مراجعة سريعة للاب lenovo z570 i5+nvidia
*مقدمة:-
لابات لينوفو منتشرة جدا فى السوق وبتحقق معادلة السعر مقابل الاداء وده اللى جذبنى ليها كما ان الشركة عريقة جدا ومالكة الماركة IBM ,كما ان خامات اللاب جيدة جدا بالمقارنة مع المنافسين فى نفس السعر ,وانا طبعا محبتش اعمل المراجعة اول ما جبته واستنيت شوية علشان اعرف عيوبة ومميزاتة مع الاستخدام لفترات طويلة ,ولا حظت بردو عدم تافر مراجعات عربية كتير للماركة دى واللى شجعنى اجيبة العضو TheLeader وهو عاملة مراجعة بسيطة هنا فى المنتدى,وبصراحة انا فضلته عن الديل انسبيرون اللى هو المنافس لية فى نفس السعر.
*مواصفات اللاب :-I5 2450m 2.5 => 3.1 turboboast
gfx :gt 630m
hd :segate 500 Gb
1333 Ram :4GB
15.6" TFT Color display with LED backlight
Web Camera
WiFi - Bluetooth - USB - Ethernet 10/100
Full size keyboard with integrated numeric keypad
Touchpad
6 Cell Lithium-Ion battery
No operating system
*صور بسيطة من تصويرى:-
*صور توضح المواصفات واختبار على السريع:-
*التجربة والاداء العام :-
اللاب الحمد لله شغال كويس وخاماته جيدة ومعداش 85 درجة للبروسيسر فى اسوء الحالات وجربت علية كام لعبة تقيلة باعدادات متوسطو وشغلهم بفريمات معقولة وده بفضل كارت الشاشة gt630 m وده اقوى بقليل من gt540m والخامات بتاعته ممتازة مقارنة بالديل وتصميمة شيك وارفع وفيه سويتش لفصل كارت الشاشة الخارجى لتوفير الطاقة واطول فترة بالبطارية تصفح نت وفيديو على وضع توفير الطاقة 4ساعات ونص ووصل البطارية ل12% فقومت شاحنه, وتجربتى ككل مع اللاب جيدة. ودى ابرز مميزاته وعيوبه اللى اكتشفتها:-
>المميزات:-
1-خاماته جيدة جدا بالنسبة لسعره.
2-سعره مناسب 3550 ومعاه ماوس لاسلكى هديه واللى معاه نسخة سفن منه 3800.
3-زراير الاختصارات (Fn) ممتازة وبتغطى كافة الاحتياجات.
4-سويتش كارت الشاشة اللى بيوفر البطارية فى حالة عدم الحاجة للكارت الخارجى.
5-عمر البطارية فيه كويس.
6-تصميمه انيق ونحيف والارجل بتاعته كلها مطاطية.
>العيوب:-
1- اختصارة غلق touchpad لما بتقفلها مش بتشتغل تانى الا بعد الريستارت.
2- تحس انه مش عملى زى الكمبيوتر المكتبى وده عيب كل اللابتوبات .
فى الاخر اتمنى ان المراجعة تكون فادتكم واعتذر عن جودة الصور سوء التصوير وانا تحت امركم فى استفسار او اسئلة وانتظروا اضافة اختبارت تانية بكرة
رد: مراجعة سريعة للاب lenovo z570 i5+nvidia
شكرا اخي على المراجعه الممتازة
انا اشتريت نفس اللاب من شهرين واداءه ممتاز جدا والحراره جيده وخامته جيده ايضا
وصوت السبيكر تحفه
مبروك عليك يازعيم
رد: مراجعة سريعة للاب lenovo z570 i5+nvidia
ألف مبروك اللاب وربنا يبارك لك فيه.........:)
رد: مراجعة سريعة للاب lenovo z570 i5+nvidia
دى اختبارات على بعض الالعاب اللى موجودة على اللاب ,وكل الاختبارات تمت على اعلى دقة ممكنة واعلى جودة ده طبعا علشان الاختبار بس اما اثناء اللعب بلعب على medium ,وصحيح انا نسيت الغى خاصية v-sync علشان كدة الفريمات كانت مقفولة على 60.
