهى تنهار أمام بطء الهارد المنفرد حتى ولو كان 7200RPM
لذا يجب شراء 3 أو 4 هاردات 7200rpm ووضعهم بمصفوفة الRaid 0 للحصول على أفضل آداء.

مستر ايهاب دى حاجه صعبه خالص انك تشترى 3 او اربع هاردات علشان تعملهم مصفوفه يبقى SSD احسن على كده .
ياريت ترشحوا لى هارد كويس وسعر مناسب لتسطيب الويندوز عليه فقط .

اقتباس:

---

المشاركة الأصلية كتبت بواسطة hisoo

مستر ايهاب دى حاجه صعبه خالص انك تشترى 3 او اربع هاردات علشان تعملهم مصفوفه يبقى SSD احسن على كده .

---

صعبة؟!!
يا أخى الكريم .. مفهوم الRAID موجود منذ 14 سـنة و حتى الآن لايمكننا تقديره ..
إذا كان هذا هو الطريق الأساسى لتسريع الآداء العام للحاسب..

كما أن شراء قرص SSD قريبا من تكلفة 4 هاردات 500جيجا 7200rpm.. أى بإمكانك الحصول على سرعة و مساحة كبيرة مع تركيب المصفوفة .. خصوصا أن لوحتك تسمح بالRaid.
فالتعد النظر بالموضوع.

كل ماعليك هو أن تنقل بياناتك لهارد خارجى وتنشىء المصفوفة مع إعدادات البيوس المناسبة ثم تعيد بياناتك .. مع فارق السرعة الملحوظ..;)

اخى ايهاب شاكر لك تعاونك بس انا ليس لى اى خبره بعمل المصفوفه فاياريت حضرتك تدلنى على موضوع اقراه او تشرحها لى .
معلش غلبتك معايا .

أرسلت لك الدليل على الخاص..