-
ظهور أجسام غريبة في كبد سماء الصين يثير فزع المواطنين
في ظاهرة غامضة أثارت الخوف والهلع والرعب في نفوس مواطني الصين واستعرت اهتمام وسائل الإعلام المحلية، تمكن الصينيون من رؤية أجسام غريبة بالعين المجردة ولمرات عدة وهي في كبد السماء خلال شهر يوليو الجاري.
وعجزت السلطات الصينية في مقاطعات، "شينجيانغ وهونان وتشجيانغ وتشونغتشينغ وسيتشوان وقوانغدونغ"، عجزت إيجاد تفسير علمي لطبيعة تلك الظاهرة أو ماهية هذه الأجسام مفسحة المجال واسعا أمام انطلاق شائعات مفادها أن تلك الأجسام الغريبة هي "أطباق طائرة لزوار من الفضاء الخارجي" الأمر الذي زاد من روع المواطنين.
https://productnews.link.net/AFP/ara...774340-1-0.jpg
وظهرت هذه الأجسام في سماء الصين للمرة الأولى مساء يوم 3 يوليو الحالي في مدينة "تشانغ نينغ" بمقاطعة "هونان" الواقعة جنوب الصين، وكانت عبارة عن كائن غريب يطير في السماء بسرعة ثابتة ومكث في السماء لأكثر من 20 دقيقة ثم أخذ يختفي ببطء مع غروب الشمس .
وكانت المرة الثانية التي ظهرت فيها هذه الأجسام في 7 يوليو في مدينة "هانغتشو" بمقاطعة "تشجيانغ" جنوب شرق الصين وأدت لتعطيل حركة الملاحة الجوية لبعض الوقت في مطار "شياو شان" ، وظهرت على شكل شريط غير منتظم ينبعث منه ضوءين أبيض وأحمر باتجاه السماء بسرعة عالية.
وجاءت المرة الثالثة في يوم 10 يوليو ووقعت غرب مدينة "تشنغدو" عاصمة مقاطعة "سيتشوان" الواقعة جنوب غرب الصين وكان الكائن المضيء على شكل طبلة تتحول إلى الشكل الكروي أحيانا وفي منتصفها كانت توجد نقطة مضيئة غامضة تنتشر منها طوابق من الحجاب الحاجز التي كانت كبيرة أحيانا وصغيرة أحيانا أخرى.
-
رد: ظهور أجسام غريبة في كبد سماء الصين يثير فزع المواطنين
:eek:
مش قولتلكو مصدقتونيش
استنوا بقا لما تيجي وتحرق الارض كلها علشان تبقوا تصدقوا انهم موجودين
وانا مكنتش غلطان لما حطيت في توقيعي They Exist
-
رد: ظهور أجسام غريبة في كبد سماء الصين يثير فزع المواطنين
كله كلام تخاريف الصين خيالهم واسع :rolleyes:
-
رد: ظهور أجسام غريبة في كبد سماء الصين يثير فزع المواطنين
اقتباس:
كله كلام تخاريف الصين خيالهم واسع :rolleyes:
محسسنى انك كنت هناك وشفت بعنيك :D
يا رب الاجسام ىشرف مصر مرة! اعتقد مش حيمر فوق القصر الرئاسى! هههههههههههههههههههههههههه
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة HuLkY
محسسنى انك كنت هناك وشفت بعنيك :D
يا رب الاجسام ىشرف مصر مرة! اعتقد مش حيمر فوق القصر الرئاسى! هههههههههههههههههههههههههه
:D:D:D:D والله منت هرد واقول كده بس مرضيتش علشان مايزلعش
اعتقد هيخافو ياعم :D دول يعدو فوق البيت الابيض ومش هيحصلهم حاجه اما هنا الطيارييين مش هيسبوهم دحنا الي دهنا الهوا دوكو
-
رد: ظهور أجسام غريبة في كبد سماء الصين يثير فزع المواطنين
طيب و ليه ما نقولش ان تجارب لاسلحه جديده عندهم ؟
و طبعا لو كده لو عملوا قرود مش هيعرفوا حاجه و ما حدش هيرد عليهم
اقل دليل اشمعني الصين و ما حصلتش مع اي بلد اخري او في مجال جوي لاي بلد اخري ؟
فكره مخلوقات فضائيه مرفوضه تماما لحين انتهاء البشريه و البعث ( ممكن يبقي في بس مش هيكون في اتصال )
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة eng.ahmedhelal
طيب و ليه ما نقولش ان تجارب لاسلحه جديده عندهم ؟
و طبعا لو كده لو عملوا قرود مش هيعرفوا حاجه و ما حدش هيرد عليهم
اقل دليل اشمعني الصين و ما حصلتش مع اي بلد اخري او في مجال جوي لاي بلد اخري ؟
فكره مخلوقات فضائيه مرفوضه تماما لحين انتهاء البشريه و البعث ( ممكن يبقي في بس مش هيكون في اتصال )
ممكن جداااا
انا كان عندى كتاب بيتكلم على الظاهرة ديه و انها حصلت كتير جدااا قبل كده
حادثة روزويل التي وقعت عام 1947اكتب الجملة ديه فى جوجل وهتلاقى حجات كتيير بتتكلم على الحادثة ديه
بس صعب جدااا نقول حجات كده من غير دليل قوى و واضح لان هناك الكثير من الاحتمالات قبل هذا الاحتمال
-
رد: ظهور أجسام غريبة في كبد سماء الصين يثير فزع المواطنين
ما المصدر؟
اظنها خزعبلاب مثلها مثل اكذوبه 2012 .
