ارجو الافادة اريد ان احصل علي شهادة ceh
السلام عليكم انا اخوكم محمد من السودان ارجو من يعرف معلومة تفيدني ان لا يبخل علي
في البداية انا مبرمج لكن اريد دارسة certified ethical hacker و قد ذهبت الى احدي المهاهد في السودان و اخبرتهم عن رقبتي في دارسة هذه الشهادة مع العلم انى لا اعرف اي شى عن الشبكات و طلبو منى في البداية دراسة mcitp حتى اتمكن من فهم ceh و الحمد لله هنالك من نصحني بي الدخول علي موقعكم الغني عن التعريف و الحمد لله وجت ان الاخ المهندس محمد امين قام بوضع فيديوهات لشرح mcitp و له كل الشكر و التقدير وادعو الله ان تكون في ميزان حسانته و الحمد لله ما زلت اقوم بتحميل تلك الشروحات
و لكن اريد ان اعرف هل mcitp مهم لي ام لا و هل هنالك كورسات اخري علي دراستها و شكرا لكم
رد: ارجو الافادة اريد ان احصل علي شهادة ceh
انا نفسى بردو ادرس الشهاده دى ودورت كتير على ماتريالز على النت بس حاليا مش لاقى المهم اللى فهمتوا انك لازم تكون فاهم نتورك كويس وفاهم ليونكس وا ى لغة برمجه وبكدا تقدر تدخل على الكورس مرتاح ونصيحه خد comptia network+ وبعد كده comptia linux+ و الكورسين موجودين هنا على المنتدى واعتقد انك هتمشى فيه حلو باذن الله . اتمنى اكون فيدت حضرتك
رد: ارجو الافادة اريد ان احصل علي شهادة ceh
السلام عليكم ،
دراسة آمن الشبكات من أصعب التخصصات في تكنولوجيا المعلومات ، فعلي الدارس ان يكون ملم غالبا بكل ما يتعلق بتكنولوجيا المعلومات لينجح في هذا المجال. عليكم أن تبدأ بدراسة مباديء الشبكات ، Windows Server and Active Directory ، و أيضا Linux
لا اعتقد انك تحتاج MCITP علي الاطلاق كشهادة ، المهم ان تفهم ال Active Directory و كيف يعمل الويندوز.
الان عليك ب Security Plus
بعد ذلك عليك بدراسة CCNA و CCNA Security ، فلابد من فهم تكنولوجيا شركة سيسكو جيدا
الان يمكنك أن تبدأ رحلتك إلي عالم ال CEH و آمن الشبكات ، يجب أن احذرك الطريق طويل و ليس سهل بالمرة و لكن اذا كنت تحب ما تفعل سوف تنجح بلا شك.
تحذير: دورة ال CEH هي للمحترفين فقط و أعني محترفين آمن الشبكات و ليس فقط محترفين الشبكات. بمعني آخر: هذه الدورة ليست للمبتدئين ابدأ
رد: ارجو الافادة اريد ان احصل علي شهادة ceh
شكرا اخي محمد علي المعلومة الطيبة
رد: ارجو الافادة اريد ان احصل علي شهادة ceh
شكرا اخي مايكل علي تلك المعلومات القيمة :ah7::ah4:
رد: ارجو الافادة اريد ان احصل علي شهادة ceh
عفوا أخي الكريم :) و بالتوفيق ان شاء الله
رد: ارجو الافادة اريد ان احصل علي شهادة ceh
تعقيب بسيط جدا على كلام الاخ مايكل
يفضل ان تدرس شهادة CEH بين CCNA و CCNA Security _ ليه؟
جميع وسائل الحمايه مهما كانت لا تستطيع ان تحميك الا اذا كنت انت ملما بألاعيب ال Hackers
يبقى اولا لازم تكون حضرتك عارف كل تصرفات الهاكرز عشان تقدر تحمى نفسك فى حالات كتير مفيش اى وسائل حمايه ممكن توفرهالك انما انت بس اللى عارفها وعارف ازاى تتصدى لها
هقولك مثال بسيط _ فيها نوع من انواع ال DoS Attack اسمه ال smurf attck