رد: مراجعة سريعة للاب lenovo z570 i5+nvidia
الف مبروك عليك كده إحنا الـ 2 معانا لابين إخوات :D
رد: مراجعة سريعة للاب lenovo z570 i5+nvidia
اقتباس:
المشاركة الأصلية كتبت بواسطة TheLeader
الف مبروك عليك كده إحنا الـ 2 معانا لابين إخوات :D
هههههههه ,حلوة لابين اخوات دى =) عجبتنى:p
رد: مراجعة سريعة للاب lenovo z570 i5+nvidia
جايبة بكام و منين يا ريت اللى اشتراه يقول يا شباب
رد: مراجعة سريعة للاب lenovo z570 i5+nvidia
انا كاتب السعر فى الموضوع فوق فى المميزات وجبته 3550 ومعاه ماوس لاسلكى هدية
رد: مراجعة سريعة للاب lenovo z570 i5+nvidia
الف مبروك على الجهاز بس بالنسبة للصورة اللى كانت حاطط فيها اللاب على مسندين عشان التهوية ،، هى كل اللابات التهوية بتاعتها بتبقى جانبية ولا من تحت ؟
يعنى انا لو عايز اشترى لاب عشان اخلص عليه بعض الاشغال و انا نايم على السرير و حاطه على رجلى او البطانية لو فى الشتاء يعنى :)
فهل هايسخن جامد ولازم اخلى من تحته فاضى ولا يكفى ان يكون من جنبه بس اللى فاضى؟ و هل طبيعى ان البروسيسور يوصل لـ 85 درجة فى اللابات لأنى انا حاسس انها عالية اوى كدة
و خصوصاً كمان انى بسمع ان اللينوفو مش بيسخن اوى ، امال باقى اللابات تعمل ايه بقى ؟!
رد: مراجعة سريعة للاب lenovo z570 i5+nvidia
الف مبروك على الجهاز وانا لسه شارى جهاز لينوفو g580 من اسبوع بجد لينوفو ماركه محترمه جدا انا كان عندى قبله اتش بى وديل لكن ماشاء الله الينوفو اثبت انه افضل فى الخامات واقل فى السخونه ودى اول مره اجرب لينوفو وبجد مش هغيرها تانى باذن الله
رد: مراجعة سريعة للاب lenovo z570 i5+nvidia
اقتباس:
المشاركة الأصلية كتبت بواسطة AlaaGhost
الف مبروك على الجهاز بس بالنسبة للصورة اللى كانت حاطط فيها اللاب على مسندين عشان التهوية ،، هى كل اللابات التهوية بتاعتها بتبقى جانبية ولا من تحت ؟
يعنى انا لو عايز اشترى لاب عشان اخلص عليه بعض الاشغال و انا نايم على السرير و حاطه على رجلى او البطانية لو فى الشتاء يعنى :)
فهل هايسخن جامد ولازم اخلى من تحته فاضى ولا يكفى ان يكون من جنبه بس اللى فاضى؟ و هل طبيعى ان البروسيسور يوصل لـ 85 درجة فى اللابات لأنى انا حاسس انها عالية اوى كدة
و خصوصاً كمان انى بسمع ان اللينوفو مش بيسخن اوى ، امال باقى اللابات تعمل ايه بقى ؟!
اولا اللابات بتسحب الهوا من تحت وبتطلعه من الجنب لو فى التصفح او الحاجات العادية متفرقش كتير اما فى اللعب اوالضغط حاول مش تسد فتحات التبري السفلية ,اما بالنسبة للحرارة القصوى للابات هى 100 درجة ويستحسن متعديش 95 اما 85 دى درجة كويسة جدا فى الحر ومقارنة باللابات التانية اللى بتعدى احيانا 98 درجة
رد: مراجعة سريعة للاب lenovo z570 i5+nvidia
اقتباس:
المشاركة الأصلية كتبت بواسطة cluster
الف مبروك على الجهاز وانا لسه شارى جهاز لينوفو g580 من اسبوع بجد لينوفو ماركه محترمه جدا انا كان عندى قبله اتش بى وديل لكن ماشاء الله الينوفو اثبت انه افضل فى الخامات واقل فى السخونه ودى اول مره اجرب لينوفو وبجد مش هغيرها تانى باذن الله
الله يبارك فيك وفعلا انا كنت مقلق منها بس بعد التجربة اقتنعت بيها 100%
رد: مراجعة سريعة للاب lenovo z570 i5+nvidia
مبروك عليك
حضرتك اشتريتو منين عشان عاوز اجيب واحد وسعره مناسب جدا
رد: مراجعة سريعة للاب lenovo z570 i5+nvidia
???!
....................
رد: مراجعة سريعة للاب lenovo z570 i5+nvidia
زى مكتبتلك فى الخاص واسم المحل كان 2b combuters وكان فى محل تانى فى السخاوى اسمه كمبيوتر ساينس