بسم الله والحمد الله والصلاة والسلام على رسول الله وآله وصحبه ومن والاه. أما بعد
معكم اخوكم يحيي انا طالب بدرس هندسه صوت
اتعرفت علي مجال الـIT قريبا لكن من زمان نفسي اشتغل في مجال الكومبيوتر بس مكنتش عارف الطريق
المهم درست ووجدت مجالات كثيره واستفسرت من ناس كتير منهم اعضاء في هذا المنتدي عن المجالات الIT وافضلهم وكده والجمد لله قامو بالواجب معايه واكثر
وانا حاليا بذاكر شهاده A+
ونفسي اشتغل في المجال ده طبعا انا خايف اني تكون دراستي ولانها ملهاش علاقه بالـIT تكون عائق ليه في مساري الوظيفي في الIT بس انا توكلت علي الله شادد حيلي في
المذاكره
المهم انا حابب مجال امن المعلومات و الشبكات ومحتار اتخصص في انهي فعايز اسأل انهي مجال افضل عموما
يعني بالسبالي انا بحب اشتغل علي السوفت وير اكثر من الهارد وير وبحب اشتغل شغل يكون في نوع من الابداع اكثر من انو حفظ وخطواط معينه يعني بحب اني ابتكر او مثلا احب
لو في مشكله معينه واجهتني في الشغل يكون ليها طرق كثيره لحلها وانا اشوف افضل طيرقه ايه او ممكن اخترع طريقه مثلا من دماغي تحل المشكله بس طبعا يكون ليها خلفيه علميه يعني بأختصار انا بفضل العمل الي بيقوم علي المرونه مش يكون عباره ان نظريات وقوانين سابته وجامده مفيهاش تغير
يارب اكون عرفت اوصل الي انا عايز اقوله لحضراتكم المهم
دلوقت يبقا وجه نظر حضرتكم افضل مسار ليه في مجال الـIT ايه
وافضل طريقه ابدأ بيها عشان اكون عندي خبره كافيه عشان اعرف واجه تحديات العمل وازاي فعلا يكون عندي خبره علميه وعمليه بأقل تكاليف لان الشهادات العلميه مرتفعه الثمن وانا للأسف معنديش المقدره اني اخذ كذا شهاده عشان اعرف اشتغل
اخر حاجه ازاي اعرف اشتغل بدون شهادات عشان اخد الخبره الي تحسن من مستوايه العملي
لاني علي ما اعتقد معظم الشركات بيكون الشرط الاساسي في الوظيفه هو الخبره وانا معنديش خبره
واسف لو كنت طولت في الموضوع
بس انا محتار جدا الفتره ما بين امن المعلومات وهندسه الشبكات
