-
لقطات لجودة ال HD-DVD
السلام عليكم
https://www.microsoft.com/windows/wi...se.aspx#sysreq
في هذه الصفحه تجدون لقطات الجيل الجديد من الافلام وهو HD-DVD
الي اعتقد راح يحل بدل الديفيدي لكن يبيله وقت لأنه معداته غاليه
واللقطات بنوعين هما
(720p 1280 x 720
و
(1080p) 1920 x 1080 ).
طبعا
اللقطات ولا اروع الصراحه جوده رهيبه
بس متطلبات الكمبيوتر الي تبيها هذه التكنلوجيا تصدم الواحد لأنه ببساطه
Minimum Configuration
(to play 720p video)
Windows XP
Windows Media Player 9 Series
2.4 GHz processor or equivalent
384 MB of RAM
64 MB video card
1024 x 768 screen resolution
16-bit sound card
Speakers
لاحظو المعالج 2.4
و الثاني
Optimum Configuration
(to play 1080p video with 5.1 surround sound)
Windows XP
Windows Media Player 10
DirectX 9.0
3.0 GHz processor or equivalent
512 MB of RAM
128 MB video card
1920 x 1440 screen resolution
24-bit 96 kHz multichannel sound card
5.1 surround sound speaker system
وهذه اداة صغيره من مايكروسوفت لتشوف قدرات جهازك على تشغيل اللقطه
WMV HD Playback Tool
https://www.microsoft.com/windows/wi...ool_intro.aspx
طبعا بعض الافلام بدت تنباع بهذه الصيغه منها ترمنيتر 2
EDIT: بصراحه الي يعتمدون على الكمببيوتر في تشغيل الافلام راح يلقون مشكله في تشغيل الرسلوشن الثاني
وهو 1920 x 1080
بصراحه عمري ماشفت شاشه تدعم هذا الرسلوشن
طبعا هذا مويعني انك ماتقدر تشوفه
اكيد تقدر تشوفه بس مو بجوده الرزلوشن المصمم عليه
لا ادري هل وصله ال S-vido تنفع او لا لتحويل الصوره على تلفزيون البيت
-
السلام عليكم ورحمة الله وبركاته...أما بعد
حياك الله أخوي blackfox.. ايش الأخبار؟
ومشكور يالغالي على الموضوع الرائع!
وأنا ودي أشاهد ملفات الفيديو.. إلا أن الحجم ما يساعد ;)
أما عن مواصفات الجهاز المطلوبة.. ما تتوقع أنه مبالغ فيها شوي بالنسبة للمعالج :S
وعلى فكرة.. ما الفائدة من التوصيل أو التشغيل على تلفزيون المنزل؟
حيث أنه للعلم فقط أن دقة شاشات التلفزيون "المعروفة أو ذات السعر المتوسط والغالب شراؤها" جودتها أقل من جودة الكمبيوتر بكثير!!
وهذا يلاحظ عند عرض شاشة الكمبيوتر على التلفزيون.. تلاحظ أن الكلام أو النصوص يصعب قراءتها!!
هذا حسب علمي!
وننتظر ردك
أخوك طالب الخبرة
-
السلام عليكم
والله مشكله للحين ما وصلت التقنيه عندنا لانها منتشره من زمــــــــــــــــــــــــــــــــــــــــــــــــ ــــــــان بس ما وصلت للكمبيوتر ..
يعني موجوده في اليابان . و موجوده في امريكا بس اليل عنده كيبل كواكس كل قنوات التلفزيون مثل HBO وطقته يبثون على جوده HD بس لازم يكون عندك تلفزيون يدعم HD ..
اما بخصوص الرزولوشن فا 1024 ما تعتبر HD فقط 1920 هي اللي تعتبر HD ..
اما بخصوص دعم الشاشه فا مين اللي يقولك اخوي طالب الخبر انا شاشتي مكتوب على الكرتون انها تدعم 1600 في 1200 وانا شغال عليها حاليا يعني الاستخدام العادي ما شاء الله سطح المكتب كبيييييير ..
واقدر ارفعه الى 2048 في 1536 وليس فقط 1920 وبدون اي مشاكل لا من الكرت ولا من الشاشه والرؤيه 100% .
انا سويت الاختبار حق مايكرو سوفت وطلع جهازي يقدر يشغل HD ابو 1920 ولكن اقل شيء عندي يسبب البطيء هو
Front Side Bus + main memory على قولتهم قليل !! مدري ليش مع ان الرام 1 جيجا .
اما وصله S-Video فا ما تقدر تسوي اي شيء حسب علمي يعني بس 460 في 460 يمكن ..
اعتقد يبيلك كمونينت اللي هم 3 RCA اسود واحمر واخضر حق الصوره فقط .
