بعد احداث مباراة الزمالك والافريقى التونسى ... الدورى مستمر !!!
الدورى ١٣ أبريل.. و«الداخلية» تعلن اليوم خطة تأمين المباريات
قمة قلة الادب
المفروض كان الدورى يتم الغائه كنوع من ( قرص الاذن ) بعد ما حدث فى مباراة الزمالك والافريقى التونسى
مصدر الخبر
اقتباسات من الخير:
اقتباس:
على أن تقام المباريات بالجمهور
يا سلاااام , قمة الذكاء
اقتباس:
ويعقد اللواء منصور عيسوى، وزير الداخلية، مؤتمراً صحفياً اليوم
هذا هو ما نجيدة جدا ً ... مؤتمرات , لقاءات , خطب , وطبل وزمر
اقتباس:
أكد المستشار جلال إبراهيم، رئيس نادى الزمالك، أنه سيناقش مع مجلس إدارته إرسال وفد جماهيرى بالتعاون مع إدارة النادى إلى تونس لتقديم اعتذار عما بدر من بعض جماهير الفريق
وهذا اقل ما يمكن تقديمه للشعب التونسى
انا ما زلت مصرا ً على رأيى بالغاء الدورى ولا اعلم مدى رأى المصريين فى ذلك ... خدنا ايه من الكورة ؟
بعض ردود الناس على الخبر:
اقتباس:
الذين ذهبوا الى رئيس الوزراء لاستكمال الدورى بحجة انقاذ اللعبه كاذبون هم شلة المنتفعين من هذه السبوبه واصحاب الكافيهات والاعلانات وبرامج الكلام ...ماذا لو كتبنا على اتحاد السبوبه (مغلق للتحسينات من اجل بناء الوطن )هى الملايين اللى اخذوها لاتكفى ان ننتظر ...كم تكلف الدوله خطة التامين ومن يتحمل التكلفه لسنا فى وقت يسمح باهدار المزيد من الاموال
اقتباس:
مش عايزين كورة الفترة اللى جاية عندنا حاجات أهم
اقتباس:
ارجو من رئيس وزراء مصر التفكير الف مرة في عودة بطولة الدوري وياريت من سعادته يقرأ مقالة د/ ياسر ايوب. انا مستغرب من نغمة افلاس الاندية ...ياريت حد يفهمنا يعني رؤساء الاندية مش حيعرفوا يعملوا مصالح وسبوبات وقصور وفيلات في التجمع الخامس والغردقة و سفاجا . رجاءا رئيس وزراء مصر قبل التفكير في عودة الدوري ...نرجو منك محاسبة الفاسدين في جميع الاتحادات واولهم اتحاد كرة القدم ووضع سقف لاجور اللاعبين المغالى في اسعارهم. بمعنى تحقيق مطالب الثورة ..العدالة الاجتماعية لو هذا حدث عمرنا ماحنلاقي شغب في اي مكان في مصرمش في الملاعب فقط.
اقتباس:
كنت أود لو أهتممنا بتأمين الشعب أولا و أرى أى داعى لبدء الدورى سوى الهاء الشعب .أدعو لاى مقاطعة هذه المباريات لتكون بلا جمهور بارادة شعبيه و ليست ادارية
رد: بعد احداث مباراة الزمالك والافريقى التونسى ... الدورى مستمر !!!
انا مع القرار لان الغاء الدورى مش هوا الحل ... انما التنطيم الجيد ووجود الامن هو الحل
ماينفعش تقضى على الرياضة وتقول مفيش دورى ... ده هيأثر كتير على مستوى الكورة فى مصر بعد اللى وصلتله
انا واثق ان اللى حصل مش هيحصل تانى
رد: بعد احداث مباراة الزمالك والافريقى التونسى ... الدورى مستمر !!!
يا هم مصطفى هوا لما الدورى يتوقف كدة احنى هنقضى على الرياضة فى مصر ؟
وبعدين هيا فين الرياضة فى مصر اصلا ً ؟
رد: بعد احداث مباراة الزمالك والافريقى التونسى ... الدورى مستمر !!!
اقتباس:
. ده هيأثر كتير على مستوى الكورة فى مصر بعد اللى وصلتله
انت محسسنى انك بتتكلم عن مستقبل مصر النووى
فى داهيه الكورة دلوقتى
رد: بعد احداث مباراة الزمالك والافريقى التونسى ... الدورى مستمر !!!
ياشباب لو ايقاف الدورى هو الحل يبقى نلغى الدورى خالص ونلغى الكورة
على الفكره حضور الجمهور هقيدوه عدده "يعنى مثلا هيخلوا حضور المتش لعدد 8000 من فريق صاجب الارض و 500 او 1000 من الفريق الاخر فى ملعب سعته 50 الف عشان يقدروا يسيطروا عليهم"
رد: بعد احداث مباراة الزمالك والافريقى التونسى ... الدورى مستمر !!!
المستندات المكتشفة مؤخرا أثبتت أن النظام السابق كان يستغل الكورة في إلهاء الشعب عن الأوضاع الفاسدة في البلد وعمليات النهب المنظم ......بالفعل لسنا في حاجة للدوري ولا المنتخب........
