استفسار بخصوص سعر بلاي ستيشن 2 في مصر ارجو المساعدة
السلام عليكم ورحمة الله وبركاته
اولا اسف لو الموضوع مش فمكانه بس المنتدى اعضائه محترفين وهما اكتر ناس ممكن تساعدني فياريت تعذروني وتسامحوني
عايز اعرف سعر بلاي ستيشن 2 المستعمل كام لاني عندي واحد كنت اشتريته من فترة من السعودية وهو استعمالي الشخصي وعايز ابيعه فعايز اعرف سعره كام علشان ميتنصبش عليا فياريت تفيدوني ياجماعة بسرعة ضروري وجزاكم الله كل خير
انا ساكن في القاهرة والبلاي ستيشن بتاعي 2 اللي زي اللي في الصورة ومعاه دراع واحد اصلي والبلاي ستيشن بعلبته والاكياس بتعته وكل حاجته وكمان عايز ابيعه بالسيديهات اللي معاه وهما حوالي 10 او 15 اسطوانة العاب
https://up.damasgate.com/files/8l27u51i0hyd0a0hrnan.jpg
ياريت ياجماعة تقولولي سعره مستعمل كام اليومين دول لاني عايز ابيعه بسرعة
وشكرا ليكم
رد: استفسار بخصوص سعر بلاي ستيشن 2 في مصر ارجو المساعدة
البلاى ستيشن معا الدراع ب 600ج والاسطوانات لو حلوة والالعاب جمدة ممكن تتباع فحدود 50 ل 100 ج لانة مستعمل ماشى
رد: استفسار بخصوص سعر بلاي ستيشن 2 في مصر ارجو المساعدة
اقتباس:
المشاركة الأصلية كتبت بواسطة miro the king
البلاى ستيشن معا الدراع ب 600ج والاسطوانات لو حلوة والالعاب جمدة ممكن تتباع فحدود 50 ل 100 ج لانة مستعمل ماشى
جزاك الله كل خير على ردك
بالنسبة للجهاز فللاسف مش عارف اذا كان موديله يجيب السعر دة ولا لا ومش عارف موديله كمان لكن انا اشتريته من السعودية سنة 2005 تقريبا وهو معاه لسة الكرتونة والدراع الاصلي ( الكرتونة لونها اصفر ) ومفيهوش حاجة غير ان الميموري عايز فورمات والادابتر بتاعه شغال لكن بس الجاك الاصفر بتاعه عايز يتغير يعني خلينا نقول ادابتر جديد برغم انه هي سلك مش اكتر والادابتر شغال ومفيهوش مشاكل
اما الاسطوانات فمعاه حوالي 11 او 12 اسطوانة العاب كنت اشتريتهم من السعودية
منهم devil may cry 3 و splinter hell و hitman وغيرهم
ملاحظة ( لااعتقد ان الاسطوانات اصلية هما معاهم الكافار بتاعهم اللي زي العلبة بس انا شاريهم من السعودية من عند محلات "صديق تعالى تعالى :)" اخوانا في السعودية اكيد عارفين قصدي ايه:))
لكن الجهاز كله نضيف ومفيهوش اي مشاكل
وانا في القاهرة يعني عايز اعرف ممكن السعر يكون كام في القاهرة وخصوصا اني ناوي انزل ابيعه في العتبة عند الناس اللي جنب شارع الازهر ماهو انا للاسف معرفش غيرهم ينفع يشتريه
رد: استفسار بخصوص سعر بلاي ستيشن 2 في مصر ارجو المساعدة
بيعة فى حتة غالية
كدة الاسطوانات مش هتجيب اكتر من 75على افتراض الاسطووانات مفيهاش اى حاجة
اما البلاى ستيشن لو اتعرض عليك 550 ج عادى ااقل من كدة متبعش عششان حرام معلومة الجديد ب 100 والهرد ب1200
والادابتور جيب جديد عشان تبيعة غالى
رد: استفسار بخصوص سعر بلاي ستيشن 2 في مصر ارجو المساعدة
ممكن ترفع صورة لية عشان احكم علية
رد: استفسار بخصوص سعر بلاي ستيشن 2 في مصر ارجو المساعدة
اقتباس:
المشاركة الأصلية كتبت بواسطة miro the king
ممكن ترفع صورة لية عشان احكم علية
انا بجد عاجز عن شكرك على تعبك معايا
الصورة بتاعته نفس الصورة اللي انا عارضها نفس الشكل واللون والحجم "الا اذا كانت الصورة مش ظاهرة"
اما بالنسبة للسيديهات فانا مش معترض على السعر وممكن ابيع الواحدة ب 40 او ثلاثين مش مهم عندي
الادابتر ممكن اجيب واحد جديد بس مش عارف سعره كام
كنت حضرتك قلتلي بيعه فمكان غالي طيب ممكن لو انت فمصر تقولي زي ايه لاني مش عارف حتة غير العتبة؟
في واحد بيقولي هو عايز بلاي ستيشن علشان عنده سايبر بس بيقول عايز جهاز ب 300 جنيه !!!!!