بخصوص المواصفات المتطلبه فا انا اشوف انها واقعيه جدا وليست مبالغه .
والله المفروض عندنا في الامارات يكون فيه HD الخدمه لان الكيبل الكواكسل موجود نفس امريكا ..
اما احنا يا السعوديه ما فيه امل ..
يوم كنت اسولف مع موظف الاتصالات اقوله والله انتوا رايحين للسعوديه خلاص بتريحونا من الحراميه اللي عندنا قال ايه ما يحتاج قلت له بس ليش ما راح تحطون خدمات انترنيت ؟
قال لان البنيه التحتيه عندكم في السعوديه دمار شبه معدومه ما فيه اي تطوير لازم نكسر الشوارع ونبنيها من جديد .
صراحه انصدمت قلت له طيب انتوا ماراح تسون وتكسرون ؟
قال والله هذا شيء راجع لديرتك و حوكمتك حنا هنا الحكومه متعاونين معانا والبلديه اوكيه وقاعدين يدفعون لنا فلوس لان عارفين بالاخير المصلحه راجعه لهم اما الاتصالات حق السعوديه فا ما هامها اي شيء ولا المستقبل .
قلت له طيب انا سمعت في شركه اتصالات جديده راح تجي الامارات صحيح ؟
قال ايه ! قلت له ما يحتاج انتوا زينين ..
قال ولو لازميكون فيه منافسه ..
قال لي ما تشوف الاتصالات مسويه اسعار ممتازه وعروض خصم اكثر من 50% على الانترنيت لانها ناويه تنشر الانترنيت في كل بيت في الامارات علشان لما تجي الشركه الجديده ما تحصل زباين .
شفتوا شلون تفكيره عبقري اه اه اه ما اقول الا الى الامام .
اسف على الاطاله ..
انا قاعد انزل الفيديوات وبقولكم النتائج ...
تحياتي ......
-
السلام عليكم ورحمة الله وبركاته..أما بعد
حياك الله أخوي DDesigns..
يالغالي ممكن التلفزيون عندك جديد :)
وسؤالي يالغالي : هل سبق وعرضت شاشة الكمبيوتر على التلفزيون؟
هل تستطيع قراءة النصوص بشكل ممتاز؟
أما عن تقنية HD-TV فعلى حد علمي وصلت للكمبيوتر وبكروت خاصة للتجسيل أيضا.. أذكر شفتها من شركة ATI
أما عن خدمات الاتصالات.. ما نقول إلا الله يعين
أخوك طالب الخبرة
-
نعم اخوي طالب الخبرة وصلت وتحصلها في احد كروت شركة ASUS
https://www.asus.com/products/vga/ax800xt/overview.htm
-
مرحبا اخوي طالب الخبره ...
تلفزيون !! ههههه
لا لا ما عندي تلفزيون عندي شاشه سامسونج 21 انش عمرها اكثر من 3 سنوات ..
شوف اي شاشه مكتوب عليها 1600 في 1200 ثق تماما انها راح تقدر تشغل 1920 بدون مشاكل لو كانت من سامسونج اما البقيه فا ما عندي علم ..
اما بخصوص HD-TV فا عندنا واحد في البيت في السعوديه بس مو هني من نوع Toshiba بس ما جربت عليه اللي تقول لان ما كان عندي اي شيء .
انا شاهده اللقطات وهي جميله جدا جدا ورائعه واللي ادهشني انهم قالوا جهازي راح يكون فيه بطيء بسب مشكله الرام والبس ولكن لم اشاهد اي تقطيع غريبه !!
ولكن تصدقون استهلاك المعالجه من الويندوز ميديا بلاير كانت 88 الى 94 % !!!!!!!!!!
نظام 1080 في 720 احس ما فيه فائده كبيره على الدي في دي يعني اقصد ما يستاهل لان الدي في دي 720 في 600 وشوي .. ولكن الفرق هو 1920 لانه مع الزوووووم ما راح يكون فيه اي مربعات .
بشكل عام HD تقنيه غاليه الان في بدايتها للدخول للكمبيوتر ..
ولكن نعم يوجد كروت HD للكمبيوتر بسعر رخيص جدا جدا يصل الى 100 دولار ولكن هل تعتقد انك سوف تمتلك كمبيوتر او رام او هادرديسك يستحمل التسجيل بتدفق بيانات كبير اكثر من الدي في دي الذي هو 9 ميجا بت في الثانيه ولا ادري عن 1920 اكيد الضعف .
