lمساعجة في شراء مزود طاقة مناسب

السلام عليكم ورحمة الله وبركاته
أنا إن شاء الله ناوي أجيب كارت شاشة sapphire hd6790 أو 6770 إن لم يتوفر الأول المهم بعض الإخوة بالمنتدي نصحوني بباور 450 وات وده اللي هبقي عامل حدود 250 جنيه من انتك أو 500 وات من كولر ماستر وده هيعمل 320جنيه المهم وأنا بدور علي المنتدي لقيت كيسة من كولر ماستر عاملة 370 جنيه وبها باور 400 وات فهل ده هيبقي كافي للكارت والجهاز مع لعلم أنا عايز أشتريها عشان الكيسة اللي عندي تجارية وأنا عايز أغيرها وأجيب دي وجيبلها كام مروحة كده عشان الحرارة
إيه رأي الخبراء؟؟؟؟؟؟؟؟؟؟؟؟؟؟؟؟







معلش يا جماعة إسم الموضوع غلط حبة بس أنا مش عارف الجيم دي جات من فين

بالنسبه للـ 6790
فا مكتوب في موقع sapphire
500 Watt Power Supply is required.
2X75 Watt 6-pin PCI Express power connector is required

واحنا دايماً بنقول نزود عن المطلوب شويه .. واعتقد ان 450 وات غير كافي
في الباور دا
SilverStone ST50F-ES 500W 80 PLUS Certified PSU
بسعر 370 جنيه تقريباً دا هايكون مناسب وفيه وصله 6 بن ووصله تاني 6+2 بن

والخيار التاني HEC 500 W
بسعر 350 جنيه

يا أستاذ فينوم مشكور علي المشاركة الغالية بس إنت مش شايف إن معظم الشركات بتبالغ في القيمة الفعلية للباورات علي أساس إن المستخدم هيبقي جهازه عالي المواصفات وبالتالي هيبقي الكلام ده أكتر من كافي له بالنسة لل6790 أنا دورت له علي أكتر من مراجعة ولقيت إن أعلي قيمة وات بيسحبها ما بتعديش ال200 وبعدين أنا عملت أكتر من إختبار لكمية الوات المناسب لجهازي علي أكتر من موقع وكان بعضهم إن 290 هتكون كافية أما بالنسبة للموقع بتاع asus فالإختبار بتاعه أوصي ب400 وات فأنا شايف إن الكيسة ذات الباور هتحقق سعر + أداء وهتبقي أفضل طريقة للتخلص من الكيسة التجاري اللي عندي
ولا إيه رأي حضرتك؟؟؟؟

الاهم هو الحفاظ علي كارتك والحصول علي الاداء الافضل بتوفير الطاقه الكافيه ليه
ماهو نوع الباور الموجود في الكيس تحديداً ؟
وحتي ان كانت المبالغه في اسعار الباورات حقيقه
لكن سوف تشتري كارت في مقابل حوالي 900 جنيه
فلابد ان تحافظ عليه وتحصل علي اقصي اداء ممكن بتوفير مزود طاقه مناسب .. اظن ان دا يستاهل انك تزود 50 جنيه علي الميزانيه الي كنت هاتجيب بيها الكولر ماستر الي ب 320

وفي نظري باور كافي افضل من كيس ليست احترافيه بمعني الكلمه

أخي أقصى استهلاك للبطاقة هو 150 وات، أي أنّ 450 وات تكفي تماماً مهما كانت مواصفات جهازك، 400 وات إن كانت نسخة الـElite من Cooler Master فهو ممتاز وأيضاً يكفي لكن يفضّل ذكر مواصفات جهازك التفصيليّة بما فيها مراوح التبريد.

اقتباس:

---

المشاركة الأصلية كتبت بواسطة phenomII

الاهم هو الحفاظ علي كارتك والحصول علي الاداء الافضل بتوفير الطاقه الكافيه ليه
ماهو نوع الباور الموجود في الكيس تحديداً ؟
وحتي ان كانت المبالغه في اسعار الباورات حقيقه
لكن سوف تشتري كارت في مقابل حوالي 900 جنيه
فلابد ان تحافظ عليه وتحصل علي اقصي اداء ممكن بتوفير مزود طاقه مناسب .. اظن ان دا يستاهل انك تزود 50 جنيه علي الميزانيه الي كنت هاتجيب بيها الكولر ماستر الي ب 320

وفي نظري باور كافي افضل من كيس ليست احترافيه بمعني الكلمه

---

والله يا غالي كلامك منطقي جدا :) وشكلي كده هاغير رأي
وفي إنتظار ردود باقي الخبراء

أيوه هو زي ما حضرتك قلت النسخة ال ELiTE from cooler master مواصفات الجهاز موجودة في البروفايل بس ما فيش مانع أعيدها
cpu :e5400 2.7 overclocked up to 3.4
MB :GB G41 MT ST
Rams : 2*2 dr3 axtom
DVD : HP RW
HD :1 Tera WD Green
وبس:D
يعني كفاية عليا كده النهاردة :D
آه أنا إن شاء الله ناوي أجيب كام مروحة 2-3 12سم للجهاز يعني لو ما فيش مشاكل في الباور
ومشكور علي التفاعل

نعم أخي إن شاء الله لا مشاكل، الباور سيكفي، لكنّنا نفضّل دائماً كما ذكر الأخ فينوم قبلي الاحتفاظ هامش إضافي لا بأس به من الطاقة ولو لم تكن لازمة، لذا فالأفضل شراء الـAntec 450W ومفيش داعي للكولر ماستر أبو 320 جنيه أو الـHEC 500W ومبروك عليك البطاقة :).

على فكرة أنت لو عينك على الكيس ممكن تتنازل عن مزوّد الـElite للبائع اللي هو بدوره خيخصملك من تمن الكيس خصوصاً أن هذا المزوّد وإن كان من الفئة الدنيا إلا أنّه أفضل مزوّد في مصر ضمن فئته حيث أنّه أثبت جدارة وموثوقيّة تامة، لذا أعتقد أنّ البائع لن يقول لك لأ نهائياً بل وربّما هو من سيعرض عليك الفكرة :D.

مشكور يا عمنا علي ردودك بس أنا فعلا كانت عيني علي الكيس ال elite زي كده :ah26:
بس دلوقتي أنا حاسس إنو ما في أمل والواحد راح يئس من الكيسة فالبتالي الرد المناسب هو لعنيا إنها هتبقي كده :eek:
أمري لله راح نجيب إن شاء الله الباور العالي أنا إقتنعت بوجهة نظركم تماما وأتفق معكم في الرأي
بس علي جنب كده ومن غير ما حد يشوفنا -طبعا ما فيش أمل دي معروفة:D- بس ما فيش حتي سعاد أو صفاء أو حتي فتحية :p إنوا أجيب الكيسة دي وتشتغل كويس