طلب برنامج اختبار عميق للهارد wd وبرنامج اختبار لسى دى رايتر سامسونغ ورايكم فيه الخ

السلام عليكم

اشتريت هارد wd ata 80 جديد ولما جيت اقسمه ماتقسمشى وديته لمحل كمبيوتر وبارده ماتقسمشى واكتشفنا فيه صوت بسيط
المهم وديته للضمان وقالو كلام فاضى كتير وقسمهولى بمعرفتهم وسابوا فيه 13 جيجا مش متقسمين ولما روحت اعدت تقسيمه حسب اختياجى وبعد التقسيم والفرمته واثناء عمل سكانديسك الى فى الدوس اكتشفت 2 كلستر باد سيكتور فى البارتيشن التالت والبارتيشن الاخير مش راضى ينفتح بالدوس نهائى مع ان كله يتفتح فى الويندوز وكله فات 32
المهم وديته للضمان علشان اغيره لانه مش بقاله يومين قاله سيبه ونشوف فيه ايه
رحت اخده قالولى العيوب الى انته قلت عليها من سوء فرمته وكلام كده واحنا ظبطناه واختبره بمعرفتك

ولما روحت اكتشفت انهم لعبوا عليه لعبه غبيه زيهم وقال ايه راحوا مقسمين الهارد قسم واحد علشان البارتيشن الاخير الى ماكنشى بيتفتح فى اللدوس يتوه فى السليم واهو كله بيفتح فى الويندوز والباد سيكتور الى كانت فى البارتيشن التالت علشان اكتشفها عاوزلى 4 او 5 ساعات لانه بقى بارتيشن واحد


المهم قسمته لسبع اقسام علشان اكتشف العيوب دى ولما عملت سكانديسك لكل درايف لقيت كله سليم
رحت لموقع الشركه ونزلت برنامج الاختبر من الباد سيكتور واختبرت الهارد كله لقيته سليم
مع انى متاكد انى شفت 2 كلستر عليهم علامة B حمراء

انا عاوز منكم لو سمحتم المشورة والنصيحه اعمل ايه لان فيه ناس قالتلى حلول كتيرة بسى علشان اعملها هاعمل شوشره ملهاش لازمه لانى قادر والحمد لله اقلب عليهم مباحث التموين واشمعلهم المحل بسى ده خراب بيوت لناس تانيه وانا مارضهاش الا ازا لزم الامر

عاوز برنامج قوى فى اختبار الهارد ده

كمان انا اتورط واشتريت مع الهارد سى دى رايتر سامسونغ "بصراحه الله اكبر عليه بجد فى القرايه ما شاء الله صوته ما شاء الله لكن برده عاوز اختبره لان العلب بتعته بتبقى مفتوحه وممكن يكون ده من المرتجعات بتاعة الضمان ويشتغل فترة ويبوظ فعاوز اختبره كويس وازاى اتاكد انه سليم 100000%

المصيبه التالته انى شريت منهم فلاشه sandisk u3 1giga"والصراحه فتحتها وماشاء الله مافيهاش مشاكل لكن لانى اول مره استخدم فلاشات فهل هناك برامج لاختبارها

وبالمناسبه الفلاشه جاى معاها حاجه رفيعه ومربعه مغلفه بتاعة 2 *2 سم وحاجه كمان مغلفه شكلها مستطيل بتاعة 1 *3 سم الحاجات دى بتاعة ايه hgtghai ikh
https://www.sandisk.com/Products/Ite...lack__New.aspx

بالمناسبه انا شريها ب80 جنيه وفى الموقع ب34 دولار يبقى هل دى تقليد ولا ايه الى عندى مكتوب عليها made in china لكن الصور الى فى الموقه مش موضحه الجانب الى عليه اسم بلد التصنيع



اخر جاحه بمناسبه شهر رمضان الى جاى وكل سنه وانتم طيبين وبمناسبه الكلام على الهاردات ياريت حد يدلنا على برنامج بارتيشن ماجيك كامل سمعت انه 40 ميجا

اه هههه "معلشى اصلى برتاح فى الكلام معاكوا" بارتيشن ماجيك قريت مرة مع اسمه شركة نورتن ومرة مع شركة باور كويست فهل دول مختلفين ولا دى شركه واحده

اه ولا خلاص كفايه كده
اسف انى طولت عليكم لكن بعد كده هتكلم باختصار

انا بقى عاوز الردود والاجوبه تنزل مطره عليه علشان مستجل قوى

السلام عليكم

بالنسبة للهارد ديسك الذي اشتريته فشي طبيعي ان تختفي البادسكتور منه لان فيه برامج لتغطية الباد سكتور الذي يكون من النوع الفيزيائي

مثلا برنامج HDD regenerator يقوم بكشف البادسكتور وازالتها

واذا تورطوا ولم يضبط معهم يقومون بعمل LOw level format من برامج متخصص بالهارد ويختفي القطاع التالف

ولو انك تمسكت بحق رد الهارد منذ اول لحظة اكتشاف للبادسكتور لكان افضل لك
رغم ان الهارد الان رجع عادي وسوف يعمل لان الباد سكتور ازيل منه

لكن هذا يثبت انه مستعمل على الاقل منهم هم في الشركة والا كيف جاء البادسكتور

اما الفلاش اقول لك هناك نوعيات اصلية ومقلدة من الشركات ولكن ليس شرط ان تكون مصنوعة بالصين انها غير اصلية فاغلب الفلاشات تكون مصنوعة بتايوان وهي من شركات معروفة

الحل هو الوكيل لسانديسك فهو يعرف الاصلية او تاخذها لمحل اخر لترى فرق الكرتونة بين الاصلية وغيرها

وسوف تجد فرق بالوان العلبة ولون البلاستيك مثلما حصل مع احد اصدقائي وفلاش LG مقلدة وضاعت البيانات في ايام واكتشفنا فرق بينها وبين الاصلية في الوان العلبة والبلاستيك والسعر طبعا


السي دي رايتر عليك ان تجرب الحرق عليه ببرنامج NERo مثلا وترى هل تتم العملية جيدا ومع اصناف مختلفة من الاسطوانات وانساق مختلفة

برنامج بارتيشن ماجيك اظن انه موجود شرح له بالمنتدى وربما البرنامج روابطه وتسجيله يعملان

اشكرك جدا اخى فلوبى والله ينتقم من الظالمين والنصابين وانا با>ن الله مش هاسكت على حقى ابدا ولو وصلت انى اشمعلهم المحل وقادر على كده با>ن الله

والله مش عارف الناس ازاى يقبلوا الحرام على نفسيهم وينصبوا على الخلق
والله لاخليهم يلعنوا اليوم الى تعاملوا معايا فيه وفكروا يغشونى

اشكرك جدا على الاهتمام والرد
فى حفظ الله

أخى العزيز .. برنامج بارتيشن ماجيك كان فى الأصل لشركة باوركويست ثم أشترت شركة نورتون البرنامج وأصبح ملكا خالصا لنورتون.... هذا لأزالة اللبس...