ساعدونى فى أول طريقى فى مجال أمن المعلومات
بسم الله الرحمن الرحيم
انا طالب فى الفرقه اﻷولى فى فسم "نظم المعلومات اﻷدارية"
أعلم تماما انه بعيد كل البعد عن مجال "أمن المعلومات"
ولكن ما باليد حيله فلم يساعدنى مجموعى لدخول كليه " الحاسبات والمعلومات"
واﻷن أريد أن أعتمد على نفسى فى دخول مجال " أمن المعلومات"
وأتمنى ان تساعدونى فى معرفه ماذا يجب على أن اتعلمه ، وهل اتعلم عن طريق اﻷنترنت ام عن طريق الدورات
وياترى هل اكمل دراستى فى قسم " نظم المعلومات اﻷدراية " ام انه مجرد مضيعه للوقت ؟
وإذا كان كذلك فماذا أفعل؟
أظن أنه إذا أردت أن أتقدم فى مجالى فليس هناك مكان لذلك فى الوطن العربى (نادر وصعب) ولابد من السفر للخارج؟ :confused:
أيضا لا أريد ان أحصل على شهادات كثيره وغير معترف بها فى مجالى ولذلك قمت بعمل هذا الموضوع ﻷستفيد من خبرات اﻷخرين فى هذا المجال
اسف على فصحيتى الرديئه ولكنى احببت ان يفهمنى الجميع ﻷستفيد من الجميع
شكرا..
رد: ساعدونى فى أول طريقى فى مجال أمن المعلومات
رد: ساعدونى فى أول طريقى فى مجال أمن المعلومات
شكرا Love Science
موضوع مفيد
----
أخ شبكاتى
الا تعتقد ان Security + متقدمه نوعا ما ويجب اخذ دورات ابسط منها فى البدايه؟
واذا كانت هى المناسبه فأين استطيع ان امتحن هذه الشهاده ... انا من المنصوره
+ سؤال خارجى : ماهو تخصصك
بالتوفيق لك يارب
أيضا لم يجبنى احد على باقى النقاط
رد: ساعدونى فى أول طريقى فى مجال أمن المعلومات
بالنسبه لشهاده security + فهى مجرد بدايه لفهم الاساسيات فقط
واغلب منهجها هتلاقيه فى شهاده ccna security
اذا كنت تجد انها صعبه عليك انصحك تشوف كورس ال n + للمهندس ياسر هتلاقيه فى قسم شهادات comptia
بالنسبه لو عايز تمتحن الشهاده انا سمعت ان امتحانات comptia غاليه و فى المقابل لن يستطيع الحاصل على n+ او security + ان يجد عمل بهذه الشهادات
و مش هتلاقى احسن من الفيديو ده يفهمك كل حاجة عن شهادات ال security
https://www.arabhardware.net/forum/s...d.php?t=148695
عايزك تشوف الفيديو ده و ترد عليا
رد: ساعدونى فى أول طريقى فى مجال أمن المعلومات
هأشوف الفيديو وأكتب ردى
لكن فى نقطه كنت اتمنى لو تساعدنى فيها..
انا حاليا زى ما قولت فى نظم معلومات اداريه و هى معهد خاص
وتقريبا مفيش اى حاجه فيها هتفيدنى
ومش عاوز اكمل فيها لأكتر من سبب: فلوس على الفاضى تقريبا 4 الاف مصاريف المعهد فقط كل سنه غير مصاريفى
مفيش هناك زمايل كويسين
+ الأهم معظم المواد ما اعتقدش هتفيدنى لأن معظمها اداره اعمال واقتصاد ومحاسبه على جزء بسيط من الحاسب ونظم التشغيل
فكل الفلوس الى هتضيع فيها وكمان مش هاستفيد بيها ولا هتدينى شهاده هتنفعنى فى مجالى (أمن المعلومات)
ممكن اوفرهم لدورات او امتحانات او أى حاجه تانيه مفيده
بس دلوقتى المشكله الأكبر لو سبت مثلا نظم معلومات اداريه ... أروح فين؟
أنا كنت علمى احياء للأسف
ومجموعى لم يتجاوز 70 فى الميه
اممممممم
بجد محتار جدا
ياترى حضرتك مثلا تعرف شهادات معادله او اى حاجه استفاد منها فى الأربع سنين دول بدل ما اخش معهد انا مش حابه وكمان مش هيفيد وهيضيع وقت كمان
ولو مفيش ياترى اكمل ولا اذاكر امن معلومات بالثانويه العامه ... + هل لو جيت اشتغل شهادتى هتفرق كتير ؟
مش عاوز اعمل خطوه اندم عليها بعدين ومش اقدر اصلحها
شكرا ليك وربنا يوفقك
رد: خطوات متعسره فى بدايه طريق أمن المعلومات
بسم الله والحمد لله والصلاة والسلام علي رسول الله وآله وصحبه وإخوانه اجمعين::
أخي الكريم تحتاج التالي إن شاء الله:
1- شئ روتين اسمه إنك معاك اي شئ له صلة بالكمبيوتر شهادة معينة يعني معهد كمبيوتر، كلية حاسب آلي أو ما شابه
2- توكل علي الله وابدأ في تقوية اللغة الإنجليزية إن شاء الله
3- ابدأ مشوارك في الشهادات العلمية إن شاء الله، سيسكو أو مايكروسوفت، ثم تخصص في شئ اخر إن شاء الله مثل جنيبر أو هواوي أو لينكس
4- قبل كل ذلك توكل علي الله واستعن بالله ولا تعجز
وصلي الله وسلم وبارك علي المصطفي وآله وصحبه وإخوانه أجمعين
رد: ساعدونى فى أول طريقى فى مجال أمن المعلومات
جزاكم الله كل خير جميعا
لكن لم يجبنى احدكم عن المعهد ...
