مشكلة غريبة مع جهازى الجديد .. شاركونى بارائكم القيمة

افكركم بس بالمكونات

Gigabyte GA-MA780G-UD3H
Athlon II X2 245 2.9GHz, 2MB Total Cache, 4000MT/s Bus
OCZ GOLD Series 2 GB
PowerColor ATI HD 4670 1GB GDDR3
GAMMA small 350W
Western Digital Black 500GB 32M Cache SATAII

الجهاز ياجماعة شغال ماشاء الله جوه الويندوز سواء فتح كذا تطبيق مع اللعب فى نفس الوقت او السرعة الرائعة فى عملية نقل البيانات - ربنا يخليلنا الهارد البلاك - ولكن كما قلت لحضراتكم قبل كده فى بطء عجيب عند الدخول ولكن ارائكم السابقة بطبيعة الامر وعدم اهميته ركز اهتمامى على المشكلة الاساسية التى حذرنى منها الناس اللى عندهم البوردة الا وهى مشكلة الفولتات العالية اللى بتدخلها المازر للبروسيسور والرامة .. المهم يارجالة قلت احدث البيوس وان شاء الله المشكلة حتتحل ولكن الطامة الكبرى ان بعد ماحدثت البيوس باستخدام برنامج البيوس اللى مع اسطوانة تعريف الجيجابايت لقيت ان الفولتات بتاعة البروسسور والرامة هية هية .. شكيت ان ممكن مااكونش حدثت البيوس صح ولكن لما دخلت على برنامج ايفرست لقيته كتبلى تحديث f4 بمعنى ان العملية تمت بخطوات سليمة ولكن دون ان يكون ليهااى نتائج ايجابية على الاطلاق بل ان الاسوء من ذلك ان البطء بتاعة دخول الويندوز زاد بشكل ملحوظ .. قلت اعمل مجازفة واضغط على البروسسور ببرنامج البريم95 وكانت حرارة البروسسور باستخدام برنامج الكور تمب فى الخمول 34 وشغلت البرنامج لنص ساعة والعجب العجاب انه على عكس كل الاحداث السلبية اللى فاتت كانت حرارة البروسسور فى اعلى معدلاتها 52 وده رقم المفروض على حسب ماقريت قبل كده يعتبر كويس .. انا حيران جدا ياجماعة ومش عارف اعمل ايه
هل اكبر لعملية تقليل الفولتات الى داخلة للبروسسور ؟ ولا اعملها عشان اطمن لان نص ساعة ممكن ماتكونش كافيةللحكم على استقرار حرارة البروسسور عند الضغط ؟
ولوعملتها .. ايه هى الاعدادات المناسبة للبروسسور بتاعى الاثلون تو اكس 245 ؟
وبما ان الرامة الفولت اللى داخلها مااتغيرش بتحديث البيوس - وده الحاجة الوحيدة اللى ممكن تعدله عشان ماينفعش يدوى - ايه الحل معاها ؟
اخر حاجة بقى عايز اعرف معدلات الحرارة القصوى اللى بعدها يبقى الامر خطر لجميع القطع الاتية .. البروسسور وكارت الشاشة والهارد علماً بأن اقصى رقم وصل ليه الكارت والهارد عندى كان 55 .. وده فى حالة الضغط على الكارت بس الهارد من اول مااشغل الجهاز وهو بيلعب فى رينج مابين 50 و 55

انتوا فين يارجالة ؟!!!!!!!!!!!!!!!!

دلوقتى ما دام مفيش مشكلة فى فولتات البروسيسور و واضح ان اللى قالك كده مش فاهم حاجة فعلا مع اححترامى


لكن حضرتك قلت ان مع الضغط ببرنامج Prime95 الحرارة كانت 52 يعنى تمام جدا يبقى الفولتات مش عالية و لا حاجة عايز تقللها ليه بقى و عامل لنفسك مشكلة ع الفاضى :)

عموما ممكن ترفعها أو تقللها من البيوس من خيارات كسر السرعة ، أنصحك تسأل فى موضوع الأسعار كتير معاهم البوردة دى أحسن ما تسأل واحد مش عارف حاجة يبوظلك الجهاز أو كفاية انه بيشكك فيه و هو لسه جديد .

و ارفع صورة من برنامج COU-Z .

اخي الكريم انا رديت عليك في المشاركة الاخري (موضوعان لنفش المشكلة + المكان غير مخصص للشكاوي = مخالفتان) بالقيمة المفروض يكون البروسيسور عليها وطلبت منك صورة من core temp او اي برنامج وخصوصا ساعة الضغط عشان نعرف مقدار الفولت الواصل للبروسيسور هل هو طبيعي ام لا
انا البروسيسور بتاعي بيوصل في حالة الضغط لمدة ساعة مع الكسر ل 3 جيجا الي 52 سطح البروسيسور و 58 لكل نواه بالمروحة الاصليه عادي جدا جدا
سبب بطء دخول الويندوز هو عددد البرامج التي تحمل مع دخول الويندوز وربما تستخدم نسخة غير اصلية ومحمل عليها برامج كثيرة
استخدم نسخة غير ملعوب بها (نسخة نظيفة) من الويندوز + حمل اخر تحديثات للويندوز + استخدم برنامج للانتي فيرس خفيف مثل nod32 لأن بعض الانتي فيرس تسبب ثقل كبير للجهاز مهما كانت مواصفات الجهاز خارقة
لا تتوقع تحسن في الويندوز عند تحديث البيوس فغالبا النسخة الاحدث من البيوس موجهة اما لدعم بروسيسورات جديدة او معالجة مشاكل موجوده (ولا اعتقد انك تعاني من مشكلة )
وفي النهاية اطلب منك طلي دع القلق واستمتع بالجهاز الجديد :rolleyes: