بعد ماجبت الشاشة الجديدة كل الألعاب مابقتش تشتغل
السلام عليكم
مش عارف الموضوع المفروض يتعمل هنا ولا فى قسم الالعاب لو مكانة غلط فانا بعتذر مقدماً
إنهاردة لسة جايب الشاشة السامسونج ال b2330
وبعد ماظبت كل حاجة فيها جاى بشغل لعبة البيس 2011 بتفتح شاشة سودة وتتشال فى التاسك بار ومش عاوزة تشتغل كذلك لعبة بيس 2010 واللعبتين كانو شغالين زيى الفل على شاشتى القديمة ال crt ولعبة تانية امكانيتها ضعيفة جدا بتتلعب على باتنتيوم 3 وبرضو بتعمل نفس النظام انا مش عارف العيب من اية ؟
كمان البرامج اللى جاية مع الشاشة مش بتشتغل بدوس عليها دبل كليك مش بتفتح
مافيش غير لعبة بيس 6 هى اللى بتشتغل
أرجو حد يفيدنى إخوانى ويقولى أعمل إية دانا مش بلعب غير اللعبتين دول على جهازى ومواصفاتة زيى ماهى مكتوبة فوق
وياريت حد يفهمنى حوار الماجيك دة بيعمل اية
انا جربت الالعاب على الكابلين ال dvi و وال vga برضو نفس النظام
رد: بعد ماجبت الشاشة الجديدة بيس 2011 مابقتش تشتغل ومعظم الألعاب
دانا كل شوية اكتشف حاجة اى فيديو بصيغة MPEG مش بيشتغل
رد: بعد ماجبت الشاشة الجديدة كل الألعاب مابقتش تشتغل
السلام عليكم
انا جهازى تقربيا زى جهازك بخلاف الشاشة عندى samsung والالعاب شغالة تمام حضرتك بس تاكد من انك منزل اخر تعاريف
كارت الشاشة من هناااااااااااااا
وديركت اكس من هناااااااااااااا
والفيزيكس من هنااااااااااااااااا
ولازم تاكد من انك شعال على low or med فى اعدادات اللعبة
جرب واحنا متابعين معاك
بالتوفيق
رد: بعد ماجبت الشاشة الجديدة كل الألعاب مابقتش تشتغل
بس طبعاااااااااا يفضل من انك توصل كابل DVI
وجرب الكوديك ده علشان تشغيل الفلام من هنااااااااااااا
رد: بعد ماجبت الشاشة الجديدة كل الألعاب مابقتش تشتغل
اقتباس:
المشاركة الأصلية كتبت بواسطة hamedstar
السلام عليكم
انا جهازى تقربيا زى جهازك بخلاف الشاشة عندى samsung والالعاب شغالة تمام حضرتك بس تاكد من انك منزل اخر تعاريف
كارت الشاشة من هناااااااااااااا
وديركت اكس من هناااااااااااااا
والفيزيكس من هنااااااااااااااااا
ولازم تاكد من انك شعال على low or med فى اعدادات اللعبة
جرب واحنا متابعين معاك
بالتوفيق
اللينك بتاع كارت الشاشة مش عارف احملة
عموماً أنا بحمل الفيزيكس والديركت اكس وبرضو هاشيل البرامج الى صطبتها من اسطوانة الشاشة واصطبها تانى لانها مش شغالة
وفية حاجة لما لما غيرت بين الكابلين الشاشة جت شكلها وحش جدا وجربت وهى شكلها وحش اللعبة اشتغلت بس طبعا كانت صورة رديئة جدا
معنى كدة انى لما بظبط الريزلوشن والوضوع بتاع الشاشة اللعبة مش بتشتغل فمش عارف بصراحة اية المشكلة حتى الالعاب التعبانة خالص ابسط مثال زوما مش بتشتغل
شكرا لتعبك اخى انا هاعمل زيى ماقولت لحضرتك وهارد عليك بعد ما اصطب البرامج
رد: بعد ماجبت الشاشة الجديدة كل الألعاب مابقتش تشتغل
اقتباس:
المشاركة الأصلية كتبت بواسطة hamedstar
بس طبعاااااااااا يفضل من انك توصل كابل DVI
وجرب الكوديك ده علشان تشغيل الفلام من هنااااااااااااا
أكيد طبعا انا مشغلها الان بكابل الدى فى اى وشكرا على البرنامج
رد: بعد ماجبت الشاشة الجديدة كل الألعاب مابقتش تشتغل