-
رد: ظهور أجسام غريبة في كبد سماء الصين يثير فزع المواطنين
بصوا الانسان طول عمرة بينكر الشىء اللى ميعرفهوش وبما انى من بنى البشر :D
احب اقولك طب كل الناس دول شافوة مفيش حد فيهم معاة حتى تليفون صينى يطلعة من جيب البنطلون ويصور :ah3:
لو كان الكلام دة حصل لية مفيش اى فيديو عنة
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة HuLkY
يا رب الاجسام ىشرف مصر مرة! اعتقد مش حيمر فوق القصر الرئاسى! هههههههههههههههههههههههههه
حتى لو عدت من فوق مصر .... ممكن الناس متعيرهاش اى اهتمام من كتر المشاكل و الغلا ....:D
-
رد: ظهور أجسام غريبة في كبد سماء الصين يثير فزع المواطنين
الحكايه مش محتاجه اكون فى الصين ولا اكون فى اليابان يعنى ايه الدليل على ان الحاجات ديه ظهرت مشفناش حاجه فى التلفزيون هى لو كانت حاجه زى ديه هو كان التلفزيون هيكست ده يوم ما بيجى كسوف للشمس التلفزيون مبيسكتش وكمان ربنا ادانا عقل نميز بيه بين الخزعبلات وبين الحقائق يعنى حتى اما ظهرت الحاجات ديه الى حصل فى الصين حصلها حاجه وبقولها تانى الصينين بيتفرجوا على افلام خيال علام كتير :D
-
رد: ظهور أجسام غريبة في كبد سماء الصين يثير فزع المواطنين
كل كاذب بيقع فى كذبه
اقتباس:
كانت عبارة عن كائن غريب يطير في السماء بسرعة ثابتة ومكث في السماء لأكثر من 20 دقيقة ثم أخذ يختفي ببطء مع غروب الشمس .
يعنى الصين اللى هى بلد العجائب و الصناعه . لما كائن غريب يطير . مفيش حد ابن حلال معاه موبايل بكاميرا يصور الكائن ده ؟؟؟
وللا كل دول كان موبايلهم فى الشاحن ؟؟؟
ده مصر بلد الحضاااااااااااااااانه ( و ليست الحضاره ) لما بيحصل شجار فى الشارع الناس بتصور كأنها فى مهرجان كان السيليمائى
:D
بطلو بقى و ارحمونا
و يا صوص they really exist
ONLY IN THE DREAMS
و ممكن على روتانا سينيما :D
-
رد: ظهور أجسام غريبة في كبد سماء الصين يثير فزع المواطنين
اقتباس:
حتى لو عدت من فوق مصر .... ممكن الناس متعيرهاش اى اهتمام من كتر المشاكل و الغلا ....:D
مش بعيد يطبقو عليهم قانون الطوارىء و ياخدو الكائنات دى و يحطولها لفافه من البانجو الفضائى
هههههههههههههههههههههه
مش قادر امسك نفسى بجد :D
-
رد: ظهور أجسام غريبة في كبد سماء الصين يثير فزع المواطنين
يا جدعان عشان محدش يفتكر إنى مفبرك الحوار ، مصدرى أهو شبكة الأنباء العربية
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة MF88
كل كاذب بيقع فى كذبه
يعنى الصين اللى هى بلد العجائب و الصناعه . لما كائن غريب يطير . مفيش حد ابن حلال معاه موبايل بكاميرا يصور الكائن ده ؟؟؟
وللا كل دول كان موبايلهم فى الشاحن ؟؟؟
ده مصر بلد الحضاااااااااااااااانه ( و ليست الحضاره ) لما بيحصل شجار فى الشارع الناس بتصور كأنها فى مهرجان كان السيليمائى
:D
بطلو بقى و ارحمونا
و يا صوص they really exist
ONLY IN THE DREAMS
و ممكن على روتانا سينيما :D
طيب قول يا سيدى الناس يعانى مش معاهم موبيلات طيب فين وسائل الاعلام ده بيقولك الكائن ده قعج فى السما 20 دقيقه
-
رد: ظهور أجسام غريبة في كبد سماء الصين يثير فزع المواطنين
على فكره عيب عليك تقول الكلمه دى :)
محدش اتهمك بحاجه
الكل بيتكلم عن الصين . إللا بقى لو انت صينى دى حاجه تانيه :D
-
رد: ظهور أجسام غريبة في كبد سماء الصين يثير فزع المواطنين
لم يتهمك احد , و ما طلبته منك هو ماينبغي منك ومن غيرك وضعه حين كتابه موضوع يحتوي على خبر ما.
