رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
اقتباس:
المشاركة الأصلية كتبت بواسطة abdalhaliem
تلك الصوره بحاله الضغط أم بحاله الخمول ؟؟؟
أذا كانت بحاله الخمول
فدرجات الحراره للمعالج مرتفعه جداا
لكن بكل الأحوال درجات الحراره لاتسبب هكذا مشكله
ألا بحاله الأرتفاع المفرط بدرجات الحراره
ويحدث وقتها غلق للجهاز فجائى
وعدم أقلاعه من جديد ولكن لثوانى
( الفتره المفترض بها رجوع المعالج ألى معدلاته الطبيعيه )
لكن بحالتك الأمر مرهون بنزعك للبطاريه
لكن لماذا تقوم بتركيب البطاريه من الأساس ؟؟
طالما الجهاز يعمل مباشره من التيار الكهربائى
جرب تعمل مع الجهاز بدون بطاريه
والمقصود بالعمل على الرام الأصليه للجهاز
هو تحييد الأحتمالات وصولاا للمشكله الحقيقيه
بالتوفيق
اسف على التأخر في الرد لاني وديت اللاب لفني في نفس اليوم تقريبا واللاب فضل هناك للتجربة
الحرار كانت عالية لاني كنت بلعب FIFA17 وهي بتستخدم 100% من الروسيسور تقريبا
ودرجة الحرارة وفقا لبرنامج advanced care بتكون فوق 90c
الباشمهندس بعد ما وصفتله الموضوع وشرحتله التجارب وقبل ما يمسك الجهاز سأل سؤال واحد
?viga ati .. قلتله اه قالي تبقا فيجا وقالي انها لما بتبدأ تتلف بتعمل كدا بالظبط تحديدا وبشكل غير مفهوم
بترفض فتح الجهاز لكن لو نجحت في الفتح بتشتغل عادي بنفس الكفاءة
وقالي ان دا عيب مشهور في كتير من الاجهزة اللي بتسخدم amd
الموضوع مؤلم بصراحة حتى ان جهاز اعتقد مش هيتباع الا تقطيع بقا وخسارة كبيرة ليا
الحمد لله على كل حال وشكرا جدا لتعب حضرتك معايا جزاك الله خيرا :)
رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
ياأخى الكريم
كل ماتقوله خارج حدود المنطق
ماعلاقه الفيجا أيا كان نوعها
بنزعك للبطاريه فيحدث مايحدث
أذا كان مايحدث يحدث بصوره مباشره
لقلنا آمين ؟؟؟؟؟؟؟؟؟؟؟؟
لكن يحدث هذا فقط عند نزعك للبطاريه
هل يتذكر المعالج الرسومى وقتها فقط أن به مشكله ؟؟؟؟؟؟؟
سامحنى يعنى الكلام ليس مقنعاا
وطلبنا منك نزع البطاريه نهائيا طالما أن بها مشكله
وأنظر ألى النتيجه لهذا السبب ؟؟؟؟
الملخص المفيد وارد جداا تلف المعالج الرسومى
وكثيرا مايحدث هذا
لكن ماعلاقه الشاحن بالقصه
أذا كانت هناك مشكله بالمعالج الرسومى
سيحدث هذا سواء البطاريه موجوده من عدمه ؟؟؟؟
سامحنى الكلام غير مقنع بالمره
قم بالعمل على الجهاز بدون البطاريه وأخبرنا بالنتيجه
بالتوفيق
رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
هو في لبس بسيط ان المشكلة عندي مش بطارية انا بالفعل فاصل بطارية خالص
الجهاز عندي لو فصلت عنه الكهربا مش بيفتح خالص حتى وهو موصول بالشاحن لازم يريح بالساعات
يعني الجهاز شغال .. افصل الشاحن الجهاز يفصل .. اوصل الشاحن واشغله ما يرضاش شيتغل وينور caps lock led
وبارشاد حضرتك كشفنا على الهارد وكان سليم وروحنا لاحتمال دايرة الرامات
واستنتجت وقتها ان سبب فصل الجهاز ساعتين تلاتة او اكتر ان الرامات بتاخد وقت تفرغ الشحنات الكهربية اللي فيها (لما كنت فاكرها رامات)
فخرجت البطارية وحجر الساعة كمان برا اللاب خالص وفعلا بقا بيشتغل بعدها بنص ساعة مثلا او اقل
وبعدين عملت التجارب على الرامات وطلعوا شغالين والمشكلة مش بتظهر في الجهاز التاني
وفي النهاية وديته صيانة وسألت كل المحلات تقريبا ناس كتير قالوا ان الجهاز اللي ما يرضاش يفتح او بيفتح مرة اه ومرة لأ بتكون كارت الشاشة او الفيجا زي ما بيسموه وان ممكن تكون رام الفيجا اللي فيها المشكلة
وشرحت لحضرتك الكلام اللي اتقالي ان دا عيب بيظهر باستمرار في اجهزة اللابات اللي فيها كروت AMD المتوسطة او الضعيفة نتيجة تحميل زايد
وخصوصا ان شغلي على اللاب games و جرافيك
وفي حد اقترح عليا انه يفصل دايرة AMD عن البوردة واشتغل بIntel اللي موجودة
دا الموضوع كله
رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
الأن الصوره أتضحت
مع أنك لو تراجع ردودى
ستجدنى أطلب منك أكثر من مره فصل البطاريه
ولم تجبنى كما أجبت الأن
أوقات كثيره يسبب عدم شرح المشكله بطريقه سليمه
فى تشتت المعلومات وبالتالى الذهاب بأتجاه أخر
وبالنسبه للمعطيات الجديده
لا ليست تلك مشكله خاصه ب amd
لكن ممكن أسألك عن مكان أقامتك
هل أنت من أبناء الأسكندريه
لأدلك على مكان آمن
الجهاز عندك
نسبه كبيره من الشك تتجه نحو تشبايه الفيجا
لكن أيضا توجد نسبه من الأحتمالات الأخرى
فقط الجهاز يحتاج لفنى أمين لفحصه جيداا
بالتوفيق
رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
انا بعتذر لحضرتك جدا انا كنت بحاول اوضح الموضوع على قد ما اقدر
انا ساكن في اكتوبر فالقاهرة والجيزة بشكل عام ممكن ولو الموضوع واقف على سفري للاسكندرية اسافر عادي :D
موضوع الشباية دا ممكن انا قريت عنه برضه وانه بيسبب مشكلة زي دي تقريبا
وواحد صحبي كان حكالي حاجة زي دي حصلت معاه بس انا لازلت مش فاهم الموضوع كويس في الهاردوير
انا اسف اني بتعب حضرتك معايا جدا
رد: اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو
لا أبدا أخى الكريم
لايوجد أى داعى للأسف
لمن دواعى سرورنا التواصل الدائم معكم
ولايوجد أيضاا أى داعى للسفر للأسكندريه
فقط لأنى أقيم بها
لكن بالتأكيد هناك فنييون على قدر كبير من المهاره بالقاهره
القصه أسأل معارفك عن شخص موثوق به
أو شركه محترمه متخصصه بصيانه الأجهزه المحموله
وطمنا ماذا صار معك
بالتوفيق أخى الكريم
تحياتى