اخى حامد
بعد ماشلت البرامج الى جاية مع الشاشة قولت أجرب الالعاب لقيت كلها إشتغلت بس الصورة وحشة جدا وبهتانة واللاعب وهو بيجرى بيبقى فية زغللة فى العين
تنصحنى بإية ؟
رد: بعد ماجبت الشاشة الجديدة كل الألعاب مابقتش تشتغل
حضرتك حملت تعريف كارت الشاشة ولا ليسا
خد التعريف ده سطبه وجرب ومتابع معاك
https://sites.amd.com/us/game/downlo...d_win7-32.aspx
رد: بعد ماجبت الشاشة الجديدة كل الألعاب مابقتش تشتغل
حضرتك مظبت الشاشة على الى ريزلوشن 1920x1080
رد: بعد ماجبت الشاشة الجديدة كل الألعاب مابقتش تشتغل
ايوة عاملها على الريزلوشن دة وبنزل البرنامج وهاصطبة واخبر حضرتك بالنتيجة
رد: بعد ماجبت الشاشة الجديدة كل الألعاب مابقتش تشتغل
صطبت البرنامج وبرضو صورة الالعاب بهتانة وفى بيس 2011 و 2010 اللاعب لما بيجرى سريع بيكون لية خيال كدة
مش عارف دة عيب كارت الشاشة ولا الريسبوند تايم بتاع الشاشة
رد: بعد ماجبت الشاشة الجديدة كل الألعاب مابقتش تشتغل
السلام عليكم
طيب جرب تضيط الـColors لـTrue color 32 bit
و جرب كمان الـScreen Refresh Rate
رد: بعد ماجبت الشاشة الجديدة كل الألعاب مابقتش تشتغل
غير دقه الشاشه من 1920X1080 الى 1600X1200
وخش على ملف الاعدادات للعبه PES2010 او 2011 واختار الدقه دى وشوف
رد: بعد ماجبت الشاشة الجديدة كل الألعاب مابقتش تشتغل
و اللهى كل اللى اعرفه فى الموضوع ده ان الشاشات ال crt بتجيب روزلوشن اعلى من ال lcd طبعا و بكتير
ثانيا لو انتا غيرت شاشة crt ب lcd لازم الجهاز يتعرف عليها و الاحسن انك تشيل تعريف كارت الشاشة و تسطبه او تعرفه من جديد
و احسن شئ تعرف بيه جرب الشاشة عند زميل ليك على الكمبيوتر بتاعه او فى اى سيبر كمبيوتر او حتى هات اى كيسه من صاحبك يكون جدع و يخدمك و شوف ايه العبارة
و انشاء الله المشكلة تكون بسيطة
ربنا يوفقك
رد: بعد ماجبت الشاشة الجديدة كل الألعاب مابقتش تشتغل
عرف الشاشه من السي دي بتاعها
اختار رزيلوشن سطح المكتب .. على حسب الرزيلوشن اللي يديك نفس حجم الايكونات لما كنت بتشوفها على الشاشة العادية
يعني انا عندي الشاشة 23 فعامل الرزيلوشن 1440*900 .. على وصله ال dvi ..وبأستخدمه للتصفح والاستخدام العادي
وبنفس الوقت موصل كابل الفيجا ومخلي الرزيلوشن الخاص به 1280*720 .. وابحول عليه من اعدادات كارت الشاشه .. من اجل الالعاب ومشاهدة الفيديو وتشغيل المالتي ميدا بشكل عام
وممكن 1920*1080 .. لكن مش بحس بفرق .. لان مفيش لعبة او فيديو عندي محتاج الرزيلوشن دة .. وبالتالي هحمل كارت الشاشة فوق طاقته بدون داعي
وطبعا لما بغير بين الكبلين من اعدادات كارت الشاشة اللي بتجبها من سطح المكتب .. بغير بردو من الشاشة نفسها .. وبختار المدخل سواء فيجا او dvi .. لو مغيرتش من الشاشة نفسها هلاقي حجات مش بتشتغل وتديني صوت فقط بدون صورة
انت لو خليت الرزيلوشن للشاشة بالكامل 1920*1080 .. هتلاقي الايكونات صغيره اوي وكل حاجة صغيره .. ودة مش طبيعي ومش مناسب لحجم الشاشة
الغرض من دعم الشاشة لل 1920*1080 .. هو انك تقدر تشغل فيديو او لعبة مع الرزيلوشن دة .. وانت تقدر تختار الرزيلوشن من داخل اللعبة نفسها
ياريت تكون فهمت قصدي