فى الهجوم ده ايه اللى بيحصل_ الهاكر عاوز يوقع جهاز الايبى بتاعه وليكن 192.168.1.3 موجود فى شبكه الbroadcast address بتاعها 192.168.1.255
الهاكر هيفضل يبعت Ping packets من جهازه _ والpackets دى معدله عن طريق اى برنامج زى ال packet generator مثلا وهيعمل ال source address بتاعها 192.168.1.3 اللى هو ايبى الضحيه وال destination address بتاعها هو ال broadcast address بتاع الشبكه بتاعته 192.168.1.255
ال packets دى هتطلع من جهازه لحد ما توصل للروتر الواصل بالشبكه دى وبالتالى هيقوم الروتر بارسالها لكل الاجهزه فى الشبكه دى وفجأه كل الاجهزه اللى فى الشبكه هتعمل ping reply على الجهاز الضحيه اللى لا حول له ولا قوه ولا بعت لهم اى حاجه لكن الهاكر كان باعت بأسمه وتستمر العمليه دى حتى يسقط جهاز الضحيه
لو انت فاهم الكلام ده كويس فى شهادة CEH هتعرف توقفه بنفسك لما تدرس شهادة CCNA Security بأنى مثلا هقولك عشان نوقف ال smurf attack هنعمل access list على الروتر نمنع فيها دخول بيانات للشبكه ال source address بتاعها هو ايبى داخلى وساعتها انت هتبقى فاهم ليه ؟
يبقى عشان تقدر تحمى نفسك فعليا لازم قبل ما تستخدم برامج الحمايه اللى انا شايف ان قدراتها فى صد الهجوم ضعيفه لازم تكون انت عارف ازاى الهجوم بيحصل وبالتالى هتعرف تحمى نفسك منه بجانب مساعدة الاجهزه دى ليك زى Firewalls, IPS, Anti-viruses وغيرها
يبقى الاصح فى الترتيب يا اخ مايكل من واقع خبرتى هو CCNA ثم CEH ثم CCNA Security ثم CCNP SEcurity ان اردت استكمال المشوار
رد: ارجو الافادة اريد ان احصل علي شهادة ceh
انتي ادري يا باشمهندس ده مجالك و شكرا علي المشاركة الجميلة التفصيلية دي :D
رد: ارجو الافادة اريد ان احصل علي شهادة ceh
اضيف على كلام البشمهندس عادل تعليق على كلام الاستاذ مايكل ان شهادة ceh متصلحش الا للمحترفين دا كلام مش صحيح!!
كورس ceh انا بعتبره مجرد بداية طريق علشان تكون هكر ولو كنت محترف انت في غنى عنه اساسا, والكورس بيبدا معاك من التعريفات للتطبيقات البسيطه, ودا عمره ما كان احتراف
يعني حاجه زي buffer overflow تعتقد ان الي مشروح في الكتاب دا هو الاحتراف؟ دي مجرد مباديء ولو مكنتش تعرف برمجه عمرك ما هتبقى محترف فيه(ودا ردا على كلام الاستاذ عادل في موضوع سابق بانه مش لازم الهكر يعرف برمجه,)لا لازم الهكر يعرف برمجه! وعلى الاقل يعرف لغتين مهمين في نظري لغة php علشان هتنفعه في فهم ثغرات الويب, ولغه زي C ودي مبني عليها تطبيقات كتير وحاجه زي البفر اوفرفلو مش هيفهمها كويس الا لو كان عارف برمجه
وهكذا مع كل ميدول في الكورس هتلاقي انه مجال دراسة لوحده وممكن تحتاج انك تقرا في حاجه زي sql injection كتب كامله وهي مجرد نوع من انواع ثغرات الويب
بس مش معنى كده نعقد الناس ونقولهم كورس ceh مينفعش الا للمحترفين امال ايه الي هينفع للمبتدأين ؟:)
رد: ارجو الافادة اريد ان احصل علي شهادة ceh
أخي الكريم ، انت فهمتني غلط خالص. انا اقصد انه مش ينفع واحد مبتدأ لسا مش عارف اي حاجة ياخد الدورة دي او يفكر في الشهادة اصلا.
