اللابتوب بيفصل لما بشغل الالعاب !

بسم الله الرحمن الرحيم

السلام عليكم

انا عندي مشكلة في اللابتوب بتاعي بقالها ييجي 3 4 اشهر كدة معاية
اولا اللابتوب نوعه HP Pavilion dv6
مواصفاته
core 2 duo p8800 2.66
4gb ram
ati mobility hd4650

المشكلة ان كل ما اشغل لعبة من الالعاب الجديدة الجهاز بيفصل مرة واحدة كدة لوحده ... انا اللي جربته fifa 12 و assassins creed revelations
بالنسبة لفيفا ... كان نادر لما بيفصل يعني مرة من كل 10 مرات مثلا .. انما انا بلعب دلوقتي revelations بتفصل تقريبا كل مرة بلعبها

بحثت على المواقع الاجنبي ع المشكلة دي ... معظم الردود و الحلول اللي شوفتها كانت overheating للفيجا أو البروسيسور بيخلي الجهاز يفصل لوحده

قمت منزل برنامج اشوف منه الحرارة بتاعة الفيجا و البروسيسور اسمه speed fan وده صورة منه

https://img811.imageshack.us/img811/6438/vgaw.jpg

Uploaded with ImageShack.us

و انا واخد في اعتباري ان Temp1 دي حرارة الفيجا
و نزلت برنامج اسمه FurMark و عملت بنش مارك عليه اسمه burn in benchmark الجهاز ماكملش 3 دقايق و راح فاصل ... لقطت حرارة الفيجا قبل ما يفصل على طول كانت 77 او قول 80

هل الحرارة عالية للدرجة اللي تخلي الجهاز يفصل
و لا الجهاز بيفصل بسبب مشكلة تانية ؟؟
و أذا كانت المشكلة بسبب الحرارة أو غيرها .. أرجو من احد الأعضاء الكرام الحل

مع العلم
*اني نزلت اخر تحديث لتعريف ati و مازالت المشكلة موجودة
*لم اقم مطلقا بتنظيف الجهاز من الداخل منذ ان اشتريته
*لم اقم مطلقا بتغيير الويندوز منذ ان اشتريته
*أنا بشتغل على اللابتوب على سطح مرتفع cooler pad
* لعبة revelations ما بتشتغلش نص ساعة على بعضها متواصل من غير ما تفصل .. و دايما عشان العبها متواصل اعمل alt + tab في نص اللعبة عشان اريح الجهاز شوية و بعدين أواصل

شكرا مقدماً

هذه المشكلة تواجهني في جهازي (hp 2230 s) لكن ليس مع الألعاب، فأنا لا ألعبها؛ بل مع (office 2010)، وبرنامج (picasa) وهو أحد البرامج لقرأة المخطوطات!
وكان حلها الوحيد المؤقت: أني أقوم بوضع مروحة المنزلة (المتحركة) أمام الجهاز، مع أني أستخدم (cooler pad)!!
وأعاني كثيرا من استخدام الجهاز في الصيف!!
لكن هذه المشكلة حلها مُكلف.
أعانك الله على جهازك...
أحببت أن أضع همك على همي؛ فإن الشجى يبعث الشجى!

أجهزة ال Hp معروفة بدرجة حرارتها العالية ولكن يمكنك تجريب تنظيف الجهاز من الداخل و أستعمال قاعدة تبريد للابتوب.

شكرا Vancouver , Terbo

يعني يا استاذ terbo المشكلة الل عندي مشكلة overheating ولا ايه ؟؟

على العموم انضف الجهاز و بعدين اشوف النتائج ... بس محتاج اعرف ازاي انضف اللابتوب عشان انا عمري ما فتحته قبل كدة و خايف ابوظ حاجة .. يعني كام نصيحة كدة ... انضف ازاي ؟؟ انضف ايه بالظبط و اخلي بالي من ايه ؟؟

أدخل على الموضوع ده يوجد به شرح لكيفية فك اللابتوب قطعة قطعة بالتفصيل >>> https://arabhardware.net/forum/showthread.php?t=34792

لكنى غير مسئول عن أى ضرر ممكن أن يظهر بجهازك نتيجة الفك والتركيب قم بعمل ذلك على مسئوليتك الشخصية.