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة MF88
كل كاذب بيقع فى كذبه
يعنى الصين اللى هى بلد العجائب و الصناعه . لما كائن غريب يطير . مفيش حد ابن حلال معاه موبايل بكاميرا يصور الكائن ده ؟؟؟
وللا كل دول كان موبايلهم فى الشاحن ؟؟؟
ده مصر بلد الحضاااااااااااااااانه ( و ليست الحضاره ) لما بيحصل شجار فى الشارع الناس بتصور كأنها فى مهرجان كان السيليمائى
:D
بطلو بقى و ارحمونا
و يا صوص they really exist
ONLY IN THE DREAMS
و ممكن على روتانا سينيما :D
+11111111111111111111111111111111 للصبح:D
عجبانى اوى
اقتباس:
ده مصر بلد الحضاااااااااااااااانه ( و ليست الحضاره ) لما بيحصل شجار فى الشارع الناس بتصور كأنها فى مهرجان كان السيليمائى
:D:D:D:D:D:D:D
بس بلد الموبيلات الاولى فى العالم محدش لقت صورة كدة من وراهم ولا خيفين للدرجة دية ولو كاشئن فضائى اوى حاجة كانت ناسا قالت او اى جهة عظمة نتخصصة فى مثل هذة الاشياء يعنى مظنش يمكن هذة مجرد انعكاس ضوء ولا بتاع:ah38:
صوص انت جننتنى خالص يبنى بص الى ربنا عوزة هيحصل غير كدة الهجص والكلام الطالع بتاع 2012 دة هجص على الاخر معل عشان كلمة هجص لاكن بصراحة مينفعش التفكير دة
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة MF88
مش بعيد يطبقو عليهم قانون الطوارىء و ياخدو الكائنات دى و يحطولها لفافه من البانجو الفضائى
هههههههههههههههههههههه
مش قادر امسك نفسى بجد :D
لا مش كده ...... هما حيخدوا منهم جمارك نظير دخول المركبات بتاعتهم الاراضى المصريه.... تخيل لو واحد مدفعش..!!! ...:D
-
رد: ظهور أجسام غريبة في كبد سماء الصين يثير فزع المواطنين
-
رد: ظهور أجسام غريبة في كبد سماء الصين يثير فزع المواطنين
على فكره ياشباب مش معنى إن الموضوع مافيهوش فيديوهات يبقى مافيش فيديوهات اتصورت للظاهره ..
ادخلوا على يوتيوب وهاتلاقوا مئات الفيديوهات .. ولو حد محتاج لينكات فيديوهات يقولي ..
والفيديوهات كلها صحيحه وغير مُفبركه لإنها من قنوات رسميه شهيره ورسميه زي CCTV و BBC !!
والدنيا مقلوبه على يوتيوب اصلاً ومئات الفيديوهات وملايين الردود والآراء وإحنا آخر من يعلم ..
ثم هل من المعقول إنه يكون تجربه رسميه مثلاً للجهات الحاكمه سواء لسلاح او لتقنيه جديده او ما شابه
ويحدث هذا التضارب العجيب بين الحكومه والحكومه ويتم إغلاق المطار رسمياً ؟
يعني الحكومه قبل ما تجري تجربه مثل هذه لم تكلف نفسها تخطيط ومعرفه النتائج وما سوف يترتب عليه ذلك ؟
إستحاله .. الهرجله والفهلوه و " زي ما تيجي " الكلام ده مش بيحصل إلا في مصر عندنا فقط ..
اي دوله تانيه " محترمه " قبل ما تقدم على فعل شئ بتكون مخططه له From A to Z
وخطط بديله وتوقع نتائج وخطط للإنحرفات و خطط للطوارئ وكده .. الموضوع مش سهل ياشباب
شوفوا الفيديوهات على يوتيوب .. واتركوا الحكم لعقولكم
زي ما قولت قبل كده إننا نعتبر جزء صغير جداً جداً جداً من الكون لا يتجاوز واحد على مليون بالمئه
إستحاله يكون هذا الكون بالكامل خلق من اجل سكان الارض فقط .. من غير المعقول ومن اللامنطق ان يكون خلق من اجلنا فقط
هل خُلق كون مثل هذا بحجمه الذي لا يتخيله عقل بشري لأجل جزء صغير فقط لا يتجاوز واحد على مليون منه :eek:
اعتقد الإجابه تحتاج إلى بعض التفكير :)
-
رد: ظهور أجسام غريبة في كبد سماء الصين يثير فزع المواطنين
MZ من فضلك راسلني بروابط هذه الحادثه في اليوتيوب.
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة M Z
على فكره ياشباب مش معنى إن الموضوع مافيهوش فيديوهات يبقى مافيش فيديوهات اتصورت للظاهره ..
ادخلوا على يوتيوب وهاتلاقوا مئات الفيديوهات .. ولو حد محتاج لينكات فيديوهات يقولي ..
والفيديوهات كلها صحيحه وغير مُفبركه لإنها من قنوات رسميه شهيره ورسميه زي CCTV و BBC !!
والدنيا مقلوبه على يوتيوب اصلاً ومئات الفيديوهات وملايين الردود والآراء وإحنا آخر من يعلم ..
ثم هل من المعقول إنه يكون تجربه رسميه مثلاً للجهات الحاكمه سواء لسلاح او لتقنيه جديده او ما شابه
ويحدث هذا التضارب العجيب بين الحكومه والحكومه ويتم إغلاق المطار رسمياً ؟
يعني الحكومه قبل ما تجري تجربه مثل هذه لم تكلف نفسها تخطيط ومعرفه النتائج وما سوف يترتب عليه ذلك ؟
إستحاله .. الهرجله والفهلوه و " زي ما تيجي " الكلام ده مش بيحصل إلا في مصر عندنا فقط ..
اي دوله تانيه " محترمه " قبل ما تقدم على فعل شئ بتكون مخططه له From A to Z
وخطط بديله وتوقع نتائج وخطط للإنحرفات و خطط للطوارئ وكده .. الموضوع مش سهل ياشباب
شوفوا الفيديوهات على يوتيوب .. واتركوا الحكم لعقولكم
زي ما قولت قبل كده إننا نعتبر جزء صغير جداً جداً جداً من الكون لا يتجاوز واحد على مليون بالمئه
إستحاله يكون هذا الكون بالكامل خلق من اجل سكان الارض فقط .. من غير المعقول ومن اللامنطق ان يكون خلق من اجلنا فقط
هل خُلق كون مثل هذا بحجمه الذي لا يتخيله عقل بشري لأجل جزء صغير فقط لا يتجاوز واحد على مليون منه :eek:
اعتقد الإجابه تحتاج إلى بعض التفكير :)
طيب ياريت يااخى تجيبلى الفديوهات ديه علشان اشوفها
-
رد: ظهور أجسام غريبة في كبد سماء الصين يثير فزع المواطنين
-
رد: ظهور أجسام غريبة في كبد سماء الصين يثير فزع المواطنين
تقصد بالتخطيط يعني انهم يقولوا هنعمل مثلا كذا
يبقي سري ازاي ؟!
