مشكلة بالجهاز بعد فتح الأنوية ( عنوان معدّل )

السلام عليكم أعضاء المنتدي الكرام
مشكلتي أني جمعت جهاز من يومين ومواصفاته هي
AMD pheno II X2 555
MSI 890GXM-G65
RAM corsair 4GB (2*2) bus 1600 cl9 dual chaneel
H.D.D WD 500GB caviar blue
LCD SAMSUNG "19"
المشكلة أني قرأت عن الأنوية وطريقة فتحها فحبيت أجرب على جهازي عشان أداء أقوى
فقمت بالدخول على البيوس وقمت بتشغيل الأنوية عن طريق الضغط على unlockcore
و قمت رايح على الفيجا وزودت الشير بتاعها ل 512m تقريباً كان مكتوب VIGA SHARE MEMORY أو حاجة زي كده المهم أني خلتها على أعلى حاجة وهي 512, وبعدها عملت save&quite
والجهاز محطش منطق تاني لا بيطلعني على المازر ولا الشاشة بتقرا أي حاجة من الجهاز أنجدوووووني بالله عليكم
انا جربت تغيير مكان الرامات و جبت كارت شاشة خارجي وجربت برده لكن نفس المشكلة غيرت الهارد لكن نفس المشكلة فضلت موجودة جربت الهارد بتاعي ماستر على جهاز تاني ظهرلي قائمة فيها خمس جمل تقريباً وهى الدخول فى وضع ال safe mood أو العادي ألخ ولكن الغريب أنه كان بيتحرك الجمل كأني ضاغط على سهم لتحت.
المهم أني مش بسمع صوت صفارة الأقلاع اللي المفروض أسمعها والجهاز بيفتح مع العلم أن المازر نورها شغال.
يا حماعة ساعدوني بالله عليكم لأني خايف أكون حرقت المازر أو البروسيسور والحقيقة أني مش هاقدر أغيرهم ولا أبعتهم الضمان لأني مقيم بالسعودية ومجمع الجهاز من مصر عشان ملقيتش المواصفات دي هنا إلا بضعف السعر.

اطمئن مفيش حاجه اتحرقت كله تمام
دا فشل فى فتح الانويه الاخرى
رجع الرام ورجع كل حاجه
وشيل البطاريه لمده 10 دقائق
وحطها تانى
وقولنا على النتجيه

جرب نزع البطارية لمدة 5 دقائق وقم براجعها

يا جماعة بجد والله متشكر جداً على الرد السريع وربنا يجعله في ميزان حسناتكم بس عاوز اعرف اشغل الجهاز وانا شايل البطارية ولا المازر هاتحس بعدم وجود البطارية 

مش مشكله شغل الجهاز الاول من غير بطاريه
بس اتاكد من عوده الاعدادت الافتراضيه
وبعد ذلك
ضع البطاريه وبالتاكيد الجهاز سيعمل من دونهنا

شكر خاااص لأستاذ محمد كمال و LOVE FOR LOVE
الجهاز أشتغل الحمد لله وجزاكم الله خير
بس هو مين عدل اسم الموضوع
وكمان عاوز أطلب خدمة أنا الروسيسور عندي وقت الخمول درجة حرارته من 15 ل 18 درجة لأني مشغل التكييف
فهل أقدر اعمل فتح للنواة عشان أقوي الأداء لأني حاسه أبطأ مما توقعت.