مشكلة غريبه بخصوص الكروس فاير ارجو الحل

بسم الله الرحمن الرحيم

عندى مشكله غريبه بخصوص الكروس فاير .

دى مواصفات جهازى :

CPU : TripleCore AMD A6-3500 APU with Radeon(tm) HD Graphics, 2100 MHz
Motherboard: Gigabyte GA-A75-D3H
Disk Drive : WDC WD5000AAKS-00WWPA0 ATA Device Blue (500 GB, 7200 RPM, SATA-II)
Ram: CORSAIR Vengeance 8GB (2 x 4GB) DDR3 1600 CL9 Dual Channel Memory Kit
Case: Thermaltake V4 BLACK EDITION mid tower + 450w PSU

الموضوع هو انى كنت عاوز اجيب بروسيسور اعلى شويه عن بتاعى اللى فوق فى التجميعه وكنت هجيب البروسيسور دا A8-3870K

بس انا كنت عاوز اجيب البروسيسور دا عشان مكنتش بفكر اجيب كارت شاشه خارجى عالى لانى مش بشغل العاب كتير اوى عاليه يعنى

بس وانا ببحث عن الموضوع دا على الانترنت لقيت انى ممكن اعمل كروس فاير بالبروسيسور الحالى مع الكارت الخارجى دا HD 6670

فقولت اجيب الكارت الخارجى دا HD 6670 واعمل كروس فاير مع الكارت المدمج اللى فى البروسيسور بتاعى A6-3500 واهو هبقى وفرت حوالى 400 جنيه لو كنت هشترى كارت عالى زى HD 7770

المهم جبت الكارت وركبته ولما دخلت على الويندوز الكارت الجديد اللى هو HD 6670 لقيته اتعرف لوحده من التعريف الحالى بتاع الكارت المدمج ودخلت فى اعدادات الكارت لقيت الكروس فاير جاهز انه يتعمل

روحت مفعل الكروس فاير لقيت فى فرق طبعا فى اداء الالعاب وحتى صورة الافلام بقت اوضح واحلى بس المشكله بقى انى لاحظت حاجه غريبه فى صورة الافلام وهيا ان فى نص الشاشه من فوق لو الفيلم فيه حركه كتير زى فيلم اكشن مثلا بلاقى فى رعشه فى نص الشاشه من فوق فى صورة الفيلم

الموضوع دا لو واحد عادى ممكن يفكر انها من الفيلم لكن انا لاحظتها بعد تفعيل الكروس فاير ولما بشغل الكارت الفرى لوحده بلاقيها راحت والصورة اتظبطت ولما بشغل الكارت المدمج لوحده بردو بلاقيها راحت واتظبطت

لكن مع الكروس فاير بلاقيها موجوده مش عارف ايه الحكايه بالظبط والمفروض ان التعريفات وكل حاجه مظبوطه وتمام وحتى الكوداك بردو تمام

انا عندى شاشه 19 بوصه LCD W1954S

ارجو الافادة وشكرا وكل سنه وانتم طيبين

بصراحة
اول مرة فى حياتى اسمع انة ممكن عمل كروس فاير
مع كرت مدمج فى المعالج مع الكرت الخارجى
لانة يوجد بريدج بيتم تركيبة بين الكرتين الخارجى عشان تعمل كروس فاير
واللى اعرفة استحالة هذا
وشيىء اخير استحالة ظهور اوبشن الكروس فاير
فى الدرايفر الا فى حال تركيب كرتين خارجى
وهذة هى صورة البريدج

https://oi47.tinypic.com/js1r0x.jpg

انما يوجد شيىء اسمة
HyperFormance

وهذا برنامج
واسمة
Virtu MVP Software
بيتم دمج الكرت الرسومى للمعالج مع الكرت الخارجى
ولكنى لا اعرف اذا يمشى معك ام لا
وهذا هو موقع البرنامج
https://www.lucidlogix.com/driverdownloads.html


أنتظر رأى الاخوة الافاضل يمكن لهم رأى اخر

لاء يا غالى بينفع كروس فاير مع الكارت المدمج فى المعالج فى ال AMD

ودا صفحة فيها معلومات من موقع الشركة عن الموضوع دا

https://www.amd.com/us/products/tech...raphics.aspx#3

ودا فيديو لطريقة تفعيل الكروس فاير بنفس الطريقة اللى ذكرتها فى الموضوع فوق

https://www.youtube.com/watch?v=NFAMmTDu_H0


ومنتظر اراء باقى الاخوه ان شاء الله

شاهدت الفيديو
على فكرة لدى نفس الخاصية
من البايوس بس لم اجربها بصراحة
تسلم اخى العزيز
على الايضاح
يمكن ظهر اوبشن الكورس بسبب المعالج لديك AMD
بس بصراحة اول مرة أعرفها
بالتوفيق

الله يسلمك يا غالى تحت امرك

ومنتظر اراء باقى الاخوه ان شاء الله

جرب مسح التعريف نهائيا وتنزيل تعريف جديد والشرح في توقيعي

نزلت ويندوز جديد وريحت دماغى ونزلت التعريفات بتاع البوردة من موقع الشركة وكله اتظبط دلوقتى وبقى تمام الحمد لله

رغم ان كل حاجه كانت كويسه بس مش عارف كانت المشكله موجوده ليه مفيش حاجه اتغيرت غير انى كنت مخلى الثيم كلاسيك فى ويندوز سيفن ودلوقتى مخليه على الثيم العادى يمكن دا كان السبب هههه

الف شكر لكل الناس اللى ردت فى الموضوع واللى حاولت تساعدنى .. وكل سنه وانتم طيبين