اما حكايه انه خلق لينا بس ما حدش قال كده
بس التفكير القليل اللي بتقول عليه
هو ان ما ذكرش في اي اقاويل او رسائل سماويه و كتب مقدسه ان هيحصل اتصال بينا و بين اي كائنات اخري فضائيه
( و بعدين و ماله ليه ما يكونش خلق لينا بس ايه المانع صعبه مثلا )
اقل حاجه تقال هو عشان شوفنا كام فيلم اجنبي بيقول ان الفضائيين بيركون طبق طاير يبقي خلاص طيب ليه هو ايش عرفنا لو افترضنا ان في مخلوقات فضائيه ليه ما نفترضش انهم بيطيروا زي الجن مثلا ؟!!
انا متاكد 100% انها تجربه لشيئ ما بيطير علي مسافات بعيده جدا مش بعيد تكون طائرات تجسس بكل بساطه
فعلا احنا محتاجين لبعض من العقلانيه
:)
-
رد: ظهور أجسام غريبة في كبد سماء الصين يثير فزع المواطنين
علي فكره انا شوفت اول فيديو
المنظر ده انا شوفته وانا في روكسي من فتره
بصراحه مش هاتكلم
ده طبق طاير !
بصراحه بالتوفيق
-
رد: ظهور أجسام غريبة في كبد سماء الصين يثير فزع المواطنين
علي فكره في فيديو فيهم واضح خالص انه جرافيكس :)
واحد اخر و جرافيكس و قديم فحت
-
رد: ظهور أجسام غريبة في كبد سماء الصين يثير فزع المواطنين
صاروخ اهو
https://www.youtube.com/watch?v=oPMvf-sGXCs
اطلع اجيبلكوا اتنين :D
الان متاكد بنسبه مليون % تجارب علبي انواع جديد من الصوارخ بعيده المدي
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة eng.ahmedhelal
هو ان ما ذكرش في اي اقاويل او رسائل سماويه و كتب مقدسه ان هيحصل اتصال بينا و بين اي كائنات اخري فضائيه
:rolleyes:
إذاً الدليل الوحيد لدينا حالياً الذي يثبت عدم وجود مخلوقات فضائيه هو إنها لم تُذكر في الكتب السماويه ؟ :rolleyes:
سبب غريب جداً صراحة ..
هل مثلاً ذكر اي من الكُتب السماويه إن في زمن ما سوف يظهر الإننرنت ويتصل الناس ويعرفوا الاخبار في لحظتها ؟؟
هل ذكر احد الكتب السماويه إن الناس سوف يتمكنوا من التحدث إلى بعضهم البعض في اي مكان بالأرض بإستخدام قطعه بلاستيكيه صغيره ؟
هل ايضاً ذكرت إن الناس من الممكن ان يتحدثوا إلى بعضهم البعض صوره وصوت وهم في اي بقعتين على وجه الارض ؟
بل وإن قريباً ومع تطور التكنولوجيا سوف يتم نقل صوره طيفيه للشخص الآخر ويتحدث معك وتراه وكأنه في غرفتك واقف امامك مباشرة ..
لا نريد ان نخلط الاوراق عزيزي .. وفلندع الدين لأهل الدين والعلم لأهل العلم ..
فهم لا يتعارضان ولا يسقط اي منهما الآخر .. بشرط الا نقحم اي من الإثنين في الآخر او نخلط بينهم بطريقه خاطئه ..
وهي في النهايه وجهات نظر ..
لك وجهة نظرك ولي وجهة نظري وكلاً مِنا من الممكن ان يخطي او يصيب ..
وإختلاف وجهات النظر - في المجتمعات المتحضره - لا يفسد للود قضيه ..
والله اعلى واعلم ..
