* ملحوظة : تم تعديل الشرح بتاريخ 9-2-2008 ,,, بسبب المشاكل التي يسببها برنامج " Acronis Disk Director " ,,, و تم تعديل الصور لتظهر بشكل مناسب اثناء التصفح ,,, و اذا اردت مشاهدة الصور بحجمها الاصلي اضغط على الصورة .
*****************
https://skeleton.eel.googlepages.com/bism4lexm8.gif
حبيت اعمل شرح لتسطيب الاوبنتو بجانب الوندوز - اكس بي - .... عشان ناس كتير جت تسطب اللينوكس عموما و غالبا بتفرمت الهارد كله بالغلط D: خطوة خطوة كدا هنشوف توزيعة الاوبنتو بتتسطب ازاي ... و من غير ما نفرمت حاجة بالغلط D:
في نقطة مهمة ... الشرح ده على النسخة الـ live cd ...
الاوبنتو نازل بنسختين ... نسخة بتسطب ها على طول ... و دي هى الـ alternate ... و نسخة live cd ... بتجربها الاول و بعد كدا ممكن تسطبها ... بس مينفعش تحفظ اي حاجة عليها ... لانك بمجرد ما بتعمل ريستارت كل حاجة بتروح ..
المهم اني هشرح على النسخة الـ live cd ... طبعا الـ alternate دي فيها ميزة عن النسخة الـ live إنها أخف في التسطيب كتير وأسرع بالذات لو الرام عندك أقل من 512 ميجا ... بس المفروض محدش يستخدمها غير لو هو متدرب على التسطيب كدا مرة ... عشان دي عامله زي تسطيب الوندوز كدا ... انما الـ live دي بتكون بواجهة رسومية لذيذة خالص و سهلة ...
اللينوكس عموما بيحتاج 2 بارتشن ... واحد اللي بيكون عليه الحاجات الاساسية زي الـ C في الوندوز و بارتشن تاني صغير زي الـ virtual memory ... و البارتشن ده اسمه .. سواب " swap " ... الـ swap ده عبارة عن مساحة السيستم بيتسخدمها في حالة وجود نقص جامد في الرام .. يعني دي مش بيتحط عليها ملفات
المهم يعني ...
هناخد جزء من بارتشن فيه مساحة فاضية ... و هنعمل بارتشن بنظام ext3 ... و ده زي الـ fat32 و ntfs بتاع الوندوز ...
هنحتاج حوالي 4 جيجا للبارتشن الاساسي ... ويستحسن 6 جيجا و لو 10 جيجا يكون احسن و احسن ... و السواب يستحسن يكون ضعفين الرامات عندك ... يعني لو راماتك 256 ... يبقى تعمل سواب بمساحة 1024 ... و لو عندك رامات 512 تعمل سواب بمساحة 2048 ميجا ... و هكذا ... و على الاقل باي حال من الاحوال لازم يكون عندك السواب 256
المهم هنشوف ازاي هناخد جزء من البارتشنات من غير ما نفرمط حاجة .... دي حاجة بسيطه خالص ... هنستخدم برنامج Gnome Partition Editor - اللي مع نسخة الاوبنتو - او ما يرمز اليه اختصارا بـ GParted .... او اي برنامج تقسيم بتستعمله ...
خطوة خطوة كدا هنشوف ازاي هناخد جزء من اي بارتشن فيه مساحة فاضية ... و نعمل بارتشن جديد للينوكس ...
*********************************
بدلا من استخدام برنامج خارجي ....
هنستعمل برنامج موجود مع نسخة الاوبنتو ... و بيكون مع اغلب توزيعات الـ جنو / لينوكس ....
المهم هنستخدم برنامج ... Gnome Partition Editor في تقسيم الهارد .... بس يستحسن يكون عندك رامات اكتر من 256 عشان الجهاز ميهنجش
ملحوظة : الشرح تحت الصور ..
*********************************
https://img110.imageshack.us/img110/...gpartedny9.jpg
اسهل طريقة لفتح البرنامج ....
من قائمة System .... بعدين Administration
بعدين نختار البرنامج ... Gnome Partition Editor
زي الصورة كدا ....
