تفاوت اسعار اجهزة المحمول فى مصر و باقى الدول العربية

السلام عليكم
طبعا انا فاتح الموضوع ده عشان استفسر منكوا عن السبب الحقيقى وراء التفاوت الرهيب ما بين اسعار الموبايل فى مصر و اسعاره فى دول الخليج
اكيد فيه ناس هنا ليها خبرة فى المواضيع الخاصة بالتجارة و ما شابه ذلك
لان فعلا الموضوع ده محير جدا
انا هديكوا بعض امثلة لموبايلات عشان تتخيلوا معايا فرق السعر عامل ازاى
الموبايل اللى انا اتمنى انى اشتريه و هوه جلاكسى اس 2 .... بيتباع فى مصر زى منتوا عارفين ب 4000 جنيه
فى حين انه فى الامارات بيتباع ب 1900 درهم و فى السعودية ب 1900 ريال
تقريبا الدرهم و الريال اد بعض و بيساوا 1.61 جنيه
يعنى سعرهم بالمصرى 3050 بالظبط .. يعنى فرق 950 جنيه طب ليه !!!!!!!!!!!!!!!!!!!
كتيــــــــــــــــــــــر اوى 950 جنيه
طبعا الجلاكسى 2 بعيد اوى عنى لو هجيبه من مصر عشان الضمان
ففكرت فى الاكسبريا ارك اس
بيتباع فى مصر ضمان رزق الله ب 3250 جنيه فى محل اسمه موبى زون
فى الامارات و السعودية سعره بيتراوح بين 1400-1600
نقول 1500 درهم او ريال
يعنى لو اشتريته من هناك هيعمل بالمصرى 2400 جنيه
برده كتيـــــــــــــــــــــــــــر اوى !!!!!!!
هموت و اعرف ليه الفرق الكبير ده كله فى السعر مش معقول تكون كل ديه جمارك يعنى .... ده الموبايل بيتوزن بالجرام
يا ريت بجد يا جماعة الناس اللى تعرف السبب الحقيقى ورا الموضوع ده يقولولى عشان ارتاح من الغيظ اللى انا فيه :ah8:

انت لو اشتريت الجلاكسى اس 2 بضمان دولى اللى هو بيكون جاى من الامارات او السعودية او اى ان كان هتلاقيه ب 3300 وممكن اقل حسب المحلات فا الفكرة كلها فى الضمان سواء محلى او دولى والدولى ملهوش لازمة هنا كأنك جايب موبايل من غير ضمان