-
رد: ظهور أجسام غريبة في كبد سماء الصين يثير فزع المواطنين
شكرا علي الفديوهات MZ
صعب جدا يكون أختبار أسلحة لأنهم أكتر من واحد من زوايا مختلفة و أشكال مختلفة
اقتباس:
ثم هل من المعقول إنه يكون تجربه رسميه مثلاً للجهات الحاكمه سواء لسلاح او لتقنيه جديده او ما شابه
ويحدث هذا التضارب العجيب بين الحكومه والحكومه ويتم إغلاق المطار رسمياً ؟
+1
-
رد: ظهور أجسام غريبة في كبد سماء الصين يثير فزع المواطنين
الفيديوهات عجيبة بالفعل
لكن لو كانت تجارب لاسلحة هل تظن انة من الممكن ان تكون فى مناطق ماهولة فى السكان ما شاء اللة الصين واسعة يعنى:D
ارجو الا تخلط الدين بالعلم فالدين لهداية الناس ويعرفهم امور حياتهم وينظم اخلاقهم ويهذبهم وليس ليتنبا بالمسقبل
الخبر من البداية ذكر فية اجسام غريبة وليس كائنات فضائية ufo
شكرا على الفيديوهات
-
رد: ظهور أجسام غريبة في كبد سماء الصين يثير فزع المواطنين
بالنسبه للخلط اللي بتقول عليه هو الدين كلمك علي العباده فقط ولا ايه ؟
الدين كلمك عن دنياك و ماضيك و حاضرك و مستقبلك
و ذكرلك اللي بينيك و بينهم احتكاك
الجن
بالنسبه للاشكال والاحجام
هي الصواريخ شكل و حجم واحد ولا ايه ؟
و بعدين خلاص انتم مقتنعين انهم مخلوقات فضائيه
كان بها مافيش مشاكل
و بالنسبه للاختلاف و الود انا بالنسبالي اصلا ما فيش قضيه عشان يبقي في افساد للود
:)
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة skywalker91
الفيديوهات عجيبة بالفعل
لكن لو كانت تجارب لاسلحة هل تظن انة من الممكن ان تكون فى مناطق ماهولة فى السكان ما شاء اللة الصين واسعة يعنى:D
ارجو الا تخلط الدين بالعلم فالدين لهداية الناس ويعرفهم امور حياتهم وينظم اخلاقهم ويهذبهم وليس ليتنبا بالمسقبل
الخبر من البداية ذكر فية اجسام غريبة وليس كائنات فضائية ufo
شكرا على الفيديوهات
خلاص يا جدعان سبتوا الكلام كله و مسكتوا في الدين و الدنيا
حبيبي انت لما بتتكلم علي مجال جوي يبقي اه تشوفه مهما كان مكانك بشكل كبير علي فكره لان المسافه بتبقي بعيده و فوق
ثانيا انت كميه الصورايخ اللي بتشوفها ماشيه في الجو دي ايه ؟
ثالثا اكبر كميه منصات اطلاق صواريخ بتبقي مش في الصحراء البعيده زي ما انت متخيل كده
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة skywalker91
الفيديوهات عجيبة بالفعل
لكن لو كانت تجارب لاسلحة هل تظن انة من الممكن ان تكون فى مناطق ماهولة فى السكان ما شاء اللة الصين واسعة يعنى:D
وانت مين اللى قالك ان التجربة الصين هى اللى عملاها .........
ما ممكن تكون اى دولة تانية ......كوريا مثلا بتعمل تجربة لصاروخ جديد والصاروخ عدى فى المجال الجوى للصين.......:D
-
رد: ظهور أجسام غريبة في كبد سماء الصين يثير فزع المواطنين
شكرا على الفيديوهات يا MZ و عقبال ما نشوف الفيديو اللى طلعت فيه فى التيليفيزيون
اتحايلت كتير على نان يبعتو بس شكله مكسل :D
-
رد: ظهور أجسام غريبة في كبد سماء الصين يثير فزع المواطنين
اقتباس:
هي الصواريخ شكل و حجم واحد ولا ايه ؟
انزل كارفور هتلاقى احجام كتير و بألوان مختلفه :D
-
رد: ظهور أجسام غريبة في كبد سماء الصين يثير فزع المواطنين
اقتباس:
حبيبي انت لما بتتكلم علي مجال جوي يبقي اه تشوفه مهما كان مكانك بشكل كبير علي فكره لان المسافه بتبقي بعيده و فوق
ثانيا انت كميه الصورايخ اللي بتشوفها ماشيه في الجو دي ايه ؟
ثالثا اكبر كميه منصات اطلاق صواريخ بتبقي مش في الصحراء البعيده زي ما انت متخيل كده
يا معلم ازاى يعنى لما الدولة تعمل تجارب على اسلحة ممكن تكون نووية او كيميائية تعملها حتى قريبة من المدن ازاى !!!
ممكن اى شىء لم يكن فى الحسبان يحدث
انا عنى مش بشوف صوايخ ماشية فى الجو اللى بشوفة طيارات لو بداو يمشوا صواريخ فى الجو يبقى ان معنديش فكرة بقى ومتاسف لك
وجود قاعدة اطلاق صواريخ جوار المدن ليس ما اتحدث عنة انا تحدث عن تجارب الاسلحة بتكون فى الصحراء ولو بتشوف انت معظم التجارب الباكستانية او الايرانية هتعرف دة
دى اجسام غريبة وكل واحد يفسرها زى ما هو عايز:)
-
رد: ظهور أجسام غريبة في كبد سماء الصين يثير فزع المواطنين
اقتباس:
وانت مين اللى قالك ان التجربة الصين هى اللى عملاها .........
ما ممكن تكون اى دولة تانية ......كوريا مثلا بتعمل تجربة لصاروخ جديد والصاروخ عدى فى المجال الجوى للصين.......:D
ياراجل دى كوريا بتخاف من الصين حتى الشهر اللى فات كانوا يعملوا مناورة عسكرية مع الولايات المتحدة فى البحر الاصفر الصين قالتلهم دة عيب اعملوها بعيد عنى مفيش ساعات واتنقلت لبحر اليابان
ولو اى جسم دخل المجال الجوى لاى دولة اخرى بيتم اسقاطة مش بالسهولة دى خاصة اذا كان صاروخ مثلا
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة skywalker91
ياراجل دى كوريا بتخاف من الصين حتى الشهر اللى فات كانوا يعملوا مناورة عسكرية مع الولايات المتحدة فى البحر الاصفر الصين قالتلهم دة عيب اعملوها بعيد عنى مفيش ساعات واتنقلت لبحر اليابان
ولو اى جسم دخل المجال الجوى لاى دولة اخرى بيتم اسقاطة مش بالسهولة دى خاصة اذا كان صاروخ مثلا
لأ.....كوريا التانية:D
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة MF88
انزل كارفور هتلاقى احجام كتير و بألوان مختلفه :D
طيب دي بتفرقع و لا دعنا نعمل في صمت ؟ :D
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة eng.ahmedhelal
بالنسبه للخلط .............
عزيزي ما اتحدث عنه هو مشكله من الممكن ان تكون آثارها اكبر مما تتخيل ..