*********************************
https://img297.imageshack.us/img297/...parted3uv9.jpg
دلوقتي برنامج GParted فتح عادي خالص .... و دي الواجهة بتاعته ...
*********************************
https://img297.imageshack.us/img297/...parted4km2.jpg
دلوقتي نشوف بارتشن فيه مساحة فاضية ... يستحسن 6 جيجا .... و لو خليتهم 10 جيجا يكون افضل ...
هنعمل للبارتشن اعادة تحجيم .... هنعمل كليك يمين و نختار " Resize " .... زي الصورة كدا ...
*********************************
https://img297.imageshack.us/img297/...parted5hk1.jpg
ده شكل البارتشن قبل ما نعمل فيه اي حاجة ...
*********************************
https://img120.imageshack.us/img120/...parted6lh7.jpg
1 : دي المساحة الفاضية اللي هتبقى قبل البارتشن ا?صلي .. يعني البرنامج هيحرك البارتشن ا?صلي يمين بحيث المساحة الفاضية تكون قبله ... ولا يحبذ إطلاقا إنك تخللي المساحة الفاضية قبل البارتشن ا?صلي لما تيجي تعمل إعادة تحجيم ... ?نه هياخد وقت طويل جدا جدا جدا جدا ... خلليها دايما بعده ... يعني دايما تأكد إن الرقم هنا صفر " 0 "
2 : دي المساحة الجديدة للبارتشن اللي تم اعادة تحجيمه ...
طبعا لازم يكون في مساحة فاضية في البارتشن عشان تقدر تاخد جزء منه ...
3 : دي المساحة الفاضية اللي أخدناها من البارتشن عشان نخصصها لبارتشنات اللينوكس ..
يعني في الخانة دي هتحدد مساحة بارتشن اللينوكس + السواب .... يعني مثلا لو انت اديت للينوكس 10 جيجا .... يبقى تكتب في الخانة دي 10 × 1024 = 10240 ميجا ....
المهم يعني تعرف ان وحدة القياس هنا الميجا ... و ادينا في الصورة عملنا مساحة 6 جيجا ... 6 × 1024 = 6144
و مش لازم تكتب الارقام يدوي .... ممكن تحرك السهم شمال لحد ما توصل للحجم اللي انت عاوزة .... بس خلي بالك حرك السهم بس .... و متحركش البارتشن نفسه ... عشان لو حركت البارتشن نفسه هياخد وقت طويييييل جددددا في التقسيم زي ما قولنا من شوية ... بقولك ايه .... اعملها بالارقام احسن D:
*********************************
https://img120.imageshack.us/img120/...parted7jd6.jpg
دلوقتي بعد ما عملنا مساحة unlocated يعني ملهاش file system .... نظام ملفات يعني D:
هنعمل دلوقتي بارتشنين للينوكس واحد من نوع ext3 .... و التاني swap .... و زي ما قولنا السواب ده بيكون غالبا بيكون
ضعف مساحة الرامات ... يعني لو راماتك 512 يبقى تعمل السواب 1024 ...
هنعمل زي الصورة كدا ... كليك يمين على المساحة الغير محددة ... و نعمل " New "
*********************************
https://img120.imageshack.us/img120/...parted8as8.jpg
هنعمل بارتشن من نوع ext3 و ده اللي بينزل عليه اللينوكس ... اعمله حسب ما انت عاوز ... يعني لو اديت للينوكس 10 جيجا .... اعمل البارتشن ده 9 جيجا ... و سيب واحد جيجا للسواب ..
1 : - New Size - ..... دي مساحة البارتشن الـ ext3...
2 : دي المساحة الباقية ... اللي هنعملها للسواب .... و انا هعملها 1024 يعني واحد جيجا ...
*********************************
https://img152.imageshack.us/img152/...parted9xu8.jpg
و بنفس الطريقة هنعمل بارتشن للسواب ... و هيكون ضعف مساحة الرامات ... يعني لو رامات 512 .... هتعمل البارتشن ده بمساحة 1024 ميجا .... يعني واحد جيجا ..
و نظام الملفات هيكون linux-swap
*********************************
https://img152.imageshack.us/img152/...arted10nn1.jpg
بس كدا كله تمام .... هتعمل - Apply - موافقة على اللي انت عملته ... و ركز كويس قبل ما تدوس Apply .... يمكن تكون عملت حاجة بالغلط كدا ...