في ملاحظة ...انا لقيت ان موقع البلاي ستيشن عاملين البلاي ستيشن 2 بمية دولار يعني حوالي 550 او اقل طيب دة جديد عندهم ب 550 جنيه يبقى هل اقدر ابيعه مستعمل ب 550 جنيه؟! انا اعتقد ان طبعا سعره هنا ب 1000 علشان لسة في جمارك وشحن وضرايب هل انا صح ولا غلط
وشكرا ليك مرة تانية
رد: استفسار بخصوص سعر بلاي ستيشن 2 في مصر ارجو المساعدة
اقتباس:
المشاركة الأصلية كتبت بواسطة miro the king
معلومة الجديد ب 100 والهرد ب1200
حضرتك تقصد 100 ولا 1000 ؟
وانا جهازي مافيهوش هارد دة النوع اللي عندي اللي هو رفيع وادي صورة من على النت لنفس الشكل تاني علشان لو حابب تعرفه كويس
https://up.damasgate.com/files/5hq8dgy1hxx77kp9y10f.jpg
رد: استفسار بخصوص سعر بلاي ستيشن 2 في مصر ارجو المساعدة
اخي الفاضل انا دورت على رقم الموديل على الجهاز والعلبة ولقيت الرقم دة
PAL SCPH-70004 CB
يارب يكون هو دة قصدك
بالمناسبة لقيت على النت واحد بيتكلم عن مواصفات الجهاز وهو دة بالضبط جهازي اللي علبته صفراء الصغير..الرابط على موقع ديفيدي فور اراب واسف على ادراج عنوان موقع بس كل قصدي توضح نوع الجهاز
https://dvd4arab.maktoob.com/showthread.php?t=704983
واسف على الاطالة وشكرا لتعبك معايا
رد: استفسار بخصوص سعر بلاي ستيشن 2 في مصر ارجو المساعدة
رد: استفسار بخصوص سعر بلاي ستيشن 2 في مصر ارجو المساعدة
وبلاش حضرتك هية الاسطوانات اصلية
رد: استفسار بخصوص سعر بلاي ستيشن 2 في مصر ارجو المساعدة
االبلاى ستيشن بتاعك يتباع كدة ب نفس السععر الى قولتواوهو جامد جدا ومعلومة ممكن يتركبلة هرد
رد: استفسار بخصوص سعر بلاي ستيشن 2 في مصر ارجو المساعدة
اقتباس:
المشاركة الأصلية كتبت بواسطة miro the king
وبلاش حضرتك هية الاسطوانات اصلية
هي معاها علبها البلاستيك زي الكتاب واللي هي زي العاب الكمبيوتر بتيجي فعلبة لكن اعتقد برغم انها شكلها يوحي انها اصلية اعتقد انها مش اصلية ودة لسبب اني اشتريتها من محلات في السعودية مش محلات كبيرة
بس زي ماقلتلك شكلها بيقول انها اصلية بسبب العلب بتاعتها وكمان الاسطوانات مطبوع عليها شكل اللعبة بس مش عارف
وانا حطيتلك موقع في بالضبط نوع لجهاز بتاعي اللي هو في العلبة الصفرة وكمان كتبتلك الموديل ياريت تفيدني في استفساراتي اللي فاتت لان في واحد اللي قلتلك عليه بيقولي 300 فخايف يكون دة سعر كويس لانك قلتلي لا حرام اقل من 550 وكمان عايز اعرف الاماكن الغالية اللي ممكن ابيعها فيها وتمن الادابتور
وشكرا ليك جدا جدا
رد: استفسار بخصوص سعر بلاي ستيشن 2 في مصر ارجو المساعدة
انا بامانا بقولك الحقيقة لان العتبة بيتباع رخيص بس لو بعتة هناك ب500 يبقى جامد يكون لو عشان بقالى 5 سنين طب صينى ولا يبانى
رد: استفسار بخصوص سعر بلاي ستيشن 2 في مصر ارجو المساعدة
اقتباس:
المشاركة الأصلية كتبت بواسطة miro the king
انا بامانا بقولك الحقيقة لان العتبة بيتباع رخيص بس لو بعتة هناك ب500 يبقى جامد يكون لو عشان بقالى 5 سنين طب صينى ولا يبانى
طمنتني الله يكرمك ان الجهاز دة موديله جامد
هو صيني للاسف ودة اللي انا اخدت بالي منه وانا بشوف الموديل كنت فاكر انه ياباني..الحمد لله على كل شيء
وهل معنى كلامك ان اللي بيقولي اخده ب 300 دة كدة رخيص جدا وبلاش منه وان شاء الله الاقي احسن من كدة سعر
المشكلة انا معرفش فين الاماكن اللي ممكن ابيعه فيها غير العتبة :confused:
رد: استفسار بخصوص سعر بلاي ستيشن 2 في مصر ارجو المساعدة