وهي مشكلة الخلط الخاطئ بين الدين والعِلم وهو خطأ يقع فيه البعض للأسف ..
مثلما كان يحدث قديماً في الغرب والنذاعات بين الكنيسه والعلم
بسبب الخلط الخاطئ وإقحام كلاً منهما في الآخر بشكل غير صحيح ..
لم ترد على اسألتي التي قمت بوضعها بمشاركتي السابقه .. هل ذكرت الكُتب السماويه الإنترنت والمحمول ؟
هل إذا اعلنت مثلاً احد الدول المتقدمه عن تفعيل الإتصال عن طريق الاطياف الضوئيه او اي إكتشاف ثوري آخر
سنقول وقتها إن ذلك لم يُذكر في الكتب السماويه إذاً هو حرام ؟
هل مثلاً إذا إكتشفت ناسا بعد خمسون سنه مثلاً نشاطات خارجيه من كائنات اخرى ..
هل وقتها سوف نقول ناسا كاذبه لإن ذلك لم يُذكر في الكتب السماويه ؟
فلندع العلم لأهل العلم عزيزي والدين لأهل الدين ..
يذكرني ذلك بأحد الاشخاص الذي حرّم الإنرنت والكمبيوتر والمحمول والطائره والصاروخ وكل المُستحدثات ..
وعندما سأله الناس اخبرهم بإن " كل محدثة بدعة وكل بدعة ضلالة، وكل ضلالة في النار"
فهل هذا يعقل ؟
هل المشكله هنا في دين او في الحديث او ان الدين يتعارض مع العلم ؟
لا طبعاً .. المشكله في إقحام وخلط الإثنين ببعض بشكل " خاطئ " ..
اما بخصوص الفيديوهات فهي تقارير تم عرضها وكل شخص يستخدم عقله لكي يوصله لماهية الاجسام الطائره هذه ..
هم ذكروا إنها UFO وليست كائنات فضائيه .. وهناك فرق
UFO = Unidentified flying object بشكل عام ..
والله اعلى واعلم ..
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة MF88
و عقبال ما نشوف الفيديو اللى طلعت فيه فى التيليفيزيون
اتحايلت كتير على نان يبعتو بس شكله مكسل :D
يادي الفضايح :D
لا بلاش الفيديو اللي مع نان .. الفيلتر بتاع الكاميره في اوربيت والكواليتي بتاع الكاميره نفسه كان سئ جداً ..
لو عايز قولي هابعتلك على الخاص فيديو من برنامج تاني على قناة نايل سينما .. صورت معاهم في نفس اليوم
وتخيل إن الفيلتر بتاع الكاميره والكواليتي نفسه اللي تبع قنوات النيل كان احسن من اوربت بمليون مره :eek:
بتاع اوربيت كان مخليني عامل زي الـ alien :D
لو عايز قولي ابعتلك الفيديو وامري لله .. بيدي لا بيد عمرو :D
اصل انا يوميها صورت تقريباً في 4 برامج في نفس اليوم تخيل
كانوا كل شويه يطلبوني علشان اصور .. كنت لابس قميص جديد اليوم ده كان عامل شغل برده
القميص ده لو لبسته تقريباً إسبوع ولفيت البلد شويه هابقى اشهر من ابو تريكه
:D
-
رد: ظهور أجسام غريبة في كبد سماء الصين يثير فزع المواطنين
بالنسبة للقرآن ، فهو لم يكن بحاجة للإخبار عن هذا ، لأنه لو كان أخبر كان الناس فى الأزمنة السابقة كذبوه ولم يئمنوا لعدم تصديقهم ، ولكنه أخبرنا عن المخلوقات الأخرى كالجن و لكن هناك أحد غير الجن كان الله ليخبرنا عنهم ويبعث لهم رسولا ليهديهم أليس كذلك :rolleyes: ، فسيدنا محمد هو رسول الإنس و الجن و هو خاتم المرسلين ، وهناك حديث عن الرسول أنه سيأتى زمان يطير فيه الحديد ، أليس هذا ما يحدث الآن :rolleyes: ، وحديث آخر ينبأ بتطور دول الخليج بعد أن كانوا بدوا ورعاة :)
-
رد: ظهور أجسام غريبة في كبد سماء الصين يثير فزع المواطنين
مين قال مفيش فيديو الفيديو مالي اليوتيوب يا جدعان تبقي اشطه تفتكروا عندهم كرت شاشه اقوي من ال5970:D
-
رد: ظهور أجسام غريبة في كبد سماء الصين يثير فزع المواطنين
انتوا واجعين دماغكوا ليا اليومين دوله لو فكرت في كل حاجه من الحاجات زي 2012 والكائنات الفضائيه والبطاقات الرسوميه هيجيلك انيار عصبي بس احلي حاجه فكر في بكره مش قفي مليون سنه ويا تري في كائنات فضائيه لنفترض افرض طلعوا معاديين بلاش افرض طلعوا مبيفهموناش واحتلوا الأرض عشان يعيشوا عليها ايه بقي
-
رد: ظهور أجسام غريبة في كبد سماء الصين يثير فزع المواطنين
تركتو الذي يهمنا وتركتو الواقع وذهبتو تتجادلون في ما لا وجود له , اشغلو انفسكم بما هو انفع لكم .
-
رد: ظهور أجسام غريبة في كبد سماء الصين يثير فزع المواطنين
يجدعان انا اول مشفت الفيديو الاول عرفت انة صاروخ او طيارة من الطيارات الى بنشوفها فمصر يجماعة احنا بنشفها على طول وقال ان دى مخلوقات فضائية انا اقتنعت ان العالم كلة فاضى وعاوز حد يشغلة :D
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة Amarantine
تركتو الذي يهمنا وتركتو الواقعو وذهبتو تتجادلون في ما لا وجود له , اشغلو انفسكم بما هو انفع لكم .