*********************************
https://img152.imageshack.us/img152/...arted11vk7.jpg
هيسألك اذا كنت موافق على التغييرات اللي انت عملتها دي ولا لأ ... اختار موافقة Apply
و بكدا هيبدأ ينفذ التعديلات اللي احنا عملناها ...
*********************************
https://img152.imageshack.us/img152/...arted12sz9.jpg
و هيبدا ينفذ التغييرات ... استنى لحد ما يخلص و متعملش اي حاجة .... و ممكن ياخد وقت شوية عشان انت مشغل الـ Live CD ... و دي بتستهلك جزء كبير من الرامات ...
و بس كدا كله تمام ^_^ .... و هنيجي لمرحلة التسطيب .....
&&&&&######################&&&&&
https://img143.imageshack.us/img143/...nuxlogorc0.jpg
كدا الجزء الخاص بعمل بارتشن للينوكس هنيجي لتسطيب الاوبنتو لينوكس .. و زي ما قلت في الاول ... الشرح ده هيكون على الـ live cd .. يعني بواجهة رسومية 100 %
طبعا الاسهل التسطيب من الـ live cd .. عشان ببساطة ممكن تعمل حفظ save للشرح ده على الهارد بتاعك ... و لما تيجي تسطب تفتح الشرح و تطبق ... عشان ميحصلش اي غلط ..
ملحوظة : الشرح تحت الصور ..
*********************************
بسم الله الرحمن الرحيم
دلوقتي بعد ما نزلنا نسخة الاوبنتو و حرقناها على اسطوانة ... هنحط الاسطوانة في الـ CDrom ... و نتأكد ان اول حاجة بنعمل منها بوت هلى الـ CDrom ... كأننا هنسطب نسخة وندوز بوتابل ...
او ما نبوت من الاسطوانة ... او حاجة هنقابلها الصفحة دي ...
https://skeleton.eel.googlepages.com/ls1.png
هنختار زي الصورة " Start or install Ubuntu "
*********************************
https://img156.imageshack.us/img156/5005/ls2bx7.png
اول ما الجهاز هيحمل هنلاقي الدسيك توب الجميل ده ...
ممكن تستخدم النسخة و ندخل على النت مثلا ... نشغل ملفات ملتي ميديا ... اوفيس ...
يعني نجربها كدا الاول و نشوفها اذا عجبتنا نقدر نسطبها .. - حلوة طبعا D: -
المهم ... لما نيجي نسطبها هنختار .. الايكونة اللي على الديسك توب دي اللي اسمها " Install "
*********************************
https://img201.imageshack.us/img201/9412/ls3vd8.png
دلوقتي هنحدد لغة الواجهة ... هنخليها الانجليزية اعتقد احسن ...
بعد ما اختارنا الانجليزية ... هندوس " Forword " - بعد كدا بعد كل ما نعمل اي حاجة دوس Forword ... مش محتاجة شرح يعني D: -
*********************************
https://img138.imageshack.us/img138/7660/ls4aw6.png
هنختار المكان اللي احنا فيه ... و عليه هيتم تحديد التوقيت ... Cairo طبعا D: ... او حسب المكان اللي انت موجود فيه ....
*********************************
https://img352.imageshack.us/img352/2229/ls5hy9.png
دلوقتي هنختار اللغة الاساسية اللي هنستخدمها في الكتابة ... هنخليها انجليزي دلوقتي ... و لما نسطب النسخة هنضيف اللغة العربية ... و من على الشمال هنختار اللكنة – زي اللهجة كدا - ... هنختار الانجليزي العادي من غير اي لكنات
*********************************
https://img104.imageshack.us/img104/6416/ls5dg8.png
هيحمل شوية .. عادي يعني D:
*********************************
https://img522.imageshack.us/img522/815/ls6iy3.png
الحته دي مهمة ... ركزوا كويس .. و اعملوا زي الشرح بالظبط ...
دي طريقة تقسيم الهارد ... طبعا احنا هنختار التقسيم اليدوي " Manual " ... عشان احنا اصلا عاملين البارتشن من الاول ...