رد: بعد احداث مباراة الزمالك والافريقى التونسى ... الدورى مستمر !!!
حسبى الله و نعم الوكيل
مش هقول غير كدا
ابقى خلى الكورة تنفعهم
و ياريتنا حتى فالحين فيها
باذن الله المنتخب يخرج من بطولة افريقيا ......عشان كانوا بيقولولك الغاء الدورى هيتسبب فى كارثة......ليه يا اخواننا؟......أصله هيأثر على مستوى المنتخب !!!
أنا ماسك نفسى انى مااشتمش بالعافية و الله
الناس ماشية فى الشارع بتكلم نفسها تشوف مناظرهم تبكى ........ناس كبيرة فى السن وبتشحت مش لاقية تاكل
و ناس سايبة البلد بتولع و بتدور ع الكورة
رد: بعد احداث مباراة الزمالك والافريقى التونسى ... الدورى مستمر !!!
يلا خليهم يعملوا استفتاء على الدورى هو كمان اصل احنا خلاص بقى فاضيين و الدنيا زى الفل
اقتباس:
باذن الله المنتخب يخرج من بطولة افريقيا .
تصدق وتأمن بالله - والله العظيم انا اخر ماتش للمنتخب كنت بتمنى انه يخسر
رد: بعد احداث مباراة الزمالك والافريقى التونسى ... الدورى مستمر !!!
اقتباس:
المشاركة الأصلية كتبت بواسطة TEch Zone
ياشباب لو ايقاف الدورى هو الحل يبقى نلغى الدورى خالص ونلغى الكورة
على الفكره حضور الجمهور هقيدوه عدده "يعنى مثلا هيخلوا حضور المتش لعدد 8000 من فريق صاجب الارض و 500 او 1000 من الفريق الاخر فى ملعب سعته 50 الف عشان يقدروا يسيطروا عليهم"
طب وايه لزومه اصلا ً بقى الدورى كدة ؟
رد: بعد احداث مباراة الزمالك والافريقى التونسى ... الدورى مستمر !!!
اقتباس:
المشاركة الأصلية كتبت بواسطة koki4life
المستندات المكتشفة مؤخرا أثبتت أن النظام السابق كان يستغل الكورة في إلهاء الشعب عن الأوضاع الفاسدة في البلد وعمليات النهب المنظم ......بالفعل لسنا في حاجة للدوري ولا المنتخب........
دا اصلا ً شىء معروف من غير مستندات
ويؤكد اننا لسنا فى حاجة الى الدورى العقيم
او المنتخب اللى فضحنا فى جنوب افريقيا
رد: بعد احداث مباراة الزمالك والافريقى التونسى ... الدورى مستمر !!!
اقتباس:
المشاركة الأصلية كتبت بواسطة [Dr.Mohammed [F@H
طب وايه لزومه اصلا ً بقى الدورى كدة ؟
عشان فريق يكسب الدورى :D
لو عشان مشكلة الجمهور فى المتش الاخير ... ممكن الدورى يتلعب من غير جمهور خالص
اما بالنسبه لموضوع الهاء الشعب فاللى مش يتلهى مايتفرجش على المتشات
انا على فكره مش بتفرج على الدورى المصرى اساسا كل متابعة لمتشات اوربيه
رد: بعد احداث مباراة الزمالك والافريقى التونسى ... الدورى مستمر !!!
أظن ان الامر فية نوع من انواع التحدى
لان بمعنى الغاء الدورى انما يدل على ضعفنا للوقوف فى وجة البلطجة و عدم الحفاظ و تامين الضيوف
اظن ان وزير الداخلية و المجلس العسكرى يريد ان يرجع هيبة الامن و هيبة الدولة
على العموم انا ضد الكورة اصلا و نفسى تتلغى و لكن اراة قرار حكيم حتى تثبت مصر للعالم مدى حضارة شعبها و هذا سيظهر فى المدرجات و اللوحات
و ايضا تحدى للنظام السابق و البلطجية من تكرار اى فعل مشابة
هذا رأيى و الله اعلم ....
رد: بعد احداث مباراة الزمالك والافريقى التونسى ... الدورى مستمر !!!
Zamalek Team in PES :
:D :D
رد: بعد احداث مباراة الزمالك والافريقى التونسى ... الدورى مستمر !!!
اقتباس:
المشاركة الأصلية كتبت بواسطة ŤǾЯŊΛĐф
Zamalek Team in PES :
:D :D
هههههههههههههه
يخرب عقلك جبت الصورة دى منين :eek:
هوا الراجل ابو جلابية لحق يوصل للــ PES :D
والله زمان يا ابو جلابية
رد: بعد احداث مباراة الزمالك والافريقى التونسى ... الدورى مستمر !!!
اقتباس:
Zamalek Team in PES :
:D :D
هههههههههههههههههههههههههههههههههههههههههه جامده طحن !!!!
ده ابو جلابيه حقق شهره مش طبيعيه , الجدع ده لو عرف انو بقى مشهور كده اكيد هيعلن عن بيع الجلابيه بمبلغ وقدره , ده غير الشبشب اللي خش بيه الملعب اساساً ...
هايل هايل جداً ..هههههههههههههههه