الشهادة للمحترفين في مجال الشبكات ، الشهادة بداية طريق امن الشبكات و لكنها ليست للمبتدئين
فهمت قصدي؟
رد: ارجو الافادة اريد ان احصل علي شهادة ceh
اقتباس:
المشاركة الأصلية كتبت بواسطة Michael Youssef
أخي الكريم ، انت فهمتني غلط خالص. انا اقصد انه مش ينفع واحد مبتدأ لسا مش عارف اي حاجة ياخد الدورة دي او يفكر في الشهادة اصلا.
الشهادة للمحترفين في مجال الشبكات ، الشهادة بداية طريق امن الشبكات و لكنها ليست للمبتدئين
فهمت قصدي؟
استاذ مايكل حضرتك ليه حصرت الشهاده في الشبكات بس؟
الشهاده بتتكلم عن حجات كتير وفي حجات منها ملهاش علاقه بالشبكات, ومن وجهة نظري الي محترف شبكات يتخصص في مجاله افضل من انه يدرس مجال متشعب زي الEthical Hacker
وانا معاك ان الceh بتحتاج يكون عندك خلفيه بسيطه عن المنهج الي هتدرسه في الشهاده, لكن كلمة احتراف كبيره على شهادة زي ceh
رد: ارجو الافادة اريد ان احصل علي شهادة ceh
الشبكات و ادراة الشبكات و انظمة الويندوز و اللينكس اساس احتراف امن الشبكات ، مرة أخري انا مش بتكلم عن الشهادة كمنهج. مش كتاب و كورس 40 ساعة هم الاحتراف البتكلم عليه اخي العزيز.
كل موديول من الشهادة عايز دورة كاملة ، انا بتكلم عن العلم نفسه مش عن الشهادة كورقة.
رد: ارجو الافادة اريد ان احصل علي شهادة ceh
اقتباس:
المشاركة الأصلية كتبت بواسطة phplockit
(ودا ردا على كلام الاستاذ عادل في موضوع سابق بانه مش لازم الهكر يعرف برمجه,)لا لازم الهكر يعرف برمجه! وعلى الاقل يعرف لغتين مهمين في نظري لغة php علشان هتنفعه في فهم ثغرات الويب, ولغه زي C ودي مبني عليها تطبيقات كتير وحاجه زي البفر اوفرفلو مش هيفهمها كويس الا لو كان عارف برمجه
الاخ العزيز phplockit
أحب أوضح لحضرتك وجهة نظرى بخصوص الهاكنج مع البرمجه _ أنا رأيى واضح وصريح فى الموضوع ده والكلام ده من خبرتى فى المجال ده
" يفضل ان يكون الدارس للهاكنج معاه لغة برمجه أى لغة برمجه مش شرط ال C انما يفضل ال C_لكن لو مش معاه لغة برمجه مش مهم_ ليه؟"
لانه معاك ال Tools اللى هتجيبلك الثغره وال Tools اللى هتعمل exploit أو هتستغل الثغره دى يبقى مش عشان شرح مودويل ال web hacking او ال Tojans هخلى الطالب يقعد يدرس برمجه سنتين وعشان يدرس موديول ال Hacking wireeless يقعد 6 شهور يدرس CWNA وعشان يدرس موديول ال Hacking Linux يقعد سنه ونص يدرس RHCE _ يبقى كده هيقضى عمره بيحضر للدراسه وفى الاخر هييأس ومش هيلحق يدرس
أنا معاك انه فيه حاجات لازم يكون الطالب عارفها لكن مش كل حاجه _ اما اللى المفروض يكون عارف كل حاجه هو المدرس لانى انا اللى هوصل معلومه محدده فى المنهج وبالتالى لازم اكون دارس ومتعمق فى كل حاجه _ يبقى لما الطالب يسألنى عن مثلا ال Omni-directional antenna ككلمه قابلته فى المنهج او معنى ال buffer لازم اوضح له معناها وده يتطلب انى اكون انا اللى دارس كل حاجه كويس واوضح له الاساسيات اللى هو محتاجها وده اللى خلانى قصدت ارد على الاخ مايكل فى الموضوع ده
https://arabhardware.net/forum/showthread.php?t=283729