-
والله استهلاك 94 من المعالج شوي صعبه :)
بس الصراحه اشوف ماله داعي صيغتين للفلام 720 و 1080
يعني الحين ماعرفنه شنو راح ينزلون الافلام ؟
انا اتوقع يكون طبقتين للسيدي الواحد من فوق وتحت
عالعموم التقنيه بامريكا هم بعدها مانتشرت لانه حسب مايقولون معداتها غاليه وناطرين تخف الاسعار
بس اعتقد اليابان كلام ثاني سابقين الكل حتى البث التلفزيوني عندهم حولو الى HD
-
السلام عليكم ورحمة الله وبركاته...أما بعد
حياكم الله أخواني الكرام.. ومشكورين على الردود
ولكن لي رد بسيط أو تعديل بسيط على ردك يالغالي DDesigns
وهو قولك أن حجم تخزين الدقيقة بجودة الدي في دي = 9 ميجا!
وأعتقد العبارة خاطئة 100%
لأن حجم تخزين الدقيقة بجودة VCD هو = 10 ميجا.. فما بالك بالدي في دي !!
ممكن تقول 60-70 ميجا مقبولة!!
أخوك طالب الخبرة
-
أخي طالب الخبرة وبعد إذنك DDesigns
أستاذنا DDesigns ذكر 9 ميجا بت (( ميجا بت )) وليس ميقا بايت !!
1 ميقابت = 125 كيلوبايت
1 ميقا بايت = 8 ميقابت
الميقابت = الميقابايت x ثمانية 8
أرجو أن الصورة أتضحت الآن ..
يعني كلام DDesigns هو عين الصواب :
الثانية 9 ميقابت / ثانية = 1.12 ميقابايت / ثانية
يعني الدقيقة تقريبا : 67.5 ميقابايت / دقيقة (( طبعا على حسب إختيار معدل التحويل للـ DVD ))
وعلى فكرة : الكيلو بت أو الميقابت هو المستخدم بكثرة في مجال تدفق البيانات الصوتية أو الفيديو عبر الإنترنت أو الأقراص ، وخلافها ... ( هو الأكثر إستخداما )
وتحياتي للجميع
-
أشكرك اخي بلاتينيوم على التوضيح ..
اخوي بلاك فوكس ..
التقنيه منتشره بشكل كبيـــــــــــــــــــــر في امريكا وليست لتوها تبداء ..
عندما يكون عندك كيبل كواكسل في البيت وعندك قنوات افلام مثل سلسله قنوات HBO يعني نفس الشو تايم او الكثير الكثير من القنوات تكون بثها عادي اذا اردت ان تحصل على جوده اكبر كل ما عليك هو دفع مبلغ زياده واتصل عليهم ويبثون لك HD بنفس القناه ..
( الا اذا انت راعيها وتقدر تسوي هاكينج للكيبل وتحصل علي كل الميزات و HD وغيرها مجانا ههههه وغلب اللي اعرفهم في امريكا مسوين الهاكينج وما يحتاج ما شيء الشغل اوكيه .
-
السلام عليكم ورحمة الله وبركاته الله وبركاته..أما بعد
حياك الله أخوي بلاتنيوم 1.. ومشكووور يالغالي على التوضيح!
واعذرنا يالغالي DDesigns على الخطأ الغير مقصود.. أنا ماذا قرأت؟
قرأت : 9 ميجا بايت لكل دقيقة.. وأنت كتبت 9 ميجابت في الثانية!! (( فرق كبيييييير )) :P
يبغى لي أعدل النظارة :)
أخوكم طالب الخبرة
-
ههههههههه عادي تصير في احسن العوائل ..
-
السلام عليكم
دعوني ادخل ببعض الملاحظات:
اعلى resolution لشاشة التلفزيون 800x600 يعني بتشوفوا فرق مع افلام الHD-TV (انا مجرب ;) )
المواصفات معقولة للPentium لكن الAMD ممكن يبدا من 1.8GHz واذا عندك كرت شاشة قوي ب128 او 256 mb ram تكدر تشغل افلام الhd-tv على اعلى جودة حتى لو عندك Pentium4 2.4GHz
اهم جزء هو كرت الشاشة المسؤول عن الDECODING
-
حياك الله أخوي mashakos..
شباب هذا ما قصدته : أنه لا فائدة من عرض الأفلام إلا على التلفزيونات الجديدة مثل أو البلازما أو ما شابه!!
وهي التي تعرض بجودة أعلى من 800*600
أخوكم طالب الخبرة
-
هههههههههه ..
شباب انتوا مضيعين شوي ..
اذا عندك تلفزيون 800 في 600 ولا 1280 في 1024 .. كل هذولي ما راح يشغلون HD يعني ما تصولون الصوره ما راح تطلع حلوه لا لا اصلا ما راح يشتغل من الاصل بس راح تسمع صوت ...
يمكن تشوف خطوط زرقاء طويله كذا .