اهه برضة من باب اى كلام فاضى معقول :D
-
رد: ظهور أجسام غريبة في كبد سماء الصين يثير فزع المواطنين
اوكي شباب عن نفسي سأغلق النقاش بالموضوع ولن اكمل حديث فيه مره اخرى ..
لكني تعلمت كإحترام الحديث وإحترام الاطراف الاخرى حتى وإن إختلفت معهم بوجهات النظر
إنه في حاله فتح حديث جانبي ليس له علاقه بالحديث الاساسي .. ان اغطي جوانب هذا الموضوع الفرعي بقدر ما اعرف
وبعدها استأذن من الطرف الآخر بكل ادب في ان اغلق الحديث في هذا الموضوع الفرعي بعد ان غطينا جوانبه بما اعرف وما يعرف
وذلك إحتراماً للطرف الآخر وتقديراً لوجهة نظره التي احترمها مها إختلفت معي :)
وخلاصة القول إني في البدايه اردت التنبيه إلى وجود فيديوهات فعلاً لمن كان يبحث عنها ..
ولا اؤكد إنها فعلاً لمخلوقات فضائيه فهي UFO بشكل عام وهناك فرق ..
ونسبة ان تكون مخلوقات خارجيه فعلاً وارده لإن إستحاله ان هذا الكون الشاسع خلق لنا نحن فقط .. إستحاله ..
عن نفسي ارى إن إنكار ما نجهله هو مبدأ خاطئ .. ليس من الضروري ان ما نجهله غير موجود ..
لذلك لا يجب علينا إنكار حقيقة وجود ما نجهله .. فنحن حتى الآن لم نكتشف اسرار الارض والكون سوى بنسبه اقل من 1 بالمئه والباقي خفي !!
واخيراً جائت فكرة الخلط الخاطئ بين الدين والعِلم واوضحت وجهة نظري فيها ..
كأي حديث مُتحضر مبني على إحترام اطرافه وتقدير وجهات نظرهم ..
انهي حديثي في هذا الموضوع بكل لباقه ..
ودمتم بود :)
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة sherif-magdy
اهه برضة من باب اى كلام فاضى معقول
إن كنت تقصد ردودي والمسار الذي إتخذه حديثي مع الإخوه بإنه " كلام فاضي "
فشكراً لك اخي .. لإني تعودت ان وصف الحديث بوصف سئ مثل وصف صاحب الحديث بنفس الوصف تماما
ولو إني كنت افضل ان يتم ذكر ردود او اعضاء بعينها .. فالرجال لا تخشى ان تقول للأعور إنه اعور في عينه ..
شكراً لك :)
-
رد: ظهور أجسام غريبة في كبد سماء الصين يثير فزع المواطنين
اقتباس:
اهه برضة من باب اى كلام فاضى معقول :D
دع عنك الاساليب الغير مباشره , ان كان ما لديك مفيد فلتطرحه , وان كان مالديك دعابات فلديك قسم مخصص لذلك وهو قسم الابتسامات , اما ان كان ما تكتبه كلام لامعنى ولا فائده منه فتذكر "فلتقل خيراً او لتصمت" .
-
رد: ظهور أجسام غريبة في كبد سماء الصين يثير فزع المواطنين
يا جماعه ليا كلمه اخيره في الموضوع ده مش هتدخل في دين وعلم
لكن ليه اشمعني بعد اكتر من الاف السنين تظهر هذه الكائنات في الوقت الحالي
زي مافي خرافات انهم نزلوا وبنو ا الاهرامات مفيش اي دليل من قبل كده طول السنين ديه علي نزولهم
حادث روزويل في رأيي كان تجربه عسكريه فاشله للولايات المتحده الأمريكيه غطتها بالأشاعات والخرافات وجت فتره انشغلنا بالموضوع وخلاص
انا شايف انه مجرد تموييه او زي كل حاجه بتحصل واحنا مبنفهمهاش بس بنحاول نفسرها بدماغنا الي انا شايفه ان فيه لعبه كبيره ورا الحادث ده عمرنا ما هنعرفها ولا نزيل غموضها زي حادثه روزوويل الفضائيين بقوا غطاء للأخطاء الي بيعملوها
وحاجه اخيره لو فضائيين بجد عايزين يحتلو الكوكب وجو اافلام الأكشن والخيال العلمي ده مظنش هيجوا مصر او الكوكب الي فيه مصر
ممكن يتقلبوا في الطبق الطائر بتاعهم يا عيني ويضطروا يعيشوا هنا وميعرفوش يرجعو
-
رد: ظهور أجسام غريبة في كبد سماء الصين يثير فزع المواطنين
الطيارة ال B2 قاذفة القنابل طويلة المدي بدأت تجارب الطيران في نهايات السبعينات و دخلت الخدمة في التمنينات
لكن لم يعرفها العالم الا في حرب الخليج في التسعينات
اغلب الحاجات اللي ملهاش تفسير بتبقي تكنولوجيا عسكرية متقدمة ، خصوصا و ان العلماء قالوا ان التقنيات العسكرية متقدمة عن المدنية بحوالي 30 سنة
ايضا الاطباق الطائرة البرنامج كان موجود من ايام هتلر بالرسومات الهندسية و الميكانيكة و نماذج اولية و تجارب نجحت فيها الاطباق ان ترتفع عن الارض قليلا
بنهاية الحرب و هزيمة هتلر هرب الكثير من العلماء الي امريكا اللاتينة خوفا علي حياتهم و تبعتهم المخابرات الامريكية و الروسية لمحاولة تجنيدهم و نجحوا في تجنيد البعض منهم و اغلب البرامج التي كانت تحت التطوير في عهد هتلر تم استكمالها في الولايات المتحدة و روسيا و تبعتهم حديثا الصين