على شرح الكورس فى 5 أيام وانا بشرحه فى شهرين ونص عشان اعرف اخد وقتى مع الطالب ونتناقش فى كل حاجه ونجهز كل موضوع قبل ما نتكلم عن اختراقه_ لان الموضوع مش "افتح كذا ثم اكتب كذا وبعدين دوس enter هيعملك كذا" ده مش هاكنج _ دى مجرد لابات انما الاصعب من عمل الابات هو فهم الموضوع أصلا وتبقى عارف انت بتعمل ايه بالضبط _ وأسف جدا على الاطاله
رد: ارجو الافادة اريد ان احصل علي شهادة ceh
اقتباس:
المشاركة الأصلية كتبت بواسطة عادل شبل
على شرح الكورس فى 5 أيام وانا بشرحه فى شهرين ونص عشان اعرف اخد وقتى مع الطالب ونتناقش فى كل حاجه ونجهز كل موضوع قبل ما نتكلم عن اختراقه_ لان الموضوع مش "افتح كذا ثم اكتب كذا وبعدين دوس enter هيعملك كذا" ده مش هاكنج _ دى مجرد لابات انما الاصعب من عمل الابات هو فهم الموضوع أصلا وتبقى عارف انت بتعمل ايه بالضبط _ وأسف جدا على الاطاله
بالظبط يا باشمهندس ، مدام بتاخد وقتك مع الطالب هيبقي دورتك رائعة. بس حرام 2500 جنيه :)
المفروض كل واحد ياخد حقه. لو بتديها في مجموعة من 10 اشخاص تبقي معقولة لانك بتدي 160 ساعة بالشكل دا.
رد: ارجو الافادة اريد ان احصل علي شهادة ceh
اقتباس:
المشاركة الأصلية كتبت بواسطة عادل شبل
الاخ العزيز phplockit
أحب أوضح لحضرتك وجهة نظرى بخصوص الهاكنج مع البرمجه _ أنا رأيى واضح وصريح فى الموضوع ده والكلام ده من خبرتى فى المجال ده
" يفضل ان يكون الدارس للهاكنج معاه لغة برمجه أى لغة برمجه مش شرط ال C انما يفضل ال C_لكن لو مش معاه لغة برمجه مش مهم_ ليه؟"
لانه معاك ال Tools اللى هتجيبلك الثغره وال Tools اللى هتعمل exploit أو هتستغل الثغره دى يبقى مش عشان شرح مودويل ال web hacking او ال Tojans هخلى الطالب يقعد يدرس برمجه سنتين وعشان يدرس موديول ال Hacking wireeless يقعد 6 شهور يدرس CWNA وعشان يدرس موديول ال Hacking Linux يقعد سنه ونص يدرس RHCE _ يبقى كده هيقضى عمره بيحضر للدراسه وفى الاخر هييأس ومش هيلحق يدرس
أنا معاك انه فيه حاجات لازم يكون الطالب عارفها لكن مش كل حاجه _ اما اللى المفروض يكون عارف كل حاجه هو المدرس لانى انا اللى هوصل معلومه محدده فى المنهج وبالتالى لازم اكون دارس ومتعمق فى كل حاجه _ يبقى لما الطالب يسألنى عن مثلا ال Omni-directional antenna ككلمه قابلته فى المنهج او معنى ال buffer لازم اوضح له معناها وده يتطلب انى اكون انا اللى دارس كل حاجه كويس واوضح له الاساسيات اللى هو محتاجها وده اللى خلانى قصدت ارد على الاخ مايكل فى الموضوع ده
https://arabhardware.net/forum/showthread.php?t=283729
على شرح الكورس فى 5 أيام وانا بشرحه فى شهرين ونص عشان اعرف اخد وقتى مع الطالب ونتناقش فى كل حاجه ونجهز كل موضوع قبل ما نتكلم عن اختراقه_ لان الموضوع مش "افتح كذا ثم اكتب كذا وبعدين دوس enter هيعملك كذا" ده مش هاكنج _ دى مجرد لابات انما الاصعب من عمل الابات هو فهم الموضوع أصلا وتبقى عارف انت بتعمل ايه بالضبط _ وأسف جدا على الاطاله
وجهة نظر حضرتك تحترم
شكرا على الرد