أستمر فيه؟
ام احول لأى شىء تانى
أم اتوقف بالثانويه العامه وادرس سيكيورتى
رد: ساعدونى فى أول طريقى فى مجال أمن المعلومات
بسم الله والحمد لله والصلاة والسلام علي رسول الله وآله وصحبه وإخوانه أجمعين
لا يجب أن تنتسب إلي معهد حاسب آلي لأنه أحياناً يكون هناك بعض التعنت في الit لذلك مجرد انتسابك لمعهد حاسب آلي حيفرق معاك كتير جداً إن شاء الله
وصلي الله وسلم وبارك علي المصطفي وآله وصحبه وإخوانه أجمعين
رد: ساعدونى فى أول طريقى فى مجال أمن المعلومات
لكن هل تعتقد ان معهد نظم معلومات إدارية سيتم اعتباره على انه معهد حاسب آلى؟
رد: ساعدونى فى أول طريقى فى مجال أمن المعلومات
بسم الله والحمد لله والصلاة والسلام علي رسول الله وآله وصحبه وإخوانه أجمعين
صراحة فيه معاهد كتير بتبقي مقلب، واهم شئ تسأل قبل ما تدخل المعهد هل الشهادات بتاعته معتمدة من الحكومة يعني معترف بيها ولا لأ
وبعدين معهد علوم إدارية اسمه فقط مشكلة يعني منين حيعرفوا انك درست حاسب آلي لازم يكون الإسم فيه حاجة اسمها حاسب، وبعدين شوفت الجامعة العمالية؟؟؟؟
وصلي الله وسلم وبارك علي المصطفي وآله وصحبه وإخوانه أجمعين
رد: ساعدونى فى أول طريقى فى مجال أمن المعلومات
نفترض يا اخى ان مفيش امل انى اخش اى حاجه حاسب الى
يبقى نظم المعلومات الأداريه دى ملهاش لازمه وافضل بثانويتى العامه وخلاص؟
وامتى المؤهل الدراسى هيفرق؟
رد: ساعدونى فى أول طريقى فى مجال أمن المعلومات
بسم الله والحمد لله والصلاة والسلام علي رسول الله وآله وصحبه وإخوانه أجمعين
لا افترض هل بحثت عن معهد بهذا الخصوص؟؟؟
لا تفترض بل تحرك ثم افترض
وصلي الله وسلم وبارك علي المصطفي وآله وصحبه وإخوانه أجمعين
رد: ساعدونى فى أول طريقى فى مجال أمن المعلومات
لم اقصد افتراض بالمعنى الحرفى
كنت اقصد وماذا بعد؟
بالفعل لا يمكننى الألتحاق بمعهد حاسب آلى
فالمتاح لدى نظم المعلومات الإداريه كما ذكرت فقط
فنظم المعلومات اقرب الخيارات نحو مجال الكمبيوتر
والباقى ليس لها اى علاقه بالكمبيوتر نهائيا
---------
ماذا سيحدث لو كنت خريج نظم معلومات اداريه وتقدمت لوظيفه فى امن المعلومات وكان لدى الخبره والشهادات الكافيه ..؟
وهل ستعقينى مستقبلا عندم اتقدم فى الوظائف وستمنعنى من وصول بعض المراتب العاليه؟
وشكرا على متابعتك للموضوع .. ربنا يعطيك كل ما تتمناه
رد: ساعدونى فى أول طريقى فى مجال أمن المعلومات
بسم الله والحمد لله والصلاة والسلام علي رسول الله وآله وصحبه وإخوانه أجمعين
الأرزاق بيد الله، ونحن نتكلم عن معهد الحاسب الآلي من ناحية الأفضلية وإلا فهناك خريجوا حقوق ومدراء it
عامة استخير وتوكل علي الله
وانا لست مع فكرة إنك تكون بالثانوية العامة فقط ففي النهاية اسمه مؤهل متوسط
وصلي الله وسلم وبارك علي المصطفي وآله وصحبه وإخوانه أجمعين
رد: ساعدونى فى أول طريقى فى مجال أمن المعلومات
ونعم بالله
أظن ان البقاء فى نظم المعلومات الإداريه هو الأختيار الأفضل
جزاك الله كل خير اخى