*********************************
https://img158.imageshack.us/img158/2549/ls7eg3.png
هنختار البارتشن اللي احنا عملناه ببرنامج
GParted
طبعا هنختار البارتشن اللي بنظام ext3 ...
هنعمل " Edit partition " - زي الصورة -
*********************************
https://img412.imageshack.us/img412/3108/ls8jq2.png
بعد ما دوسنا " Edit partition " ... هنعمل حاجة بسيطة خالص ...
عند الخانة بتاعة " Mount point " - اللي معمول عليها بالاحمر في الصورة -
هنشيل الكلام اللي كان مكتوب و هنحط العلامة دي " / " - من غير علامة الاقتباس طبعاً -
العلامة دي اسمها سلاش .. و بيتقال عليها root لانها اصل النظام ... زي الـ C في الوندوز كدا ...
و ندوس ok
*********************************
https://img338.imageshack.us/img338/965/ls9wp6.png
بعد ما خلصنا و دوسنا ok ... هنعلم على المربع اللي جنب البارتشن بتاع اللينوكس ... عشان يتعمله فورمات ...
خلي بالك .. لو عملت علامة الصح جنب اي بارتشن تاني هيتفرمط كله ... فخلي بالك و انت بختار بدل ما تمسح كل الحاجات اللي عندك على الهارد ...
*********************************
https://img175.imageshack.us/img175/5003/ls10gj9.png
دلوقتي لو عندك نظام تشغيل تاني زي الوندوز مثلا و عاوز تاخد نفس الاعدادات بتاعته هتعلم على المربع اللي جنب اسم الوندوز ... و زي ما انتوا شايفين كدا الجهاز ده عليه وندوز اكس بي .. و عادي يعني براحتك تختارها او لأ ... انا عن نفسي غالبا مش بختارها ...
*********************************
https://img201.imageshack.us/img201/1523/ls11kd3.png
دلوقتي هنعمل مستخدم جديد ... ده الاسم اللي هندخل بيه يعني ...
اول خانة : اكتب اسمك .. او اي حاجة .. مش مهم يعني ...
تاني خانة : الاسم اللي هتدخل بيه ... - لازم تحفظه كويس عشان ده اللي هتدخل بيه - ... خلي بالك مينفعش تعمل اول حرف من اسم المستخدم حرف كبير ... لازم يكون صغير ..
تالت خانة : الباسورد و تأكيد الباسورد ... بده لازم تحفظه كويس عشان تقدر تدخل ..
رابع خانة : الاسم اللي عاوز الكمبيوتر بتاعك يظهر بيه على الشبكة ... - network -
*********************************
https://img201.imageshack.us/img201/4808/ls12nm6.png
هتظهرلك الصورة دي عشان تأكد عليك التغييرات اللي انت عملتها ... لو انت عملت زي الشرح يبقا انت كدا في السليم .. و دوس " Install " على بركة الله ..
*********************************
https://img180.imageshack.us/img180/3451/ls13xb7.png
دلوقتي هو بيسطب النسخة ... سيبوه براحته خالص .. روح اعمل كوباية شاي ... بس اوعى تكون صايم D:
*********************************
https://img120.imageshack.us/img120/6418/ls14ph6.png
بيقولك مبروك ... تم التسطيب بنجاح .. عاوز تكمل بالـ live cd ولا تعمل ريستارت و تدخل على النسخة المتسطبة
يستحسن تعمل ريستارت ..
*********************************
نسخة اوبنتو live cd ...
https://www.ubuntu.com/themes/ubuntu...ubuntulogo.png
Ubuntu Feisty 7.10 Live CD
Download
*****************
الملفات مرفوعة على الموقع الرائع " www.archive.org " .
نسخة من الشرح بامتداد PDF -نسخة معدلة - ,,, من الممكن قراءتها اونلاين ,,, او تحميلها عن طريق كليك يمين و حفظ باسم ,,, او باستخدام برنامج التحميل اللي بتستخدمه
هـــــنـــــا
نسخة من الشرح بامتداد ODT - نسخة معدلة -
هـــــنـــــا
><><><><><><><><><
انتهى #
و طبعا الرخصة :D
https://img529.imageshack.us/img529/8471/mysigndw0.png