شخصيا ارفض فكرة السفر عبر الزمن لسبب اظنه ينهي النقاش في هذا المجال "طوال عمر البشر لم يرد تسجيل اي خبر انه تم مقابلة شخص قادم من المستقبل فاين هم هؤلاء المسافرون عبر الزمن" , و بالمناسبة من انصار هذا الراي العالم Stephen Hawking
و بالنسبة لموضوع حدوث احتكاك بينا و بين كائنات فضائية فشخصيا لا اؤمن به لانه ببساطة كان من المنطقي الاخبار عته في القران او السنه
ليه لانه مش دش و لا سيارة ده امة و طالما وصلت الارض او بتقوم بمراقبة الارض من فترة اذا هي امة متقدمة جدا عن سكان الارض اذا ببساطة هي ممكن تغير الارض و سكانها بشكل لا يمكن احد تصوره دينيا و ثقافيا و تكنولوجيا
وجود الكائنات منطقي لان الله سبحانه و تعالي يخلق ما يشاء و يخلق ما لا نعلمه لكن عملية الاحتكاك مابينهم و بينا نحن سكان الارض مستبعدة مليون في الميه
و اذا كان في احتكاك اليس الاولي ان يحدث تفاعل بينا و بين الملائكة او الجن و هما الاقرب الينا و يحيطوا بنا في كل مكان
و بمناسبة الكلام علي الجن فان المنظمة العملاقة ناسا اللي هي وكالة الفضاء الامريكية تركت من فترة كبيرة دراسة extraterrestrial beings نظرا لانها لم تكن مثمرة و لا دليل علي وجود اي حياة خارج الارض باي من وسائل الاستطلاع التي استخدموها لفترات زمنية طويلة
و لكن اتجهوا الي دراسة extra dimensional beings لان ابحاثهم في هذا المجال اثمرت و ظهرت لهم نتائج لانهم ببساطة بيحضروا جن و عفاريت
ايوة ناسا شغالة في الفودو و السحر الاسود لان ببساطة اذا العلماء حضروا الجن و قدروا يوصلوا لاتفاق ان الجن يسترق السمع و يتجسس علي الروس او الصين هل حيقولوا لا شكرا يلا ندور علي الفضائيين في السما و ما Area51 الا احد الاماكن التي بقومون فيها بهذه التجارب و لكن المتعارف عليه انهم يقومون فيها باخفاء الفضائيين و التعامل معهم و اجراء دراسات متبادلة معهم و عليهم
و ده راي الصراحة و مش بلزم بيه حد :D
-
رد: ظهور أجسام غريبة في كبد سماء الصين يثير فزع المواطنين
اقتباس:
المشاركة الأصلية كتبت بواسطة M Z
إن كنت تقصد ردودي والمسار الذي إتخذه حديثي مع الإخوه بإنه " كلام فاضي "
فشكراً لك اخي .. لإني تعودت ان وصف الحديث بوصف سئ مثل وصف صاحب الحديث بنفس الوصف تماما
ولو إني كنت افضل ان يتم ذكر ردود او اعضاء بعينها .. فالرجال لا تخشى ان تقول للأعور إنه اعور في عينه ..
شكراً لك :)
اولا احب ان اقول لك انك واضح من ردودك انك انسان محترم و مهذب يجبر من امامة على احترامة
ثانيا انا لو قولت ان الكلام ده كلام فاضى مش معناه ان صاحبه سىء انا كل ما كنت اقصده انه مفيش جدوى منه و مش هيوصل لحاجة
انت ليك وجه نظر و انا ليا وجه نظر
و على فكره انا مكنتش قصدك خالص فى اى كلمة و عموما لو انت شايف انى غلطت فانا متأسف و ربنا ما يجيب زعل
اقتباس:
دع عنك الاساليب الغير مباشره , ان كان ما لديك مفيد فلتطرحه , وان كان مالديك دعابات فلديك قسم مخصص لذلك وهو قسم الابتسامات , .
انت بسرعه كده خليتها اساليب مباشرة و مش مباشره
وعلى فكره انا عارف برضة ان فى قسم للابتسامات و لو كان قصدى ان استخف دمى كنت هتلاقينى هناك
اقتباس:
اما ان كان ما تكتبه كلام لامعنى ولا فائده منه فتذكر "فلتقل خيراً او لتصمت"
انت ممكن تكون شايفة كلام ملوش معنى لكن انا شايف ان ليه معنى
-
رد: ظهور أجسام غريبة في كبد سماء الصين يثير فزع المواطنين
سبحان الله له فى ذلك شئون الله يرحمك يا دكتور مصطفى محمود كنا محتاجين علمك فى هذه الامور
-
رد: ظهور أجسام غريبة في كبد سماء الصين يثير فزع المواطنين
- يا شباب الموضوع بسيط في كائن فضائي اسمه شخنوف وده كبير التجار (الشهبندر يعني) سمع ان في كوكب الارض دوله اسمها الصين بتصنع اشياء بثمن رخيص جدا فبعت الصبيان بتوعه علشان يشوفوا الاسعار وقريبا هيمضوا اتفاقيه التطبيع العبط المريخي الارضي
:D:D:D:D
-واللّه انا قاعد اضحك علي بشوفه واسمعه الايام دي بكره يقولوا ان ظهر الساحره الشريره بالمكنسه الشهيره الطائره :eek:
- ايمان ضعيف